Gígjan landssamband íslenskra kvennakóra var stofnað 5. apríl 2003. Markmið með stofnun sambandsins er
að efla starfsemi og samstarf kvennakóra. Einnig að efla samskipti við kvennakóra erlendis og safna og
 miðla upplýsingum um starfsemi og sögu íslenskra kvennakóra.

Eftir síendurteknar frestanir vegna heimsfaraldurs mun Landsmót Gígjunnar, sem til stóð að halda í maí 2020 loksins verða að veruleika.

Ellefta Landsmót Gígjunnar, sambands íslenskra kvennakóra verður haldið í Reykjavík dagana 4-6.maí. Eins og áður mun Kvennakór Reykjavíkur sjá um skipulagningu mótsins og er markmið kórkvenna í Kvennakór Reykjavíkur að allar konur sem þátt taka í mótinu, njóti hverrar stundar sem allra best og að það náist að skapa þá frábæru stemmingu í Reykjavík, sem hefur einkennt landsmótin fram til þessa, þrátt fyrir stærð höfuðborgarinnar.

Endurskipulagning mótsins er hafin og miðar skipulag við áður útgefna dagskrá fyrir mótið í maí 2020. Þó er ljóst að einhverjar breytingar verða en staðfest er að mótið verður haldið í Háskólabíó og nærumhverfi og tónleikar kóranna verða í Eldborg Hörpu eins og áður hafði verið ákveðið.

Við erum í viðræðum við smiðjustjóra og nú þegar er ljóst að einhverjar breytingar verða á smiðjunum. Óvíst er með lög sem búið var að senda út en þetta mun allt skýrast fljótlega.

Sameiginleg lög verða þau sömu og áður og er annað þeirra, Til gleðinnar, mótslagið okkar

og er sérstaklega samið af þessu tilefni

Til gleðinnar

Lag: Gunnsteinn Ólafsson

Ljóð: Ólöf Sigurðardóttir frá Hlöðum

Í kór

Lag: Herman Hupfeld

Texti: Álfheiður Ingólfsdóttir

Eins og áður skiptir gríðarlegu máli fyrir landsmótsnefnd að hafa einhverja hugmynd um fjölda kóra og kvenna sem ætla að taka þátt á mótinu. Til dæmis þá sendur nú yfir leit af stað fyrir lokahóf og þá skiptir mjög miklu hvort verið er að leita að stað sem tekur 800 konur, 500 eða 300. Því biðlar nefndin því til ykkar að láta vita hvort ykkar kór stefnir á mót og þá sirka hversu margar konur með því að senda póst á landsmot2020@kvennakorinn.is

Að öðru leiti er tímalína ca þessi:

Ágúst 2022 - Forskráning hefst - óbundin skráning með áætluðum fjölda kórkvenna.

Nóv 2022 - Formleg skráning á mótið og í smiðjur hefst.

Nóv 2022 - Tengiliðir kóra staðfestir við landsmótsnefnd

Jan 2023 - Lokafrestur til að greiða staðfestingagjöld

Jan 2023 - Opnað fyrir nótur í smiður

Mar 2023 - Lokafrestur til að greiða mótsgjald

Maí 2023 - Landsmót - Syngjandi vor 2023

Mótsgjald er ekki komið á hreint en stefnt er á að halda því á svipuðum nótum og búið var að gefa út en þó má búast við vísitöluhækkun á því eins og öðru.

Við erum enn og aftur orðnar gríðarlega spenntar fyrir því að halda loksins þetta mót.

Kvennakór Reykjavíkur er 30 ára og Gígjan 20 ára á árinu 2023 og má því segja að landsmót Gígjunnar 2023 verði nokkurs konar afmælishátíð okkar allra og við hlökkum svo til að hitta ykkur :)

Fh. Landsmótsnefndar

Kolbrun H..

Lesa meira

Stjórn Gígjunnar, í samráði við Kvennakór Reykjavíkur, hefur ákveðið að fresta fyrirhuguðu landsmóti, sem átti að halda í september 2021 (og þar áður í maí 2020) fram til vorsins 2023.

Ástæðurnar fyrir þessu eru margar og spilar óvissa vegna Covid-19 stóran sess í þessari ákvörðun. Kórastarf hefur verið í algjöru lágmarki undanfarið ár. Kórar hafa ekki náð að hittast og æfa saman í marga mánuði, fjárhagsstaða er erfið og óvissan vegna bólusetninga er alger. Kórar hafa nóg með að halda starfinu gangandi þannig að hægt sé að stefna á að halda tónleika og annað án þess að álag vegna æfinga við landsmót sé á það bætandi.

Stjórn Gígjunnar - ásamt landsmótsnefnd Kvennakórs Reykjavíkur - telur að ánægjan af því að mæta á landsmót sé í lágmarki við þessar aðstæður og erfitt fyrir kóra að sýna sitt besta á þannig móti og því hefur þessi ákvörðun verið tekin.

Landsmótsnefnd hefur nú þegar hafið þá vinnu að finna mótinu stað og tíma í maí 2023 í Reykjavík.
Tímasetning, upplýsingar vegna skráningu, kostnaður og allt þetta verður sent til ykkar þegar nær dregur.
Einnig verða upplýsingar um smiðjur sendar til ykkar í tíma.

Varðandi þau lög sem nú þegar hefur verið dreift til ykkar, þá er það alls óvíst að þau verða sungin á mótinu 2023. Ef einhver vill fá að nota þau lög og flytja á sínum tónleikum, þá biðjum við ykkur vinsamlega að vera í samþykki við smiðjustjórana sem lögðu til lögin og fá þeirra samþykki.

Ekki er heimilt að flytja landsmótslagið á tónleikum fyrr en eftir landsmót 2023.

Við vonum að þessi ákvörðun komi ykkur ekki illa, það var erfitt að þurfa að taka hana því að við sem höfum áður farið með kórnum okkar á landsmót, vitum hvað það er skemmtilegt og gefandi að mæta á svona mót. En að sama skapi var hún líka auðveld því það er ekki skemmtileg tilhugsun að þurfa að mæta á landsmót þar sem Covid-19 skýið skyggir á gleðina.

Árið 2023 verður Gígjan 20 ára og mótshaldarinn, Kvennakór Reykjavíkur verður 30 ára. Það verður því ærið tilefni til að halda skemmtilegt, stórkostlegt og langþráð landsmót Gígjunnar í maí 2023 og við sjáumst vonandi allar þá.

Fyrir hönd stjórnar Gígjunnar,

Kolbrún Halldórsdóttir formaður

Lesa meira
Með hliðsjón af gildandi reglugerð heilbrigðisráðherra um takmörkun á samkomum og að höfðu samráði við embætti landlæknis leggur Gígjan til eftirfarandi verklag við æfingar og samveru kóra til að fylgja megi til hlítar gildandi kröfum um sóttvarnir:

  1. Ráðlagt er að á kóræfingum sé fjarlægð milli syngjandi kvenna eigi minni en 1 metri og helst meiri ef unnt er.
  2. Til að tryggja megi sem best góða fjarlægð milli kvenna þarf að taka mið af æfingaaðstöðu hvers kórs og jafnvel skipta kórum upp á æfingum ef stærð húsnæðis krefst þess. Til dæmis er hægt að skipta æfingatíma milli radda eða blanda röddum í hópa og miða við þann fjölda sem æfingahúsnæði og fjarlægðarmörk ráða við. Mælst er til þess að hópar haldist þeir sömu meðan þessi staða varir svo ekki sé verið að blanda hópum saman meira en nauðsynlegt er.
  3. Mikilvægt er að konur haldi sig heima við ef þær finna fyrir flensueinkennum (hósti, hiti, bein- og vöðvaverkir, þreyta).
  4. Nauðsynlegt er að sameiginlegir snertifletir í æfingahúsnæði séu vel sótthreinsaðir fyrir og eftir notkun, til dæmis stólarmar, borð og hurðahúnar. Tryggja þarf að salernisaðstaða sé einnig sótthreinsuð.
  5. Afar mikilvægt er að huga vel að persónulegum sóttvörnum þar með talið nálægðartakmörkunum, hreinsun handa og að sýna tillitsemi við hósta og hnerra og nota olnbogabót en ekki hendur.
  6. Ekki er sérstaklega mælst til þess að nota grímur á æfingum og hafa ber í huga að grímunotkun kemur ekki í staðinn fyrir góða fjarlægð milli söngkvenna.
Við í stjórn Gígjunnar hvetjum kóra til að hefja æfingar en gæta ávallt ýtrustu sóttvarna. Söngur er heilsubætandi og mikilvægt er að kórar hlúi að kórstarfinu. Þessar leiðbeiningar eru til viðmiðunar miðað við núgildandi sóttvarnareglur stjórnvalda en kórum er í sjálfsvald sett að ganga lengra í sóttvörnum. Mikilvægt er að endurskoða kórstarfið reglulega með hliðsjón af gildandi reglum hverju sinni og munum við í stjórn leitast við að vera kórum til leiðbeiningar eftir því sem aðstæður breytast.

Gangi ykkur vel og knús á línuna

Kveðja, Kolla - formaður
Lesa meira
Kvennakór Reykjavíkur hefur, í samráði við stjórn Gígjunnar, tekið þá ákvörðun að landsmót Gígjunnar, sem til stóð að halda í maí 2020 en varð að fresta vegna Covid-19, verði haldið dagana 16.-18. september 2021.
Því miður verður ekki hægt að halda mótið í maí 2021 eins og áður var stefnt að. Ástæðan er fyrst og fremst sú að Harpa var ekki laus á því tímabili sem stefnt var að. Landsmótsnefnd vill alls ekki ekki sleppa því tækifæri að bjóða þátttakendum að halda tónleika í glæsilegasta tónleikasal landsins, Eldborg og því var tekin sú ákvörðun að færa mótið fram á haustið. Landsmótsnefnd og stjórn Gígjunnar vonar að kórkonur Gígjunnar taki þessari ákvörðun fagnandi og vonar jafnframt að jafnvel enn fleiri konur skrái sig á mótið í september 2021 en höfðu skráð sig á mótið sem átti að halda í maí 2020.
Að því sögðu þá óskar landsmótsnefnd eftir því að kórar sendi inn forskráningu á mótið á netfangið landsmot2020@kvennakorinn.is með áætluðum fjölda þátttakenda fyrir 1.okt 2020 svo undirbúningur verði sem skilvirkastur.

Landsmótsnefnd hefur sett stefnuna á að áður útgefnar smiðjur og smiðjustjórar verði eins og áður hefur verið kynnt en þó með fyrirvara um breytingar. Sameiginleg lög verða þau sömu.

Einnig er stefnt á að áður útgefin dagskrá verði sú sama en staðsetning mótsins mun færast í Laugardalshöll og nágrenni þar sem í boði er frábær aðstaða í gullfallegum og gróðursælum Laugardalnum ásamt úrvali á gistingu enda mikið úrval hótela og gistiheimila í næsta nágrenni.
Óskað er eftir skráningum fyrir 1 febrúar 2021 og greiðslu staðfestingagjalds en nánari upplýsingar um það allt saman verða sendar þegar kórastarf er hafið í haust.

Við tökum fagnandi öllum ábendingum sem þið kunnið að hafa á netfangið landsmot2020@kvennakorinn.is og hlökkum til að taka á móti ykkur öllum 16.september 2021.

Sumarkveðja :)

Stjórn Gígjunnar og Landsmótsnefnd Kvennakórs Reykjavíkur
Lesa meira