2008 Hornafjörður
Tenglar sem varða efnið:
http://www.hornafjordur.is/kvennakor
2008 Þakkir
Hamingjuóskir og þakkir frá stjórn Gígjunnar
Þakkir frá stjórn Gígjunnar til allra Hornfirðinga (13. maí 2008)
Það er engu líkara en að Kvennakór Hornafjarðar vinni við að halda landsmót svo frábærar voru þær í því hlutverki sínu. Öll skipulagning mótsins var mjög vel unnin og allar tímasetningar stóðust sem getur nú verið mjög flókið þegar svona mikið af fólki er samankomið á einum stað. Mótsstjórn var í höndum Bjargar Erlingsdóttur sem stóð sig með miklum ágætum og stjórnaði öllu mótinu af fagmennsku og röggsemi. Landsmótsnefndin þær; Erna Gísladóttir, Ingibjörg Ævarr Steinsdóttir og Lucia Óskarsdóttir báru hitann og þungann af undirbúningi og eiga þær einnig hrós skilið. Hægt er að lesa mjög skemmtileg skilaboð frá þeim á þessari síðu en þær voru duglegar við að koma upplýsingum um framvindu mála til aðildarkóranna. Hjartans þakkir Erna, Ingibjörg og Lucia þið voruð alveg frábærar. Tengiliðir kóranna fá einnig rós í hnappagatið en þeir voru ávallt til staðar og leystu öll mál sem upp komu fljótt og vel.
Hornfirðingar tóku mjög vel á móti öllum og var konum gjarnan boðið far á milli staða af bæjarbúum. Búðirnar voru opnar eftir hádegi á laugardeginum og sundlaugin breytti opnunartímanum fyrir okkur.
Makar kórkvenna Kvennakórs Hornafjarðar tóku mjög vel á móti okkur með varðeld, léttum veitingum og söng á föstudagskvöldið í fjallasölum Hoffells. Höfðu sett kertaljós útum allt í fjallinu og greinilega hætt lífi sínu og limum fyrir það fjallaklifur, en það bar árangur við heilluðumst gjörsamlega upp úr skónum. Veitingarnar voru heldur ekki af verri endanum kransakökubitar og jarðarber ásamt ísköldum bjór og léttvíni. Þeir þjónuðu okkur einnig til borðs á hátíðarkvöldverðinum á laugardagskvöldinu (dúlluðu við okkur) og dönsuðu meira að segja við okkur þegar þeir höfðu tíma á milli þjónustustarfa.
Heimatilbúin skemmtiatriði á laugardagskvöldinu og frábær hljómsveitin Kusk spilaði fyrir dansi. Í litlu bæjarfélagi þarf fólk oft að bregða sér í mörg hlutverk og til gamans má geta þess að hinn ungi og bráðhressi söngvari Kusks er einnig meðhjálpari í kirkjunni.Bæjarstjórinn Hjalti Þór Vignisson var veislustjóri kvöldsins og fór á kostum.
Kórstjóri Kvennakórs Hornafjarðar á einnig hrós skilið hann Svavar Sigurðsson sem náði góðum hljóm í landsmótslaginu "Þegar sólin skín". Textinn er eftir Guðbjart Össurarson og lagið er eftir Þóru Marteinsdóttur, tónskáld. Það var afar ánægjulegt að hafa þau bæði viðstödd frumflutninginn og færir Gígjan þeim sérstakar þakkir fyrir þeirra framlag.
Það er auðvitað aldrei hægt að gera tæmandi lista yfir alla sem lögðu hönd á plóginn til þess að þetta sjöunda landsmót Gígjunnar yrði eins glæsilegt og raun bar vitni. Það ríkti greinilega mikill samhugur á Hornafirði um að gera þetta landsmót sem allra glæsilegast og allir virtust leggjast á eitt og við þökkum ykkur öllum fyrir glæsilegar móttökur og frábært landsmót.
Stjórn Gígjunnar, landssambands íslenskra kvennakóra óskar Kvennakór Hornafjarðar hjartanlega til hamingju með glæsilegt landsmót og veit að hún talar fyrir hönd allra sem voru á mótinu – þetta var í alla staði frábært hjá ykkur, HÚRRA, HÚRRA, HÚRRA fyrir ykkur öllum.
Næsta landsmót Gígjunnar verður haldið á Selfossi árið 2011 og mun Jórukórinn á Selfossi sjá um undirbúninginn.
Tenglar sem varða efnið:
http://www.hornafjordur.is/kvennakor
HornafjbuningarVor2008.JPG
Kvennakór Hornafjarðar
Bréf frá Kvennakór Hornafjarðar (9. maí 2008)
Heilar og sælar söngsystur allar og þið sem voruð á landsmótinu, kærar þakkir fyrir síðast.
Við erum hamingjusamar og innilega þakklátar öllum þeim sem hafa sent okkur frábæra tölvupósta, ánægjulegar kveðjur og þakkir, hafið þið allar hjartans þakkir fyrir.
Það er einmitt hluti þess staðfestingar að mótið tókst vel, öll undirbúnings- og skipulags vinna hélt . Annar stór þáttur í því að svona vel til tókst voruð þið allar/öll í kórunum sem komuð hingað en það var alveg frábært að vera með ykkur.
Einnig það að okkar góðu makar lögðu allt annað frá sér til að ljá okkur lið í undirbúning og vinnu þessa helgi svo við gætum sjálfar verið með í því sem boðið var uppá. Þeir styðja okkur ætíð í öllu því sem við tökum okkur fyrir hendur, sem er nú ýmislegt bæði mögulegt og ómögulegt, og án þeirra vinnuframlags hefðum við svo sannarlega ekki staðið svo vel að vígi.
Við erum ekki aldeilis af baki dottnar, því vortónleikarnir okkar verða 14. maí, með fjölbreyttri og skemmtilegri dagskrá, “að hætti Svavars” okkar frábæra kórstjóra. Þá er undirbúningur að hefjast fyrir þjóðakvöldið okkar á árlegri Humarhátið hér á Hornafirði sem er orðin fastur liður á þeirri merku hátíð og bara spennandi að sjá hvaða þema verður fyrir valinu í ár en það kemur ekki í ljós fyrr en gestir mæta í hús.
Verið hjartanlega velkomin á Humarhátíð, en eins og þið tókuð eftir sem komuð á landsmótið, að þá er bara örstutt að skjótast hingað til okkar á Hornafjörð.
Bestu kveðjur
frá stelpunum í Kvennakór Hornafjarðar og mökum
Heklurnar2008.JPG
Heklurnar Kvennakór
Hornafjarðarhnoð eftir Unni Sæmundsdóttir í Heklunum (4. maí 2008)
(Bréf frá Heklunum)
Í hamingjukasti hér Heklur sér una
við Hornafjörðinn þær lögum út buna.
Þar konur af klakanum kyrja og kvaka
kátar á daginn, á nóttu samt vaka.
Og móttökur mætar sko meyjunum mættu
er makar af staðnum þær vökvuðu og kættu.
Þökkum við ykkur þá þjónustu góða
þyrftum þeim öllum í Mosó að bjóða.
Þið Hornfirsku konur jú hrós fáið líka
hélduð hér veislu með gestrisni slíka.
Skemmtun á sviði er seint hægt að toppa
er skutlur í gullbuxum byrjuðu að hoppa.
Skvísur svo skrölluðu skrokkinn vel hristu
á dansgólf sér skelltu og alveg sig misstu.
Um morgun samt mættu á æfingu, sungu
mikið sig rækstu en þöndu svo lungu.
Raddirnar ómuðu er rauluðum saman
rúmlega þrjúhundruð stelpur var gaman.
Tónleika tókst okkur allvel að klára
tónverk um sólskin er létt leikur bára.
(Höf. Unnur Sæmundsdóttir)
Með bestu kveðju og þakklæti til kvennakórs Hornafjarðar
og maka þeirra fyrir frábærar móttökur í einu og öllu.
Heklurnar kvennakór
Kvk-Hafnfj600.jpg
Kvennakór Hafnafjarðar
Takk fyrir okkur Kvennakór Hornarfjarðar (4. maí 2008)
(Bréf frá Kvennakór Hafnafjarðar)
Það voru glaðar og söngsaddar Hafnarfjarðarkonur sem renndu inn á plan Tónlistarskólans í Hafnarfirði rétt eftir ellefu á sunnudagskvöldið. Ferðin hafði gengið vel heim og einungis stoppað einu sinni en það var í Vík. Nóg var að gera fyrir staðarhaldara á veitingarstaðnum þar sem á undan okkur höfðu komið Reykjavíkurkonur og Jórukonur rétt sluppu inn áður en við hópuðumst inn á staðinn. Í rútunni var strax byrjað að rifja upp atburði helgarinnar og var mikið hlegið og strax var ljóst að minningar frá þessu 7. landsmóti kvennakóra myndu ekki þurrkast strax úr minni. Ævintýralegt föstudagskvöldið þar sem tindrandi bergið gnæfði yfir glöðum landsmótskonum þar sem þær gæddu sér á þeim guðaveigum sem Karlakór Kvennakórs Hornarfjarðar reiddi fram í ísilögðum kerrum. Og ekki er hægt að nefna þetta ævintýralega kvöld án þess að minnast á það þegar Karlakórinn Jökull kom syngjandi fram undan tindrandi berginu þarna undir jöklinum. Á laugardag tók svo ekki síðra við. Söngur við allra hæfi einkenndi þetta landsmót. Það var mál okkar kvenna að það var mjög vel heppnað að hver kona fengi að velja sinn hóp. Það gerði það líka að verkum að konur kynntust betur. Tónleikar síðdegis og svo rífandi stuð á balli um kvöldið. Er hægt að biðja um betri skemmtun. Áframhaldandi söngur á sunnudegi og mörgum að óvörum small þetta frábæra landsmótslag alveg saman á síðasta sprettinum. Þetta var algjör snilld og við segjum bara enn og aftur takk fyrir okkur Kvennakór Hornarfjarðar. Við erum strax farnar að hlakka til næsta landsmóts á Selfossi eftir þrjú ár.
Með kveðju,
Kvennakór Hafnarfjarðar
Söngskrá landsmótsins
Smelltu hérna til þess að skoða söngskrána.
Dagskrá 7. Landsmóts íslenskra Kvennakóra á Hornafirði
Föstudagur 25. apríl
18.00 – 20.00 Matur til reiðu, móttaka og afhending gagna.
Kórar hitta sína tengiliði.
19.30 Mótið sett.
20.00 Óvissuferð.
21.30- 22.00 Komið aftur í íþróttahús, sungið saman, hóparnir hittast.
Laugardagur 26. apríl
08.30 Kaffisopi í íþróttahúsi.
08.45 Félagsfundur Gígjunnar.
09.00 – 11.30 Vinnuhópar
11.30 Matur, fyrri hópur
12.00 Matur seinni hópur
12.30 Kórstjórnendur funda
Frjáls tími fyrir búðarráp og safnaskoðun
13.30- 15.00 Sameiginleg lög æfð og kaffihlé
Undirbúningur / fataskipti og púðra á sér nefið fyrir tónleika
16.00 Tónleikar kóranna í íþróttahúsi. Hver kór syngur 2 lög
Hátíðarkvöldverður
20.15 Húsið opnar
20.30 Borðhald hefst
Skemmtidagskrá og dans
Sunnudagur 27. apríl
09.00 – 09.30 Formannafundur og kaffisopi
09.30 – 10.30 Sameiginleg lög æfð
10.45 – 12.00 Advance og dægurlaga hópar æfa og fara síðan í mat
10.45 - 12.30 Rithmískur og ethnískur hópar æfa og fara síðan í mat
14.00 Tónleikar í íþróttahúsi
Mótsslit, kveðjukaffi og meðlæti
Hornafjardarvelkomnin.JPG
Gestgjafar landsmótsins að þessu sinni. Kvennakór Hornafjarðar ásamt kórstjóranum Svavari Sigurðssyni og undirleikaranum Jónínu Einarsdóttur
Karlakórinn Jökull lá í leyni (26. apríl 2008)
Sjöunda landsmót Gígjunnar stendur nú sem hæst á Hornafirði en þar eru samankomnir þrettán kvennakórar hvaðanæva að af landinu. Mótið var sett í gærkveldi í íþróttahúsi staðarins og eftir að sárasta hungrið hafði verið satt með léttum málsverði var lagt í óvissuferð. Í kvöld er hátíðarkvöldverður og heimatilbúin skemmtidagskrá. Á morgun klukkan 14 er svo komið að hápunktinum er kórarnir kynna afrakstur vinnuhópa og syngja saman landsmótslagið. Í Fréttablaðinu í dag kom skemmtileg frétt um mótið, lesið nánar um landsmótsfjörið í þessari grein.
Hátt í fjögur hundruð syngjandi konur eru saman komnar á Höfn í Hornafirði þessa helgi svo þar er gleði og gaman.
Hátt í fjögur hundruð syngjandi konur eru saman komnar á Höfn í Hornafirði þessa helgi svo þar er gleði og gaman. Gígjan, landssamband kvennakóra heldur landsmót sitt jafnan á þriggja ára fresti og þetta er hið sjöunda í röðinni. Nú er komið að Kvennakór Hornafjarðar að taka á móti söngsystrum hvaðanæva að af landinu.
Mótið var sett í gærkveldi í íþróttahúsi staðarins og eftir að sárasta hungrið hafði verið satt með léttum málsverði var lagt í óvissuferð. Þar sem nú er kominn laugardagur er óhætt að upplýsa að haldið var í fjallasali Hoffells og þar tóku eiginmenn heimakórsins á móti hópnum með sínum einstaka hætti. Ekki nóg með það, heldur lá Karlakórinn Jökull í leyni en spratt alskapaður fram úr fylgsnum sínum og hóf upp söng svo undir tók í hinum hornfirskum fjöllum. Ungir harmoníkusnillingar komu hinum langt að komnu gestum líka á óvart.
Það er ljóst að kvennakórskonur á Höfn vefja körlum héraðsins um fingur sér og fá þá til liðs þegar á þarf. Það staðfestir Ragnheiður Rafnsdóttir formaður undirbúningsnefndar.
"Hér leggjast allir á eitt til að mótið takist sem best," segir hún. "Kórkonur hafa allar verið virkar í undirbúningnum og karlarnir séð um pallasmíði, flutning á húsgögnum og mörgu fleiru. Bærinn lánar húsnæði til æfinga, samsöngs og veisluhalda og hótelpláss á Höfn og í Nesjum er það ríkulegt að kórkonur eiga að njóta þar svefns í uppábúnum rúmum. Svo var búið að leggja inn beiðni fyrir góðu veðri. Hver og ein hafði sinn hátt á því og vitað er að séra Einar á Kálfafellsstað var beðinn fyrir skilaboð til almættisins."
Eitt af nýmælum mótsins er að hver kona í kórunum þrettán gat valið sér vinnuhóp. Þeir eru fjórir talsins og skiptast í þjóðlög, dægurlög, ryþmískan söng og erfiðari verk. Hóparnir eru að störfum fram eftir degi í dag en síðdegis er komið að sameiginlegri dagskrá í íþróttahúsinu, þar sem hver kór flytur tvö lög sem hann hafði í farteskinu. Í kvöld er hátíðarkvöldverður og heimatilbúin skemmtidagskrá.
Á morgun klukkan 14 er svo komið að hápunktinum er kórarnir kynna afrakstur vinnuhópa og syngja saman landsmótslagið. Það var samið sérstaklega fyrir mótið af Þóru Marteinsdóttur (Marteins Hunger Friðrikssonar) við ljóð staðarskálds Hornafjarðar, Guðbjartar Össurarsonar og nefnist Þegar sólin skín. Undirleik annast stórhljómsveit Jóhanns Moráveks sem sköpuð var fyrir þennan viðburð. Þess má geta að ókeypis er á tónleikana bæði í dag og á morgun.
Heimild:
Fréttablaðið, laugardaginn 26. apríl 2008 (bls. 26-27)
gun(hjá)frettabladid.is
Landsmótsnefndin
Erna Gísladóttir, Ingibjörg Ævarr Steinsdóttir og Lucia Óskarsdóttir skipa landsmótsnefnd.
Mótsstjórinn
Mótstjóri landsmótsins er Björg Erlingsdóttir.
Tónleikar laugardaginn 26. apríl
kl. 16:00 í íþróttahúsinu
Kyrjurnar
That’s what friend’s are for
Burt Bacharach.
radds: Greg Gilpin
Ó, þú
Magnús Eiríksson
Radds. Halldóra Aradóttir
Little things mean a lot
Edith Lindaman og Carl Stutz
Radds. Halldóra Aradóttir
Kvennakór Garðabæjar
Stóðum tvö í túni
íslensk þjóðlög
ljóð úr Víglundarsögu
úts. Bára Grímsdóttir
Tantum ergo op. 65 nr. 2
Gabriel Gaure
ljóð. St. Thomas Aquinas
It was a lover an his lass
John Rutter
ljóð: W. Shakespeare
Heklurnar
Sumarást
Lag: Ólína Gunnlaugsdóttir
úts: Valentína Kay
Una
Lag. Ólína Gunnlaugsdóttir
úts: Valentína Kay
The water is wide
Lag : Amerískt þjóðlag
úts: Audrey Snyder
Kvennakórinn Seljurnar
Allt í himnalagi
Lag: Ragnar Hermanns./Stefán Hilmars
radds. A.Þ.
Þín innsta þrá
lag: Erl/Jóhanna Erlingsdóttir
radds: A.Þ.
Volare
Lag: Modugno/D Modugno, F. Magliacci
radds. A.Þ.
Kvennakór Hafnarfjarðar
Ástarraunir
íslenskt þjóðlag
úts:Hildigunnur Rúnarsdóttir
(að hluta til stuðst við úts. Emils Thoroddsens)
The lass of Richmond hill
Enskt þjóðlag/ensk þjóðvísa
úts. Jonathan Willcocks
Kvennakór Suðurnesja
Dýravísur Jóns Leifs
íslenskt þjóðlag
You raise me up
Brendan Graham og Rolf Lovland
Ahay Toburan
Lag frá Filipseyjum
úts. R Dwyer og Martin Ellis
Kvennakór Hornafjarðar
Ég vil lofa eina þá
Lag: Bára Grímsdóttir
gamalt helgikvæði
Pata Pata
Lag og ljóð Miriam Makeba og Jerry Ragovoy
Kvennakór Kópavogs
Daughter will you marry?
Texti: Paul M. Stouffe,
lag: Þjóðlag frá Pennsylvaniu-Þýskalandi.
That Dixieland sound
Texti: Don Besig og Nancy Price,
lag: Don Besig.
Jórukórinn
Þér við hlið
Lag: Trausti Bjarnason,
ljóð: Magnús Þór Sigmundsson
og Þorvaldur Bjarni Þorvaldsson,
úts. Helena R. Káradóttir.
Hail Holy Queen
Bandarískt lag,
úts. Hannelore Baumann.
Kvennakórinn Ljósbrá
Stolin stef
lag/ljóð: Tómas R. Einarsson
radds: Eyrún Jónasdóttir
Deep river
Negrasálmur,
úts: Thomas Alvad.
Kvennakór Reykjavíkur
Jag unnar deg anda allt gott
sænskt þjóðlag
The man I love/Embracable you
George & Ira Gershwin
Reykjavíkurdætur
Ólafur Gaukur Þórhallsson
& Ingólfur Sveinsson
Tónleikar sunnudaginn 27. apríl
kl. 14:00 í íþróttahúsinu
Advance hópurinn, undir stjórn Sigrúnar Þorgeirsdóttur, flytur lögin:
The garden of love , Lag: Rodney Money. Ljóð: William Blake
Sing me to heaven Lag: Daniel E. Gawthrop. Ljóð: Jane Griner. Úts: Paul Carey
Echo Lag: Elanor Daley. Ljóð: Christina Georgina Rossetti.
Dægurlagahópurinn, undir stjórn Eyrúnar Jónasdóttur, flytur lögin:
Við gengum tvö Lag: Friðrik Jónsson. Ljóð: Valdimar Hólm Hallstað
New York, New York Lag: John Kander . Ljóð: Fred Ebb. Úts: Anders Widestrand
Yellow submarine. Lag og ljóð: Lennon & Mc Cartney. Úts: Jóhann Morávek
Hvítir mávar Lag: Lange. Ljóð: Björn Bragi. Úts: Vilberg Viggósson
Þjóðlagahópurinn, undir stjórn Ingibjargar Guðjónsdóttur, flytur lögin:
Hljóðnar nú haustblær. Úkraínskt þjóðlag. Ljóð: Sigríður I. Þorgeirsdóttir.
Niska Banja Sígaunadans frá Serbíu Þjóðvísa. Úts: Nick Page
Moravískir dúettar
Sá vonsvikni Lag: Anton Dvorák
Fljúgðu söngfugl. Ljóð í ísl. þýð: Böðvar Guðmundsson
Rithmyski hópurinn , undir stjórn Gróu Hreinsdóttur, flytur lögin:
El rithmo de la noche Lag og ljóð: Jay Althouse.
Jamaican market Place. Lag: Larry Farrow. Úts. Emily Crocker
Kenya Melodies. Ljóð: Kimani Njogu. Úts: Robert I. Hugh
People get ready. Lag og ljoð: Bob Marley. Úts: Ejvind Dengso
Sway . Lag: Pablo Beltrán Ruiz. Ljóð: Norman Gimble
Uno, dos y tres . Lag: Rafael Ortiz. Úts: Carlos R. Abril
Sameiginleg lög.
Stjórnandi Svavar Sigurðsson.
Hljómsveit undir stjórn Jóhanns Morávek.
Þjóðlífsmyndin
Lag: Jón Ásgeirsson. Ljóð: íslenskar þjóðvísur
Ömmubæn
Lag og ljóð: Jenni Jóns. Raddsetning: Aðalheiður Þorsteinsdóttir
Amigos para sempre
Andrew Lloyd Webber / Einar Steinþórsson
Úts: Guðni Þ. Guðmundsson / Marteinn H. Friðriksson
Landsmótslagið
Þegar sólin skín.
Lag: Þóra Marteinsdóttir. Ljóð: Guðbjartur Össurarson
Upplýsingar um alla þátttakendur mótsins:
Kvennakór Garðabæjar
Kvennakór Garðabæjar var stofnaður þann 4. september árið 2000. Stjórnandi og jafnframt stofnandi er Garðbæingurinn Ingibjörg Guðjónsdóttir sópransöngkona og söngkennari. Undirleikari kórsins er Sólveig Anna Jónsdóttir deildarstjóri píanódeildar Tónlistarskóla Kópavogs. Kórfélagar eru að jafnaði um 40 talsins. Frá stofnun Kvennakórs Garðabæjar hefur markmið hans verið að gefa konum tækifæri til að taka þátt í metnaðarfullu söngstarfi með fastmótaðri stefnu og skapa sterka félagslega heild. Efnisskrá kórsins samanstendur af innlendum og erlendum söngverkum frá öllum tímum með sérstakri áherslu á tónverk eftir kvenkyns tónskáld. Kórkjólarnir sem kórkonur klæðast við hátíðleg tækifæri eru íslensk hönnun Rögnu Fróða. Ár hvert stendur kórinn fyrir öflugri menningardagskrá þar sem hæst ber haustvöku kórsins, aðventutónleika og vortónleika. Kórinn hefur tekið þátt í landsmótum íslenskra kvennakóra og farið í söngferðir innanlands og erlendis. Kvennakórinn er orðinn einn af menningarstólpum Garðabæjar en frá stofnun hefur hann auðgað menningarlíf bæjarins. Í upphafi árs 2007 endurnýjaði Garðabær samstarfssamning sinn við Kvennakórinn og þar með var rekstrargrundvöllur kórsins styrktur og framtíðarstefnumótun gerð auðveldari. Heimasíða Kvennakórs Garðabæjar er www.kvennakor.is
Kvennakór Hornafjarðar
Kvennakór Hornafjarðar var stofnaður 9. september 1997 en áður söng kórinn í eitt ár undir nafni Leikfélags Hornafjarðar. Kórinn hefur starfað af krafti öll þessi ár og hefur alla tíð haft æfingaaðstöðu hjá Tónskóla Austur-Skaftafellssýslu. Fyrsti stjórnandi kórsins var Vilborg Þórhallsdóttir tónmenntakennari. Jónína Einarsdóttir tónmenntakennari og píanóleikari hefur verið undirleikari kórsins frá upphafi að undanskildu tveggja ára hléi. Kórstjórar Kvennakórs Hornafjarðar hafa verið fjórir og aðalundirleikarar þrír. Núverandi kórstjóri er Svavar Sigurðsson sem hefur stjórnað kórunum frá áramótum 2006. Svavar er skólastjóri Tónlistarskólans á Djúpavogi og kirkjuorganisti. Áður en hann tók við stjórn Kvennakórs Hornafjarðar hafði hann verið undirleikari kórsins í eitt misseri, haustið 2005. Kórinn stendur fyrir aðventutónleikum og vortónleikum á hverju ári á Höfn. Auk þessa hefur kórinn haldið tónleika á nokkrum stöðum á Austurlandi, Suðurlandinu og á Stór-Reykjavíkursvæðinu. Kórinn hefur farið í þrjár utanlandsferðir; til Svíþjóðar 2002, Danmerkur 2004 og Þýskalands 2007 og hefur einnig sungið við hin ýmsu tækifæri í heimabyggð og annars staðar. Fjöldi kórfélaga í gegnum árin hefur verið á bilinu 20-45. Lagaval hefur verið mjög fjölbreytt og einkennst af léttleika og áskorunum í bland. Heimasíða Kvennakórs Hornafjarðar er www.hornafjordur.is/kvennakor
Kvennakór Kópavogs
Kvennakór Kópavogs var stofnaður árið 2002 af Nataliu Chow Hewlett sem hefur verið stjórnandi kórsins frá upphafi. Natalía er kínversk að uppruna en hefur búið á Íslandi frá 1992. Hún hefur starfað sem söngkona, söngkennari, organisti og kórstjóri og hefur stofnað fjóra kóra. Julian Hewlett (eiginmaður Natalíu) hefur verið undirleikari kórsins frá upphafi. Hann hefur útsett mörg lög fyrir kórinn sem og samið lag kórsins. Síðustu misseri hefur fjöldi kórkvenna verið á milli 30 og 40. Þótt kórinn sé kenndur við Kópavog eru einnig í honum konur úr nágrannabæjarfélögum. Tvennir tónleikar hafa verið haldnir flest starfsárin og hefur kórinn bæði staðið einn að tónleikum sem og með öðrum kórum og einsöngvurum. Kórinn hefur líka staðið fyrir uppákomum eins og jólasöng og kaffihúsastemmingu. Í tilefni af 5 ára afmæli kórsins í fyrra var haldið til Búdapest á alþjóðlegu kórakeppnina Musica Mundi. Ferðin tókst vel og kom kórinn heim með silfurdiplómu. Efnisskrá kórsins er fjölbreytt; sungin eru lög úr ýmsum áttum og ræður léttleikinn oft ferðinni. Á dagskránni hafa verið þjóðlög frá ýmsum löndum, kirkjutónlist, bítlalög, negrasálmar o.fl. Kórinn fór í sína fyrstu utanlandsferð til Færeyja vorið 2005 og hélt tónleika í vinabæ Kópavogs, Klakksvík. Kórinn hefur einnig að markmiði að heimsækja aðra kóra hér á landi og í fyrravor var haldið á Akranes að sækja heim Kvennakórinn Ym og þann 11. apríl sl. var farið í Borgarfjörðinn og Kvennakórinn Freyjurnar heimsóttur. Heimasíða kórsins er http://kvennakorkopavogs.googlepages.com
Kvennakórinn Ljósbrá
Kvennakórinn Ljósbrá var stofnaður haustið 1989. Stofnendur kórsins voru Guðríður Jónsdóttir, Margrét Runólfsson og Elín Jónsdóttir, allar búsetar í Rangárvallasýslu. Margrét Runólfsson stjórnaði kórnum fyrstu starfsárin. Núverandi stjórnandi er Eyrún Jónasdóttir og hefur hún stjórnað kórnum frá því 2003. Undirleikari er Arnhildur Valgarðsdóttir. Í Ljósbrá eru að jafnaði 30 til 40 konur á öllum aldri, bæði úr Rangárvallasýslu og nærliggjandi sýslum. Markmið kórsins er að fá konur til að koma saman og syngja sér til ánægju og skemmtunar sem fjölbreyttasta tónlist og koma fram og syngja við hin ýmsu tækifæri, bæði með öðrum kórum og sjálfstætt. Kórinn heldur að jafnaði tvenna vortónleika. Fyrri tónleikarnir eru fluttir í heimabyggð en síðan er farið út fyrir sýslumörkin og sungið fyrir íbúa annara sveitarfélaga. Kórinn einnig þátt í sameiginlegum aðventutónleikum, þar sem allir kórar í sýslunni sameinast um að syngja bæði sameiginlega og hver fyrir sig. Kórinn hefur tekið þátt í Landsmóti kvennakóra frá upphafi. Vorið 2006 fór Ljósbrá í sína fyrstu utanlandsferð til Austurríkis þar sem haldnir voru tónleikar í Vín og í Bad-Gasten í austurrísku ölpunum. Kórinn vann Menningarverðlaun Sunnlenska fréttablaðsins og Töðugjalda haustið 2006. Í tilefni af 20 ára afmælinu á næsta ári ætlar kórinn að gefa út geisladisk og eru upptökur nú þegar komnar á fullt. Kórinn hyggsta fara í sína næstu utanlandsferð vorið 2010.
Kvennakór Reykjavíkur
Kvennakór Reykjavíkur hóf starfsemi sína í janúar 1993 og átti því 15 ára afmæli í ár. Fyrsti stjórnandi kórsins var Margrét J. Pálmadóttir og stjórnaði hún Kvennakór Reykjavíkur frá stofnun hans fram á vorið 1997. Stjórnandi Kvennakórs Reykjavíkur er nú Sigrún Þorgeirsdóttir en hún hefur stjórnað kórnum frá því í september árið 1997. Markmið Kvennakórs Reykjavíkur er að efla söngmennt kvenna á öllum aldri. Innan Kvennakórs Reykjavíkur er rekinn kórskóli og kór eldri kvenna sem kalla sig Senjorítur. Kvennakór Reykjavíkur er stór kór, þar syngja um 100 konur. Kórinn heldur tvenna fasta tónleika á ári, jólatónleika í byrjun aðventu og vortónleika í byrjun maí. Auk þess hefur kórinn haldið skemmtitónleika u.þ.b. annað hvert ár, þar sem sungin hafa verið m.a. gospel lög, lög úr kvikmyndum, barnamyndum og Bítla- og Abbalög. Kórinn hefur farið í tónleikaferðalög til útlanda á tveggja til þriggja ára fresti. Kvennakór Reykjavíkur stóð fyrir öðru landsmóti íslenskra kvennakóra í Reykjavík vorið 1996 og í apríl 2000 hélt kórinn fyrsta Norræna kvennakóramótið. Kvennakór Reykjavíkur hefur gefið út tvo geisladiska, Víf, undir stjórn Margrétar Pálmadóttur árið 1997 og Jól með Kvennakór Reykjavíkur undir stjórn Sigrúnar Þorgeirsdóttur árið 2000. Á fyrstu starfsárum Kvennakórs Reykjavíkur var aðsókn mikil og stofnaðir voru nokkrir sönghópar meðal kórkvenna sem í dag starfa sem sjálfstæðir kórar. Heimasíða Kvennakórs Reykjavíkur er www.kvennakorinn.is
Kvennakórinn Seljur
Kvennakórinn Seljur var stofnaður í maí 1991 og hefur starfað samfleytt síðan. Kórfélagar eru nú 20. Stjórnendur kórsins hafa verið Ester Helga, Kristín Sæunn Pétursdóttir, Tonje Fossnes, Ingibjörg Guðjónsdóttir, Vilberg Viggósson en í dag stjórnar Svava Kristín Ingólfsdóttir kórnum og undirleikari er Aðalheiður Þorsteinsdóttir. Aðsetur kórsins er í Seljakirkju og er hann sjálfstæð eining innan Kvenfélags Seljasóknar. Kórinn hefur tekið þátt í kirkjustarfi í Seljakirkju, sungið þar við messur og á aðventuhátíð. Tónleikar eru haldnir á hverju vori og hefur skapast sú venja að bjóða gestakórum að syngja með Seljunum á tónleikum. Árið 1993 söng með Seljunum Kvennakór Suðurnesja og Freyjukórinn í Borgarfirði; árið 1994 Karlakór Keflavíkur; 1995 Karlakór Slökkviliðsins; 1996 Kvöldvökukórinn; 1997 Kveldúlfskórinn í Borganesi; 1998 Karlakór Selfoss; 1999 Kvennakórinn Ymur frá Akranesi ásamt Karlakór Grundartanga; 2000 Mosfellskórinn og Söngfélagar SVR; 2005 Kvennakórinn Ljósbrá; 2006 Lögreglukór Reykjavíkur og árið 2007 Karlakór Kópavogs. 1999 fór kórinn til Færeyja og söng ásamt kór eldri borgara í Klakksvík og Þórshöfn. Árið 2000 var haldið til Ísafjarðar og Bolungarvíkur og sungið með Sunnukórnum í Ísafjarðarkirkju og Kvennakór Bolungarvíkur í Víkurbæ. 2001 héldu Seljurnar veglega afmælistónleika og gáfu út geisladiskinn Með kveðju frá Seljum með upptöku af tónleikunum.
Kvennakór Suðurnesja
Kvennakór Suðurnesja var stofnaður 22. febrúar 1968 og fagnar því 40 ára starfsafmæli á árinu og er elsti starfandi kvennakór á landinu. Starf kórsins er í miklum blóma um þessar mundir. Stjórnandi er Dagný Þórunn Jónsdóttir og hefur verið undanfarin ár. Undirleikari er Geirþrúður Fanney Bogadóttir. Að jafnaði hafa kórkonur verið á milli 20 og 30 talsins. Í kórnum eru konur úr öllum byggðarlögum á Suðurnesjum þ.e. Reykjanesbæ, Sandgerði, Vogum, Grindavík og Garði. Afmælistónleikar kórsins voru frábærir mættu þar margar konur sem höfðu starfað í kórnum á árum áður og sungu með núverandi kórkonum tvö lög. Meðal þeirra voru nokkrir stofnfélagar kórsins. Einnig fékk kórinn til liðs við sig Léttsveit Tónlistarskóla Reykjanesbæjar og fluttu með þeim svo kallaða „Big Band“ tónlist sem tókst frábærlega og má sjá hluta af þeim tónleikum inná vefsíðu staðarblaðsins okkar www.vf.is, http://vf.is/VefTV/474/default.aspx Kvennakór Suðurnesja fór til Ítalíu í október á síðasta ári og tók þátt í alþjóðlegri kórakeppni. Kórinn stóð sig með prýði og kom heim með viðurkenningu í gullflokki í farteskinu. Nýlega útvegaði Reykjanesbær okkur aðstöðu í einu af yfirgefnu húsunum á Vallarheiði og er það hreint frábært. Kvennakór Suðurnesja hélt Landsmót kvennakóra árið 2002. Einnig var fyrsti formaður Gígjunnar úr Kvennakór Suðurnesja.
Heklurnar
Heklurnar er lítill kvennakór (tæplega tuttugu konur) sem á heimkynni sín í Mosfellsbæ og er einn af mörgum kórum þar í bæ. Kórinn var stofnaður í febrúar árið 2003 og æfir einu sinni í viku, tvo tíma í senn. Reynt er að hafa lagavalið fjölbreytt þannig að allar kórkonurnar fái eitthvað við sitt hæfi. Stjórnandi kórsins er Björk Jónsdóttir og undirleikari á uppákomum er Kolbrún Halldórsdóttir. Heklurnar kalla sig „kórinn sem bakar ekki” því það er í lögum kórsins að stunda ekki fjáröflun af neinu tagi. Þess í stað borga kórkonur mánaðargjald, sem stillt er í hóf, og að auki nýtur kórinn styrks frá Mosfellsbæ eins og fleiri kórar í bænum. Heklurnar bralla ýmislegt fleira saman en að syngja, þær hafa meðal annars farið saman í útreiðartúra sem þær kalla Heklureið. Fyrir ári síðan gengu Heklurnar í Gígjuna, Landssamband íslenskra kvennakóra, en í ár taka þær í fyrsta skipti þátt í Landsmóti íslenskra kvennakóra og hlakka mikið til að kynnast fleiri konum með sama áhugamál og eiga ánægjulegar stundir með þeim á Höfn. Heimasíða Heklanna er http://heklurnar.blogcentral.is
Jórukórinn Selfossi
Jórukórinn á Selfossi var stofnaður haustið 1996 að frumkvæði nokkurra kvenna þar í bæ. Fyrsti stjórnandi kórsins var Elín Gunnlaugsdóttir tónskáld. Frá árinu 1997 til haustsins 2004 stjórnaði Helena R. Káradóttir tónlistarkennari kórnum og útsetti hún fjölda laga fyrir kórinn. Núverandi stjórnandi Jórukórsins er Hlín Pétursdóttir söngkona sem nú stundar nám í kjórstjórn við Tónskóla Þjóðkirkjunnar. Þórlaug Bjarnadóttir hefur verið undirleikari Jórukórsins frá upphafi. Að jafnaði eru um 40 konur frá Selfossi og nærsveitum í Jórukórnum. Lagaval kórsins er fjölbreytt og einkennist af miklum léttleika. Kórinn hefur flutt ýmsar tegundir tónlistar, íslensk söng- og dægurlög, madrígala og gospel í bland við þjóðlög og erlend dægurlög. Í desember 2003 gaf kórinn út geisladiskinn Mátulegt er meyjarstig. Sumarið 2004 tók Jórukórinn þátt í 6. Cantus MM tónlistarhátíðinni í Salzburg í Austurríki og síðastliðið sumar fór kórinn til fundar við Íslenska kvennakórinn í Kaupmannahöfn og héldu kórarnir sameiginlega tónleika í Kaupmannahöfn og Lundi. Í ár tekur Jórukórinn þátt í Landsmóti íslenskra kvennakóra í þriðja sinn.
Kvennakór Hafnarfjarðar
Kvennakór Hafnarfjarðar var stofnaður í janúar 1995 af nokkrum konum sem áttu það sameiginlegt að vera giftar félögum úr Karlakórnum Þröstum úr Hafnarfirði. Formlegur stofndagur kórsins er 26. apríl 1995. Fyrsti stjórnandi kórsins var Guðjón Halldór Óskarsson en aðrir stjórnendur hafa verið Jensína Waage, Hrafnhildur Blomsterberg og haustið 2007 tók Erna Guðmundsdóttir við stjórn kórsins. Erna er tónmenntakennari með masterspróf í söng frá Indiana University í Bandaríkjunum. Kvennakór Hafnarfjarðar heldur árlega jóla- og vortónleika og fær gjarnan til liðs við sig þjóðkunna einsöngvara og undirleikara. Þá hefur kórinn farið í söngferðir bæði innanlands og utan og sungið í Marina d´Massa á Ítalíu, Prag og í Barcelona þar sem m.a. var sungið í klausturkirkjunni í Montserrat. Árlega er farið í æfingabúðir út á landsbyggðina, oftast á Hótel Geysi í Haukadal. Í æfingabúðunum fara saman strangar æfingar og gleðilegar samvistir. Í desember 2006 gaf kórinn út geisladiskinn Stiklur sem hefur að geyma úrval af lögum sem kórkonur hafa haft mest gaman af að syngja frá því kórinn var stofnaður. Kvennakór Hafnarfjarðar hélt 6. landsmót íslenskra kvennakóra í apríl 2005. Heimasíða Kvennakórs Hafnarfjarðar er www.kvennakorinn.org
Kyrjurnar
Kyrjurnar byrjuðu að syngja saman haustið 1997 en hópurinn varð til upp úr söngnámskeiði í Söngsmiðjunni. Þar var saman kominn samrýmdur og kátur hópur kvenna sem höfðu sungið saman í tvö ár þegar þær voru „útskrifaðar“ og skólinn lagður niður. Þessar frábæru konur gátu ekki hugsað sér að hætta að syngja og stofnuðu kvennakórinn Kyrjurnar haustið 1997 og sungu sína fyrstu tónleika í desember sama ár. Sigurbjörg Hv. Magnúsdóttir hefur verið kórstjóri frá upphafi og var söngkennari hópsins. Fyrstu tvö árin var Sigrún Grendal undirleikari kórsins en síðan hefur Halldóra Aradóttir séð um undirleikinn. Halldóra starfar sem píanókennari og hefur útsett töluvert af lögum sem Kyrjurnar hafa flutt á tónleikum. Kórinn hefur alla tíð haft æfingaaðstöðu í Friðrikskapellu. Kyrjurnar halda jólatónleika og vortónleika á hverju ári. Einsöngvarar og einleikarar hafa stundum komið og lagt kórnum lið. Innan kórsins er svo kallaður „Litli kór“ með 8-12 Kyrjum sem hefur flutt eitt eða fleiri lög á flestum tónleikum. Kyrjurnar hafa tvisvar farið erlendis í tónleikaferð, fyrst til Marina De Massa á Ítalíu 2004 og síðan til Portorose í Slóveníu 2006. Kyrjurnar hafa einnig sungið við ýmis tækifæri eins og í messum, á hjúkrunar- og elliheimilum, í afmælum, á Laugaveginum og fleiri stöðum. Í dag telja Kyrjurnar 24 konur en í gegnum árin hafa þær talið um 30-35 konur. Lagaval kórsins er fjölbreytt og skemmtilegt og verður alltaf meira og meira krefjandi.
Kyrjukórinn í Þorlákshöfn
Kyrjukórinn í Þorlákshöfn var stofnaðar 21. október 1998 og heldur því upp á tíu ára afmæli sitt í ár. Stjórnandi kórsins er Gróa Hreinsdóttir sem auk þess að hafa mikla reynslu í kórstjórn er píanókennari. Að jafnaði starfa um 25 konur í Kyrjukórnum. Kórinn syngur fjölbreytta tónlist og má til dæmis nefna dægurlög og gospeltónlist sem nýtur mikilla vinsælda hjá kórkonum. Kyrjukórkonur leggja mikla áherslu á að kórstarfið sé skemmtilegt og fjörugt. Þær taka gjarnan þátt í kórstarfi með öðrum kórum, hafa til dæmis haldið sameiginlega tónleika með nöfnum sínum Kyrjunum. Þá hafa þær mikla ánægju af því að taka þátt í Landsmóti íslenskra kvennakóra. Heimasíða Kyrjukórsins er http://kvennakor.ws
Senjoríturnar
Kvennakórinn Senjoríturnar er kór kvenna 60 ára og eldri og er einn þeirra kóra sem á uppruna sinn að rekja til Kvennakórs Reykjavíkur. Kórinn var stofnaður árið 1996 og hefur verið afar vinsæll kostur fyrir söngglaðar heldri konur. Lengst af hafa kórkonur verið á milli 60 og 70 talsins en talan nálgast nú 80. Fyrsti stjórnandi kórsins var Ruth L. Magnússon, síðan tók Sigrún Þorgeirsdóttir við en síðastliðna tvo vetur hefur Ágota Joó frá Ungverjalandi verið stjórnandi. Ágota er tónlistarkennari og einn af stofnendum Tónlistarskólans Do Re Mi. Lagaval Senjorítanna hefur verið fjölbreytt og þær flytja bæði íslensk og erlend lög. Á hverju ári heldur kórinn vortónleika og auk þess syngur hann gjarnan fyrir eldri borgara og með þeim í kirkjum og á dvalarheimilum. Senjoríturnar eru miklir auðfúsugestir á slíkum stöðum. Eftir að vetrarstarfinu lýkur á vorin halda Senjoríturnar í skemmtiferðir og liggur leiðin þá gjarnan í nærliggjandi sveitir í einn eða tvo daga. Kórfélagatal o.fl. má nálgast á heimasíðu Kvennakórs Reykjavíkur www.kvennakorinn.is/senjoritur.asp
Upplýsingar um landsmótslagið sem heitir "Þegar sólin skín"
Þegar sólin skín er samið af Þóru Marteinsdóttur við ljóð Guðbjartar Össurarsonar.
Þetta undurfagra lag og ljóð var samið sérstaklega fyrir Kvennakór Hornafjarðar í tilefni af Landsmóti Kvennakóra 2008. Verkið verður frumflutt á tónleikunum sunnudaginn 27. apríl, sameiginlega af öllum kórunum.
Þóra Marteinsdóttir (1978) er fædd og uppalin í Kópavogi. Snemma hóf hún nám í píanóleik við Tónlistarskólann í Kópavogi undir handleiðslu Hrefnu Eggertsdóttur. Í maí 1998 útskrifaðist hún af tónlistarbraut Menntaskólans við Hamrahlíð og hóf nám í tónsmíðum og píanóleik í Tónlistarskólanum í Reykjavík um haustið. Þóra lauk námi við Tónlistarskólann í Reykjavík vorið 2001. Meðal kennara hennar þar voru Atli Heimir Sveinsson, Mist Þorkelsdóttir og Peter Maté. Um haustið 2001 hélt Þóra í framhaldsnám í tónsmíðum og settist á skólabekk við Tónlistarháskólann í Gautaborg. Hún útskrifaðist þaðan í maí 2005. Aðal kennarar hennar þar voru Staffan Mossenmark og Ole Lützow-Holm. Að því loknu lá leiðin heim til Íslands og stundaði Þóra nám í kennslufræðum við Listaháskóla Íslands veturinn 2005-2006. Nú er hinsvegar námi lokið í bili og Þóra er farin að kenna tónmennt og tónfræði á ýmsum stöðum ásamt því að stjórna barnakórum við Háteigskirkju auk þess að semja tónlist fyrir hin ýmsu tilefni.
Tónsmíðar eftir Þóru hafa verið fluttar m.a. á Íslandi, Skandanívíu og Kanada. Verk eftir hana hafa komið út á diskunum Minn heimur og þinn með Ásgerði Júníusdóttur og Þýtur í stráum með Skólakór Kársness. Þóra vann lagakeppni í tilefni 50 ára afmælis Kópavogsbæjar með laginu Hér á ég heima, texti eftir Steinunni Önnu Sigurjónsdóttur, í maí 2005.
Guðbjartur Össurarson er fæddur 16. febrúar 1954. Vestfirðingur að ætt og uppruna, en fluttist til Hornafjarðar í ársbyrjun 1974. Hefur búið þar síðan og unnið við skrifstofustörf. Rekur nú bókhaldsþjónustuna Þrastarhól ehf. ásamt konu sinni, Agnesi Ingvarsdóttur. Hann hefur allt frá unglingsárum fengist við vísna- og ljóðagerð í bundnu máli. Guðbjartur hefur m.a. samið ljóð við lög Sigjóns Bjarnasonar, Jóhanns Moráveks og Heiðars Sigurðssonar (flutt af Karlakórnum Jökli, Kvennakór Hornafjarðar og á 100 ára afmæli Hafnar). Jafnframt hefur hann samið ýmis ljóð við lög Óskars Guðnasonar og fleiri heiðursmanna. Auk þess eru fjölmörg tækifærisljóð og vísur sem Guðbjartur hefur samið, sem of langt mál yrði upp að telja.
Hljomveit.JPG
Stórhljómsveit Jóhanns Morávek
Góða ferð! Munið að taka með handhægan útifatnað fyrir óvissuferðina (25. apríl 2008)
Gleðilegt sumar, allar þið sem eruð að koma til okkar og líka þeir sem fylgjast með á Gígjuvefnum. Við megum til með að senda ykkur smá kveðjur héðan frá okkur í landsmóts-undirbúningum, en nú nálgast mótið og bara tilhlökkun ein sem ríkir hér.
Við viljum minna ykkur á, sem eruð að koma á landsmót, að hafa handhægan útifatnað fyrir óvissuferðina, sem er mjög mikilvægt svo tímaáætlun standi, því við munum leggja af stað strax eftir matinn og mótssetninguna, eða stundvíslega kl 20.00 í dag.
Vonandi eru allir kórar búnir að vera í sambandi við sinn tengilið og fá þær upplýsingar sem þið hafið óskað eftir.
Við óskum ykkur góðrar ferðar hingað á Hornafjörð og hlökkum til að eiga gleðilega sönghelgi hér í faðmi fjalla.
Söng- og sumarkveðjur frá öllum stelpunum í kvennakór Hornafjaðar
Ps. Myndin sem fylgir þessu bréfi er tekin á æfingu Kvennakórs Hornafjarðar með stórhljómsveit Jóhanns Morávek, sem stofnuð var sérstaklega vegna landsmótsins en hljómsveitin mun spila með kórunum á tónleikunum á sunnudaginn.
Sameiginlegu lögin og landsmótslagið
Sameiginlegu lögin og landsmótslagið æfum við í íþróttahúsinu undir stjórn Svavars Sigurðssonar. Lögin sem við æfum saman eru, Þjóðlífsmyndin, Ömmubæn og Amigos para sempre. Stórsveit Jóhanns Moravék mun spila undir með okkur í sameiginlegu lögunum ásamt þeim Jónínu Einarsdóttur og Guðlaugu Hestnes.
Svavar Sigurðsson fæddist í Kópavogi 1967 og ólst upp í Reykjavík. Í barnæsku hafði hann fyrstu kynni sín af kvennakór þegar móðir hans og fjórar systur hennar hittust reglulega og sungu gömlu góðu lögin. Sex ára var hann ráðinn sem undirleikari hjá þeim. Seinna lærði Svavar til organista hjá Tónskóla Þjóðkirkjunnar en utan þess að hafa stjórnað Kór Átthagafélags Strandamanna og Kór Menntaskólans við Sund, hefur hann stjórnað hinum ýmsu kirkjukórum. Svavar Sigurðsson hefur stjórnað Kvennakór Hornafjarðar frá áramótum 2006. Svavar býr á Djúpavogi og starfar nú sem kirkjuorganisti og skólastjóri tónlistarskólans á Djúpavogi.
Hljómsveit undir stjórn Jóhanns Morávek skipa:
Jóhann Morávek, klarinett og bassi,
Sólveig Morávek, klarinett,
Katrín Þráinsdóttir, þverflauta,
Anna Lilja Karlsdóttir, trompet,
Elvar Bragi Kristjónsson, trompet,
Zophonías Torfason, harmónika,
Ragnar Eymundsson, trommur,
Guðlaug Hestnes, píanó,
Jónína Einarsdóttir, píanó og hljómborð.
Jóhann Moravék er fæddur í Kópavogi og hlaut sína tónlistarmenntun hjá Carl Billich, í Skólahljómsveit Kópavogs, Tónlistarskóla Kópavogs, Blásarakennaradeild Tónlistarskóla Reykjavíkur og í jazzdeild FÍH. Jóhann tók við stöðu skólastjóra Tónskóla Austur-Skaftafellssýslu árið 1986. Hann hefur samið tónlist við fjölmörg leikrit, m.a fyrir Leikfélag Hafnarfjarðar, Stúdentaleikhúsið, Leikhóp Mána, Leikfélag Kirkjubæjarklausturs og Leikfélag Hornafjarðar. Jóhann Moràvek tók við stjórnun Karlakórsins Jökuls 1992 og hefur hann stjórnað honum síðan þá. Hann hefur samið og útsett fjölmörg lög sem kórinn hefur flutt. Jóhann hlaut Menningarverðlaun Hornafjarðar árið 2002 fyrir tónsmíðar og störf að tónlistarlífi Hornfirðinga um árabil.
Guðlaug Hestnes er fædd í Reykjavík. Hún hlaut sína tónlistarmenntun í Barnamúsíkskólanum og við Tónlistarskólann í Reykjavík. Guðlaug settist að á Höfn 1974 og hefur verið undirleikari og raddþjálfari Karlakórsins Jökuls síðan þá, jafnframt hefur Guðlaug starfað sem organisti, píanókennari og kórstjóri. Frá 1981 hefur Guðlaug kennt við Tónskóla Austur-Skaftafellssýslu. Þá er Guðlaug einnig stjórnandi Gleðigjafa, kórs eldri borgara. Hún hefur ennfremur komið fram sem undirleikari með kórum og einsöngvurum. Guðlaug Hestnes hlaut Menningarverðlaun Hornafjarðar 1999 fyrir margþætt tónlistar- og menningarstörf.
Jónína Einarsdóttir, stundaði fyrst píanónám á Egilsstöðum og síðan í Tónskóla A-Skaft. Hún lærði einnig á fleiri hljóðfæri og hefur m.a. spilað í lúðrasveit og með harmonikkufélagi. Árið 2006 lauk hún tónmenntakennaranámi frá KHÍ. Jónína hefur verið undirleikari hjá Kvennakór Hornafjarðar frá 1997 að undanskildum tveimur árum. Jónína starfar nú sem aðstoðarskólastjóri Tónskóla A- Skaft. og er einnig undirleikari hjá Gleðigjöfum, kór aldraðra.
Vinnuhópar og stjórnendur þeirra
Advance hópur
Stjórnandi: Sigrún Þorgeirsdóttir
Hópurinn æfir í sal Tónskólans. Advance hópurinn ætlar að æfa lögin: The garden of love, Sing me to heaven og Echo. Stjórnandi hópsins er Sigrún Þorgeirsdóttir. Sigrún stundaði nám við Tónlistarskólann í Reykjavík og lauk þar 8. stigs prófi. Sieglinde Kahmann var þar aðal kennari hennar. Hún lauk meistaranámi í söng frá Boston University og stundaði framhaldsnám í kórstjórn við Florida State University. Sigrún hefur sungið einsöng með kórum og haldið einsöngstónleika. Hún syngur í söngkvartettinum Rúdolfi og hefur sungið inn á hljómdiska með honum. Hún hefur raddþjálfað og stjórnað mörgum kórum. Hún hefur einnig lokið BSc prófi í efnafræði frá Háskóla Íslands. Sigrún tók við starfi kórstjóra Kvennakórs Reykjavíkur haustið 1997. Hún hefur stýrt kórskóla Kvennakórs Reykjavíkur frá haustinu 1998 Hún var listrænn stjórnandi fyrsta norræna kvennakóramótsins sem haldið var í Reykjavík í apríl árið 2000.
Rythmískur hópur
Stjórnandi: Gróa Hreinsdóttir
Hópurinn æfir í sal Nýheima. Rythmíski hópurinn ætlar að æfa eitthvað af þessum lögum, El rithmo de la noche, Jamaican Market Place, Kenya Melodies, People get ready, Sway, Uno, doc y tres. Stjórnandi hópsins er Gróa Hreinsdóttir. Gróa hóf tónlistarnám í Keflavík en útskrifaðist sem píanókennari með kórstjórn sem aukafag frá Tónlistarskólanum í Reykjavík vorið 1982. Gróa starfaði sem píanóleikari og kennari, organisti og kórstjóri á Suðurnesjum til ársins 1998, en þá flutti hún til Reykjavíkur og hóf störf sem organisti. Gróa býr núna norður í Aðaldal og er skólastjóri Tónlistarskólans í Hafralækjarskóla, undirleikari með karlakórnum Hreim og organisti í kirkjum sveitarinnar. Gróa hefur stjórnað mörgum kórum bæði barnakórum og kórum fullorðinna.
Dægurlaga hópur
Stjórnandi: Eyrún Jónasdóttir
Hópurinn æfir í íþróttahúsinu. Dægurlagahópurinn ætlar að æfa lögin, Við gengum tvö, New York, New York, Yellow submarine og Hvítir mávar. Eyrún er fædd og uppalin í Kálfholti Rangárvallasýslu. Hún hóf sitt tónlistarnám í Tónlistarskóla Rangæinga og fór síðar í Tónlistarskólann í Reykjavík. Hún lauk kennaraprófi frá Kennaraháskóla Íslands með tónmennt sem aðalfag. Hún stundaði nám við Söngskólann í Reykjavík og lauk þaðan alþjóðlegu söngkennaraprófi 1998. Á árunum 2001-2003 bjó hún í Salzburg í Austurríki og stundaði framhaldsnám við tónlistarháskólann Mozarteum. Eyrún hefur á undanförnum árum starfað sem söng og tónlistarkennari, fyrst samhliða námi sínu á höfuðborgarsvæðinu, en nú síðustu ár í Rangárvallasýslu. Hún hefur einnig unnið sem kórstjóri og organisti, komið fram sem einsöngvari við hin ýmsu tækifæri og sungið í kórum og sönghópum. Eyrún stjórnar nú kvennakórnum Ljósbrá, Vörðukórnum, sönghópnum Góðir Grannar, er tónlistarkennari við Laugalandsskóla og Tónsmiðju Stefáns á Selfossi, og er auk þess organisti við Kálfholtskirkju.
Þjóðlagahópur
Stjórnandi: Ingibjörg Guðjónsdóttir
Hópurinn æfir í sal Hafnarskóla. Þjóðlagahópurinn ætlar að æfa lögin, Sá vonsvikni, Hljóðnar nú haustblær, Fljúgðu söngfugl og Niska Banja. Ingibjörg hóf söngnám við Tónlistarskóla Garðabæjar hjá Snæbjörgu Snæbjarnardóttur. Hún stundaði framhaldsnám við Indiana University í Bandaríkjunum en einnig hefur hún notið leiðsagnar Ileanu Cotrubas og Kirsten Buhl-Möller. Ingibjörg hefur haldið fjölda einsöngstónleika hér á landi, tekið þátt í tónlistarhátíðum og verið einsöngvari með sinfóníuhljómsveitum og kórum. Síðastliðin ár hefur hún verið iðin við flutning samtímatónlistar bæði hér á landi og erlendis. Hún söng m.a. burðarhlutverk í Skuggaleik, óperu eftir Karólínu Eiríksdóttur en einnig hefur hún verið einsöngvari með kammerhljómsveitinni Caput í verkum eftir Hauk Tómasson, Þórð Magnússon og Sofiu Gubaidulinu. Um tíma starfaði Ingibjörg í Kaupmannahöfn en auk fjölbreyttra söngverkefna þar í borg, stofnaði hún Kvennakór Kaupmannahafnar sem hún stjórnaði í tvö ár. Ingibjörg hefur gefið út tvær geislaplötur, Óperuaríur (2005) með Sinfóníuhljómsveit Íslands og Ó Ó Ingibjörg (2007) þar sem hún syngur íslensk sönglög í frumlegum búningi með bræðum sínum Óskar og Ómari en þeir hafa helgað sig djasstónlistinni. Ingibjörg er stofnandi og stjórnandi Kvennakórs Garðabæjar en einnig starfar hún sem söngkennari við Tónlistarskóla Álftaness.
LOGOMotHornaf.JPG
Humarskvísan
Sjöunda landsmót Gígjunnar, landssambands íslenskra kvennakóra, verður haldið á Hornafirði um næstu helgi (19. apríl 2008)
Um næstu helgi (25.-27. apríl) fer fram sjöunda landsmót Gígjunnar, landssambands íslenskra kvennakóra. Mótið verður haldið á Höfn í Hornarfirði og hefur Kvennakór Hornafjarðar haft veg og vanda að öllum undirbúningi vegna mótsins. Tónleikar verða haldnir bæði laugardaginn 26. og sunnudaginn 27. apríl. Á laugardeginum flytur hver kór lög af sinni efnisskrá. Á sunnudeginum verður afrakstur vinnuhópa fluttur þegar á fjórða hundrað konur syngja saman við undirleik stórhljómsveitar Jóhanns Morávek, sem stofnuð var sérstaklega fyrir þetta tækifæri.
Landsmótslagið "Þegar sólin skín" verður frumflutt af öllum kórunum, en það var samið sérstaklega fyrir landsmótið, af tónskáldinu Þóru Marteinsdóttur við texta Guðbjartar Össurarsonar.
Þessir kórar eru á leiðinni á landsmótið
14 kórar hafa skráð sig til leiks; Jórukórinn á Selfossi, Kvennakór Garðabæjar, Kvennakór Hafnarfjarðar, Kvennakór Hornafjarðar, Kvennakór Kópavogs, Kvennakór Reykjavíkur, Kvennakór Suðurnesja, Kvennakórinn Heklurnar, Kvennakórinn Kyrjurnar, Kvennakórinn Ljósbrá, Kvennakórinn Seljurnar, Kyrjukórinn á Þorlákshöfn og Senjorítur Kvennakórs Reykjavíkur.
Góða ferð og góða skemmtun!
LOGOMotHornaf.JPG
Best að fara að pakka niður !
Landsmótsundirbúningur (17. apríl 2008)
Heilar og sælar söngsystur,
Jæja þá líður senn að pökkun í bakpokann áður en skundað verður á landsmótið.
En góða skapinu og brosinu pökkum við ekki niður heldur setjum strax upp og njótum þess að hittast og eiga góða sönghelgi.
Hér koma nokkrir punktar sem gæti verið gott að kíkja á:
kórdressið
söngmöppuna með öllum nótunum
vatnsbrúsann
náttfötin og tannburstann
snyrtibudduna
góðan yfirfatnað og skó við hendina strax við mótssetningu.
Við reiknum með að lokagreiðsla hafi nú þegar borist frá öllum kórum, þið farnar að telja niður dagana og njótið svo vel ferðarinnar til okkar hér í Hornafjörðinn.
Kátínukveðjur frá Hornafirði,
landsmótsnefndin, Ingibjörg, Lucia og Erna
Kvk-Hornafj600.jpg
Kvennakór Hornafjarðar hefur veg og vanda að undirbúningi landsmótsins
Landsmóts-matseðilinn (11. apríl 2008)
Halló, halló, hér kemur matseðillinn
Verði okkur öllum, landsmótsgestum, innilega að góðu.
Föstudagurinn 25. apríl
Léttur kvöldverður kl. 18.00-19.00
Rjómalöguð Blaðlaukssúpa og nýbökuð brauðhorn.
Humarpastasalat ásamt blönduðum ferskum laufum.
Laugardagurinn 26. apríl
Hádegisverður kl. 12.00-13.30
Lasagna ásamt fersku salati og nýbökuðu brauði.
Kvöldverður kl. 20.30
Forréttur;
Tandoori krydduð kjúklingaspjót á kiwi beði
ásamt stökku kryddbrauði og agúrkudressingu.
Aðalréttir;
Sinnepsgljáð lambalæri og grísalundir í hnetuhjúp.
Gratineraðar kartöflur, grænmetisblanda, ferskt salat og rauðvínssósa.
Eftirréttur;
Mandarínu skyrkaka að hætti Hótels Hafnar með þeyttum rjóma og berjum.
Sunnudagurinn 27. apríl
Hádegisverður kl. 12.00-13.00 – jafnvel lengur.
Humarsúpa að hætti Hornfirðinga ásamt úrvali af nýbökuðu brauði.
Með bestu kveðjum, landsmótsnefndin
LOGOMotHornaf.JPG
Dagskrá landsmóts (10. apríl 2008)
Heilar og sælar söngsystur allar og allir þeir sem fylgjast með Gígjuvefnum.
Nú er verulega farið að styttast í landsmótið, undirbúningurinn á fullum krafti og tilhlökkunin að stigmagnast. Dagskrá landsmótsins finnið þið hér fyrir neðan og fleiri fréttir eru væntanlegar á næstunni.
Dagskrá 7. landsmóts Gígjunnar,
landssambands íslenskra kvennakóra haldið á Hornafirði 2008:
Föstudagur 25. apríl
18.00-20.00 Matur til reiðu, móttaka og afhending gagna.
Kórar hitta sína tengiliði.
19.30 Mótið sett
20.00 Óvissuferð
21.30-22.00 Komið aftur í íþróttahús, sungið saman, hóparnir hittast.
Laugardagur 26. apríl
08.30 Kaffisopi í íþróttahúsi.
08.45 Fundur Gígjunnar
09.00-11.30 Vinnuhópar
11.30 Matur fyrri hópur
12.00 Matur seinni hópur
12.30 Kórstjórnendur funda
FRJÁLS TÍMI t.d. búðarráp og safnaskoðun
13.30-15.00 Sameiginleg lög æfð og kaffi hlé
Undirbúningur / fataskipti og púðra á sér nefið fyrir tónleika
16.00 Tónleikar kóranna í íþróttahúsi. Hver kór syngur 2 lög
Hátíðarkvöldverður
20.15 Húsið opnar
20.30 Matur hefst
Skemmtidagskrá og dans
Sunnudagur 27. apríl
09.00-09.30 Formannafundur og kaffisopi
09.30-10.30 Sameiginleg lög æfð
10.45-12.00 Advance og Dægurlaga hópar æfa og fara síðan í mat
10.45-12.30 Rithmískur og Ethnískir hópar æfa og fara síðan í mat
14.00 Tónleikar í íþróttahúsi
Mótsslit, kveðjukaffi og meðlæti
Bestu kveðjur frá okkur öllum hér á Hornafirði,
landsmótsnefndin
LOGOMotHornaf.JPG
Nótur fyrir vinnuhópana á landsmótinu (31. mars 2008)
Ágætu kórfélagar/systur
Þá erum við loksins búin að fá nótur fyrir alla vinnuhópana sem verða á landsmótinu og seinustu forvöð að skipta um hópa ef einhver hefur þegar skipt um skoðun og vinsamlegast að senda þær óskir inn á netfangið: lucia(hjá)hornafjordur.is sem allra, allra fyrst.
Hóparnir eru:
Advanshópur undir stjórn Sigrúnar Þorgeirsdóttur
Lögin eru:
The garden of love
Sing me to heaven
Echo
Dægurlagahópur undir stjórn Eyrúnar Jónasdóttur
Lögin eru:
Við gengum tvö
New York, New York
Yellow submarine
Hvítir mávar
Þjóðlagahópur undir stjórn Ingibjargar Guðjónsdóttur
Lögin eru:
Hljóðnar nú haustblær
Sá vonsvikni
Fljúgðu söngfugl
Niska Banja
Rithmyskurhópur undir stjórn Gróu Hreinsdóttir
Lögin eru:
(hún er ekki alveg ákveðin hvað af þessum lögum hún velur)
El rithmo de la noche
Jamaican Market Place
Kenya Melodies
People get ready
Sway
Uno, doc y tres
Eins og þið sjáið þá eru þetta spennandi viðfangsefni og bara að henda sér í djúpu laugina, fjölfalda nóturnar, raða í möppurnar og skunda svo syngjandi á landsmót eftir 25 daga.
Með spilandi fjörugum undirbúnings kveðjum,
Ingibjörg, Lucia og Erna
LOGOMotHornaf.JPG
Upplýsingar um stjórnendur vinnuhópa og endanlegt þátttökugjald (4. mars 2008)
Sælar og blessaðar söngsystur allar
Nú er lokaútkall í skráningu í vinnuhópana, svo við getum haldið áfram okkar skipulagsvinnu og biðjum við ykkur vinsamlegast að senda okkur listana nú þegar.
1) Advanshópur, krefjandi verkefni
Sigrún Þorgeirsdóttir stjórnandi kvennakórs Reykjavíkur, leiðir.
2) Rithmiskurhópur, afrísk og suður- amerísk verk
Gróa Hreinsdóttir stjórnandi Kyrjukórsins í Þorlákshöfn leiðir.
3) Dægurlagahópur, popp og gömul dægurlög
Eyrún Jónasdóttir stjórnandi Ljósbrár leiðir.
4) Ethniskurhópur, austur- evrópsk þjóðlög allt frá Tyrklandi til Lapplands
Ingibjörg Guðjónsdóttir stjórnandi Kvennakórs Garðabæjar leiðir.
Nú eiga allir kórar að vera búnir að fá send sameiginlegu lögin þrjú og landsmótslagið. Stórhljómsveit Jóhanns Moravék mun leika undir samsönginum á sunnudeginum.
Þátttökugjald hefur verið ákveðið 13.000.- kr pr konu, sem við biðjum ykkur vinsamlegast um að leggja inn í einu lagi fyrir hvern kór á reikning Kvennakórs Hornafjarðar.
Bankalína: 1147 26 8008
Kt. 6309973139
Skýring greiðslu: Nafn kórs
Senda kvittun í tölvupósti á netfangið: inga.k(hjá)simnet.is
Bestu kveðjur héðan úr undirbúningnum, Ingibjörg, Lucia og Erna
LOGOMotHornaf.JPG
Þessir kórar eru á leiðinni á landsmótið (15. febrúar 2008)
Þeir kórar sem hafa staðfest þátttöku sína á Sjöunda landsmóti Gígjunnar landssambands íslenskra kvennakóra eru:
Jórukórinn Selfossi
Kvennakór Garðabæjar
Kvennakór Hafnarfjarðar
Kvennakór Hornafjarðar
Kvennakór Kópavogs
Kvennakór Reykjavíkur
Kvennakór Suðurnesja
Kvennakórinn Heklurnar
Kvennakórinn Kyrjurnar
Kvennakórinn Ljósbrá
Kvennakórinn Seljurnar
Kyrjukórinn Þorlákshöfn
Senjorítur Kvennakórs Reykjavíkur
Ef þið eruð einhverjar ennþá að hugsa ykkur um þá er núna tækifærið að taka ákvörðun og skella sér í þennan skemmtilega hóp og sem ætlar að eiga saman góða sönghelgi í vor. Við í Kvennakór Hornafjarðar hlökkum mikið til að fá ykkur allar hingað.
Kátínukveðjur,
Ingibjörg, Lucia og Erna
LOGOMotHornaf.JPG
Þrettán kórar eru skráðir til leiks (14. febrúar 2008)
Sælar söngsystur
Nú hafa þegar 13 kórar staðfest þátttöku á landsmótinu sem er alveg frábært. Vegna forfalla eru herbergi laus í Gistiheimilinu Ásagarði, Ránarslóð 3 á Höfn.
Skráningarlistar fyrir vinnuhópana hafa verið sendir á formenn kórana og treystum við því að þeir muni berast okkur vel útfylltir með fyrsta, annað og þriðja val kórkvenna. Endilega munið eftir að merkja líka nafn kórs á eyðublaðið og í hvaða rödd viðkomandi kona syngur.
Vonandi eruð þið byrjaðar að skoða landsmótslagið og þau sameiginlegu lög sem ykkur hafa verið send og stemmingin í góðum gír hjá ykkur líkt og okkur.
Við erum hressar og kátar hér í undirbúningnum og sendum ykkur góðar kveðjur.
Landsmótsnefndin,
Ingibjörg, Lucia og Erna
LOGOMotHornaf.JPG
Landsmótstáknið 2008
Humarskvísan er gengin til liðs við Kvennakór Hornafjarðar og verður hún tákn landsmótsins 2008 (6. febrúar 2008)
Blessaðar söngsystur og allir þeir sem fara inn á Gígjuvefinn og langar að fylgjast með þeim skemmtilega félagsskap sem kvennakórastarfið er.
Eins og þið sjáið er "Humarskvísan" okkar landsmótsmerkið 2008. Hún er krúttleg og sæt og komin til að vera í Kvennakór Hornafjarðar.
Annars er allt í góðum gír hér á Hornafirðinum, í nógu að snúast, mikið gaman og allt að gerast og smella saman. Senn líður að því að við séum komnar með þátttökufjöldann á hreint. Kórar fengu umbeðinn frest í örfáa daga en nú er sá frestur að renna út. Ljóst er að við verðum allavega yfir þriðja hundraðið, stelpur.
Eins og kom fram í síðasta pistli okkar, þá langar okkur enn og aftur að biðja þá kóra, sem ekki hafa staðfest að senda inn EINA greiðslu, ef það er nokkur möguleiki. Einnig að ítreka beiðni okkar um að senda til okkar nafnalista yfir þátttakendur. En eru að berast greiðslur fyrir eina og eina konu án þess að viðkomandi nefni hvaða kór hann tengist. Ef við fáum nafnalista frá hverjum kór þá getum við minnkað þann lista sem komin er af, "óskilgreindum" greiðslum, þar sem einungis nafn er við, karlmannsnafn eða engin skýring á greiðslu.
Vonandi hafa allir stjórnendur fengið landsmótslagið í hendur sem samið var sérstaklega fyrir mótið "Þegar sólin skín" textinn er eftir Guðbjart Össurarson og lagið er eftir Þóru Marteinsdóttur, tónskáld.
En svona til gamans, hafið þið annars kíkt inn á nýju heimasíðuna okkar í Kvennakór Hornafjarðar sem er að fæðast þessa dagana og er bara glæsileg og spennandi. Endilega kíkið inn á: Bullet1 http://www.hornafjordur.is/kvennakor
Með góðum kveðjum frá Hornafirði.
Endilega haldið áfram að hafa samband við okkur í landsmótsnefndinni, sem er bara kát og hress að vanda og tilbúin til þess að leggja ykkur lið.
Ingibjörg,ingibjorg(hjá)hoffell.com, 898 5614
Lucia, lucia(hjá)hornafjordur.is, 866 8030
Erna, ernag(hjá)hornafjordur.is, 898 7129
Hornafjordur_logo.gif
Landsmótið á Hornafirði 25.- 27. apríl 2008
Landsmótslagið og upplýsingar um vinnuhópa eru komnar til stjórnenda (25. janúar 2008)
Heilar og sælar söngsystur allar
Frábært að nú er kominn sérstakur "Landsmótshlekkur" hér á vefsetur Gígjunnar, takk fyrir það.
Héðan er allt í besta standi og vonandi að nú fari að sjást hve margar við komum til með að verða á Hornafirði 25. – 27. apríl.
Landsmótslagið er vonandi komið til allra stjórnenda og nú er bara að bretta upp ermar og hefjast handa með þetta skemmtilega verk, "Þegar sólin skín" sem hún Þóra Marteinsdóttir tónskáld samdi við texta Guðbjartar Össurarsonar.
Við í Kvennakór Hornafjarðar erum spenntar að skoða þetta á næstu æfingu.
Svo eru það vinnuhóparnir sem við getum valið um að starfa í á landsmótinu og síðan haft einn eða tvo til vara, sem sagt lista upp óskirnar.
Því núna langar okkur til þess að hafa aðeins annan háttinn á varðandi þessa vinnuhópa, bjóða að kór þurfi ekki allur, sem slíkur að velja sama hópinn, heldur geti ein og ein valið að starfa með þeim hóp sem hana langar til.
1. Advandshópur, krefjandi verkefni.
2. Rithmískurhópur, afrísk og suður-amerísk verk.
3. Dægurlagahópur, popp og gömul dægurlög.
4. Ethnískurhópur, austur-evrópsk þjóðlög allt frá Tyrklandi til Lapplands.
Allt frá tveimur og upp í fjögur lög verða í hverjum hóp og misjafnir stjórnendur og undirleikarar, sem koma m.a. frá kórunum sem taka þátt í mótinu. Við viljum þakka þeim stjórnendu innilega vel fyrir hve vel þeir hafa brugðist við þessari beiðni.
Með kærri kveðju frá landsmótsnefnd,
Ingibjörg, Lucia og Erna
LOGOMotHornaf.JPG
Landsmótið á Hornafirði 25.- 27. apríl 2008
Ítrekun á staðfestingargjaldi (22. janúar 2008)
Bréf frá landsmótsnefnd Hornafjarðar
Sælar allar söngsystur,
Nú eru kórar á fullu að staðfesta komu sína á Hornafjörð. Þeir sem enn eiga eftir að greiða staðfestingagjald eru beðnir um að gera það sem allra fyrst og algjör nauðsyn er að tilgreina í hvaða kór viðkomandi er. Best er að kórinn sendi inn eina greiðslu og einnig nafnalista, því borið hefur á því að greiðslur hafi komið inn frá einni og einni konu, án þess að tilgreint sé í hvaða kór viðkomandi er, stundum nafn og kennitölulaust innlegg en því fylgir mikil vinna. Síðar í vikunni koma svo hér inn á vefsetrið þær tegundir vinnuhópa sem verða í boði og hvernig við hugsum það fyrirkomulag.
Með kærri kveðju,
landsmótnefndin alltaf í stuði,
Ingibjörg, Lucia og Erna
Hornafjordur_logo.gif
Landsmótið á Hornafirði 25.- 27. apríl 2008
Dagskrá 7. landsmóts Gígjunnar (20. janúar 2008)
Næsta landsmót Gígjunnar, landssambands íslenskra kvennakóra, verður haldið á Hornafirði dagana 25.- 27. apríl 2008. Kvennakór Hornafjarðar á veg og vanda að undirbúningi og skipulagningu mótsins. Undirbúningsnefnd landsmótsins vill koma eftirfarandi upplýsingum á framfæri til allra aðildarkóra Gígjunnar. Sjá meðfylgjandi bréf og dagskrá.
Bréf frá landsmótsnefnd:
Sælar og blessaðar söngsystur allar og gleðilegt nýtt ár,
Héðan frá Hornafirði er allt gott að frétta, allt komið á fullt skrið aftur eftir hátíðirnar eins og hjá flestum kórum, fyrsta æfing afstaðin og því skemmtilegt söngstarf hafið á ný.
Eins og formenn kóranna hafa kynnt ykkur með bréfi því sem við sendum í lok nóvember þar sem fram kemur, að fyrirkomulag landsmótsins verði með líku sniði og á fyrri mótum og um komu- og brottfarartíma, hvað innifalið er í þátttökugjaldinu og fleira.
Þegar kórar hafa lokið staðfestingagreiðslum, getum við haldið ótrauðar áfram við okkar undirbúningsvinnu, sent út þau sameiginlegu lög sem valin hafa verið, gefið út endanlegt þátttökugjald á hvern þátttakanda. Vinnuhópana sem í boði verða, en þeir verða fjórir, hver með mismunandi hætti svo að allir geti fundið eitthvað við sitt hæfi og fl. Þá er landsmótslagið að koma frá tónskáldinu og sendum það út næstu daga.
Nú bíðum við spenntar efir að kórar ljúki staðfestingu og hver og ein hafi því tekið helgina frá og farnar að hlakka til eins og við.
Við reiknum með að kórar séu að koma á staðinn á bilinu 18 til 19, en mótið verður sett kl 20 á föstudagskvöld, þar sem gögn verða afhent og boðið upp á eitthvað gott um leið. Reiknum með að mótinu ljúki svo um kaffileitið á sunnudeginum.
En eins og kom fram í umræddu bréfi þá er innifalið í mótsgjaldi:
Fæði allan tímann ásamt hátíðarkvöldverði og skemmtun. Mótsgögnin, aðgangur að sundlauginni, inn á Jöklasýninguna, inn á atvinnulífs- og menningarlífssýninuna, byggðasafnið og fleira.
Við reynum að pússla tímanum sem best, svo við getum haft frjálsan tíma inná milli atriða svo gestir geti líka notið þess sem boðið verður hér uppá á staðnum.
Þátttökugjaldi verður stillt í hóf en óneitanlega mun það verða aðeins hærra en á síðasta móti.
Með kærri kveðju,
undirbúningsnefndin,
Ingibjörg Ævarr Steindóttir, ingibjorg(hjá)hoffell.com
Lucia Óskarsdóttir, lucia(hjá)hornafjordur.is
Erna Gísladóttir, ernag(hjá)hornafjordur.is
Dagskrá 7. landsmóts Gígjunnar, landssambands íslenskra kvennakóra
Föstudagurinn 25. apríl
Móttaka, afhending gagna og eitthvað gott í gogginn
20.00 Upplifun, óvissa í u.þ.b. 2 tíma
22.00 Sungið og trallað í rúma klst
Kórstjórnendur og undirleikarar krunka sig saman!
Gengið til náða
Laugardagurinn 26. apríl
Vinnuhópar og æfingar
Kórstjórar og undirleikarar funda
Hádegisverður
Æfingar á sameiginlegum lögum
Kaffitár og meðlæti
Undirbúningur fyrir tónleika
Tónleikar
Hátíðarkvöldverður
Sunnudagurinn 27. apríl
Sameiginleg lög æfð
Formannafundur
Vinnuhópar og æfingar
Hádegisverður
Frjáls tími
14.00 Stórtónleikar
Kórar ferðbúast
Kveðjukaffi
Hornafjordur_logo.gif
Landsmótið á Hornafirði 25.- 27. apríl 2008
Bréf til formanna (29. nóvember 2007)
Hornafirði 29. nóvember 2007.
Ágæti formaður og kórsystur allar,
Landsmóts íslenskra kvennakóra verður haldið á Hornafirði 25. – 27. apríl 2008, eins og þið vonandi vitið. Mótshaldari er Kvennakór Hornafjarðar og reiknum við með að kórarnir séu að koma á staðinn á bilinu 18.00 til 19.00 en mótið verður sett kl 20.00 á föstudagskvöld, þar sem gögn verða afhent og boðið upp á eitthvað gott um leið. Reiknum með að mótinu ljúki svo um kaffileitið á sunnudeginum.
Dagskrá mótsins er í mótun, en eins og á fyrri mótum þá býðst kórum að flytja sín tvö lög á sérstökum tónleikum sem haldnir verða á laugardeginum.
Sendar verða út nótur á sameiginlegum lögum, þegar kórar hafa staðfest þátttöku sína.
Þátttökugjaldi verður stillt í hóf en óneytanlega mun það verða aðeins hærra en á síðasta móti. Staðfestingagjald er kr. 5000.- fyrir hverja konu, sem greiðist fyrir 15. janúar 2008 inn á reikning:
1147 26 8008
Kt. 6309973139
Vinsamlegast millifærið eina greiðslu fyrir hvern kór og setjið nafn kórs í skýringu við greiðslunni.
Vinsamlega sendið kvittun á netfangið: ingibjorg(hjá)hoffell.com
Innifalið í mótsgjaldi verður:
Fæði allan tímann ásamt hátíðarkvöldverði og skemmtun
Mótsgögnin, aðgangur að sundlauginni, inn á Jöklasýninguna, inn á atvinnulífs- og menningarlífssýninuna, byggðasafnið og fleira.
Því munum við reyna pússla tímanum sem best, svo við getum haft frjálsan tíma inná milli atriða svo gestir geti líka notið þess sem boðið verður hér uppá.
Margir af kórunum eru búnir að panta sér gistingu, en ekki staðfesta, svo ekki er því ljóst hve mikið er laust af gistingu inni í bænum sjálfum. Hins vegar er bæði laust rétt utan við bæinn og einnig smáhýsi á tjaldstæðinu og fleira. Við erum tilbúnar að leiðbeina ykkur, þeim sem ekki hafa þegar pantað.
Vonandi verðum við sem flestar hér, því við hlökkum til að taka á móti ykkur og að við eigum öll saman góða og skemmtilega söng helgi.
Með landsmótskveðjum,
Ingibjörg, Erna og Lucia.
Hornafjardarvelkomnin.JPG
Kvennakór Hornafjarðar tekur vel á móti ykkur
Netföng landsmótsnefndar (31. október 2007)
Um leið og við þökkum ykkur öllum fyrir síðast á framhaldsaðalfundi Gígjunnar, viljum við benda þeim sem enn eiga eftir að festa sér gistingu fyrir landsmótið 25.-27. apríl að hér er ennþá nóg gistirými. Við viljum einnig benda þeim kórum á sem þegar hafa pantað að staðfesta pantanir sínar. Hérna á vefsetri Gígjunnar koma einnig von bráðar upplýsingar um upphæð mótsgjalds og greiðslu á staðfestingargjaldi. Þessar upplýsingar verða líka sendar út á póstlista Gígjunnar. Sem sagt allt í fullu fjöri hér á Hornafirði við undirbúning og við hlökkum til þess að eiga góða helgi með ykkur í vor á sjöunda landsmóti Gígjunnar landssambands íslenskra kvennakóra.
Netföng landsmótsnefndar
Við viljum svo benda ykkur á netföngin okkar í landsmótsnefndinni ef það er eitthvað sem við getum aðstoðað ykkur með eða gefið ykkur frekari upplýsingar um landsmótið.
Með kveðju héðan frá Hornafirðinum,
Ingibjörg Ævarr Steindóttir, ingibjorg(hjá)hoffell.com
Lucia Óskarsdóttir, lucia(hjá)hornafjordur.is
Erna Gísladóttir, ernag(hjá)hornafjordur.is
Kvk-Hornafj600.jpg
Sjöunda landsmót íslenskra kvennakóra verður haldið á Hornafirði 25.-27. apríl 2008 (16. september 2007)
Varst þú á síðasta landsmóti sem haldið var í Hafnarfirði árið 2005? Ef ekki þá er tækifæri til þess að taka þátt í næsta landsmóti Gígjunnar landssambandi íslenskra kvennakóra sem haldið verður á Hornafirði. Vinnan við landsmótið sem verður síðustu helgina í apríl 2008 er komin á fullt skrið þannig að það er í nógu að snúast hjá Kvennakór Hornafjarðar þessa dagana.
Kórinn ætlar að senda bréf til allra aðildarkóra Gígjunnar með nánari upplýsingum um mótið í byrjun næsta starfsárs. Landsmótið á Hornafirði verður það sjöunda í röðinni.
Yfirlit yfir landsmót íslenskra kvennakóra
1. 1992 Kvennakórinn Lissý
2. 1995 Kvennakór Reykjavíkur
3. 1997 Freyjukórinn í Borgarfirði
4. 1999 Kvennakór Siglufjarðar
5. 2002 Kvennakór Suðurnesja
6. 2005 Kvennakór Hafnarfjarðar
7. 2008 Kvennakór Hornafjarðar
Allar nánari upplýsingar um landsmótið gefur Kvennakór Hornafjarðar:
Kvennakór Hornafjarðar
Höfðavegur 3
780 Höfn í Hornafirði
Formaður: Ragnheiður Rafnsdóttir, raggara(hjá)simnet.is
Sími: 586 2670 og 893 0468
Stjórnandi: Svavar Sigurðsson
Undirleikari: Jónína Einarsdóttir
Tenglar sem varða efnið: Bullet1 http://hornafjordur.is/forsida
Til baka
Íslensk Tónverkamiðstöð
» Tónlistarbrunnur
Útgáfa
» Freyjukórinn
» Gospelsystur
» Jórukórinn
» Kvk Akureyrar
» Kvk Garðabæjar
» Kvk Hafnarfjarðar
» Kvk Kaupmannahöfn
» Kvk Ljósbrá
» Kvk Reykjavíkur
» Kvk Suðurnesja
» Léttsveit Rvíkur
» Lillukórinn
» Norðurljós
» Seljur
» Ymur
» Vox Feminae
Leit
Leita
Kíktu á okkur á Facebook
Gígjan, landssamband íslenskra kvennakóra
Kleppsvegur 132, 104 Reykjavík
Kennitala: 690403 3660
Sími: 847 1724
Netfang: gigjan2003(hjá)gmail.com