Landssamband íslenskra Kvennakóra

Vortónleikar Kvennakórs Akureyrar verða haldnir í Tónlistarhúsinu Laugarborg sunnudaginn 22. maí kl. 16.00.

Efnisskráin er fjölbreytt og skemmtileg og mun kórinn m.a. syngja nokkur lög frá nýafstöðnu landsmóti kvennakóra á Selfossi. Má þar nefna Sumar konur eftir Bubba Morthens og Time to say goodbye.

Einsöngvari með kórnum er Eyrún Unnarsdóttir messósópran og syngur hún nokkur vel valin lög.

Stjórnandi og undirleikari er Daníel Þorsteinsson.

Miðaverð er 2.000 krónur og 1.500 krónur fyrir ellilífeyrisþega. Því miður er ekki tekið við greiðslukortum. Frítt er fyrir 12 ára og yngri.

Góða skemmtun!

Kvennakórinn Heklurnar heldur vortónleika í Guðríðarkirkju, sunnudaginn 15. maí kl 17:00.

Á efnisskrá tónleikanna  er að finna tónlist frá ýmsum löndum í bland við lög eftir íslensk tónskáld svo sem Sigfús Halldórsson, Bubba Morthens og Valgeir Guðjónsson, svo einhver séu nefnd, ásamt nokkrum óperukórum.   

Aðgangseyrir er kr. 2000 við innganginn eða kr. 1500 í forsölu.  

Hægt er að nálgast miða í forsölu hjá kórkonum eða gegnum tölvupóst á netfangi kórsins.

Senjórítur Kvennakórs Reykjavíkur halda vortónleika í Digraneskirkju laugardaginn 14. maí.

Á tónleikunum mun kórinn flytja fjölbreytta dagskrá. Þar á meðal verða lög eftir íslensk tónskáld eins og Sigvalda Kaldalóns, Tryggva M. Baldvinsson, Sigfús Halldórsson, Olgu Guðrúnu Árnadóttur, Ólaf Gauk Þórhallsson, Jón Múla Árnason og Björgvin Þ. Valdimarsson auk erlendra höfunda.

Stjórnandi Senjórítanna er Ágota Joó og píanóleikari er Vilberg Viggóson.

Tónleikarnir hefjast kl. 14. Miðaverð er kr. 1500 fyrir fullorðna, en kr. 600 fyrir börn.

Hluti kórsins tekur síðan þátt í Landsmóti íslenskra kvennakóra á Selfossi 29. apríl - 1. maí, en 26 konur úr kórnum hafa skráð sig á mótið.

Vortónleikar Kvennakórs Hafnarfjarðar, 14. maí kl. 16 í Hásölum.

Vortónleikar Kvennakórs Hafnarfjarðar verða haldnir laugardaginn 14. maí kl. 16 í Hásölum (safnaðarheimili Hafnarfjarðarkirkju). 

Um 40 konur hafa æft saman í vetur af miklum dugnaði. Kvennakórinn er nýkominn af Landsmóti kvennakóra sem haldið var á Selfossi. Þar söng kórinn ásamt 600 öðrum konum.

Á þessum vortónleikum flytur kórinn afrakstur vetrarstarfsins.

Í fyrri hluta hljóma mest íslensk lög m.a. Jónasarlög eftir Atla Heimi Sveinsson við texta Jónasar Hallgrímssonar. Einnig mun kórinn syngja nokkur lög eftir Sigfús Halldórsson.  

Eftir hlé breytist takturinn og kórinn flytur erlend lög, mörg þeirra frá Afríku.

Stjórnandi Kvennakórs Hafnarfjarðar er Erna Guðmundsdóttir. Píanóleikari er Antonia Hevesi.

Einsöngvari með kórnum að þessu sinni verður Dagný Björk Gísladóttir en hún stundar nám við söngdeild Tónlistarskóla Hafnarfjarðar.

Miða er hægt að nálgast hjá kórfélögum og við innganginn. Hægt er að senda póst á netfang kórsins og láta taka frá miða.