Gígjan landssamband íslenskra kvennakóra var stofnað 5. apríl 2003. Markmið með stofnun sambandsins er
að efla starfsemi og samstarf kvennakóra. Einnig að efla samskipti við kvennakóra erlendis og safna og
 miðla upplýsingum um starfsemi og sögu íslenskra kvennakóra.

Af ást og öllu hjarta

Laugardaginn 27. október mun kvennakórinn Vox feminae halda tónleikana Af ást og öllu hjarta í Háteigskirkju. Kvennakórinn Vox feminae er 25 ára um þessar mundir og eru tónleikarnir liður í dagskrá afmælisárs Á efnisskrá eru verk eftir íslensk samtímatónskáld og er heiti tónleikanna tekið úr einu þeirra sem er eftir Svanfríði Hlín Gunnarsdóttur, en hún hefur samið þrjú verk sérstaklega fyrir kórinn og verða þau öll flutt á þessu afmælisári. Stjórnandi kórsins er Margrét J. Pálmadóttir. . Hægt er að nálgast miða hjá kórfélögum en einnig verða miðar seldir við inngang á tónleikadegi. Miðaverð er 2.000 krónur..

Lesa meira

Laugardaginn 20. október kl. 13 verður aðalfundur Gígjunnar haldinn í Söngskólanum Domus Vox, Laugavegi 116, Reykjavík.

Dagskrá aðalfundar:

1. Skýrsla stjórnar.
2. Reikningar.
3. Umræða um skýrslu og reikninga.
4. Tillögur og lagabreytingar.
5. Ákvörðun árgjalds.
6. Kosning formanns.
7. Kosning stjórnar og varamanna.
8. Kosning tveggja skoðunarmanna reikninga.
9. Önnur mál.


Aðildakórar Gígjunnar eru hvattir til þess að senda formann og stjórnir sínar á fundinn. Við viljum vekja athygli á að hver kór getur sent eins marga fulltrúa og hann vill á fundinn. Tveir fulltrúar hvers aðildarkórs hafa atkvæðisrétt á aðalfund skv. lögum Gígjunnar.

Einnig bráðvantar konur í stjórn Gígjunnar, tekið er á móti tilnefningum i gegn um netfang samtakanna. 


Hlökkum til að sjá sem flestar.

Með bestu kveðjum frá stjórn Gígjunnar:

Kolbrún, Kvennakór Reykjavíkur
Una Þórey, Kvennakór Akureyrar
Astrid, Kvennakór Reykjavíkur
Hólmfríður, Heklunum
Hanna, Kvennakór Hornafjarðar

Lesa meira
Vegna breyttra aðstæðna leitar Kvennakórinn Ljósbrá að nýjum stjórnanda.
Kórinn heldur upp á þrítugs afmæli sitt á næsta ári og hefur verið með fjölbreytt efni allt frá rokki til íslenskra ættjarðarsöngva og hikar ekki við að takast á við nýjar áskoranir. Í kórnum eru um það bil 40 hressar konur á öllum aldri.
Ef þú hefur áhuga á að vita meira hafðu þá samband við Olgu í síma 892 5357 eða
Margréti Hörpu í síma 868 2543. 
Lesa meira
Það eru miklar breytingar framundan í starfi Vox feminae því Margrét Pálmadóttir, sem stjórnað hefur kórnum frá upphafi, hefur ákveðið að einbeita sér að því kröftuga starfi sem hún stendur fyrir í Söngskólanum Domus Vox og afhenda stjórn Vox feminae í hendur nýs stjórnanda. Því leitum við nú að metnaðarfullum og kröftugum stjórnanda til að leiða kórinn í nýjum og spennandi verkefnum.
Lesa meira