Landssamband íslenskra Kvennakóra

Nú líður að því að tímabært verði að flytja á tónleikum, afrakstur æfinga kórsins síðan í janúar.

Kvennakór Kópavogs mun því halda vortónleika í Aðventkirkjunni við Ingólfsstræti sunnudaginn 25. apríl kl. 16.00. 

Ýmis létt og skemmtileg lög verða á efnisskránni þar á meðal nokkrar perlur eftir Sigfús Halldórsson.

Einsöngvari á tónleikunum verður Ragnhildur D. Þórhallsdóttir. Á tónleikunum mun einnig koma fram barnakórinn Englaraddir. 
Stjórnandi kórsins er Julian M. Hewlett. Píanóundirleikur verður í höndum Guðríðar Sigurðardóttur.

Aðgangseyri verður stillt í hóf en miðaverð er einungis 1000 kr. fyrir áheyrendur eldri en 12 ára. 

Sjáumst þá!
Kvennakór Kópavogs

Í nógu að snúast hjá Kvennakór Kópavogs og vortónleikar á næsta leiti

Kvennakór Kópavogs hefur haft í nógu að snúast í vetur. Níunda starfsár kórsins hófst síðastliðið haust með því að nýr kórstjóri, Julian M. Hewlett, tók við stjórnun kórsins en Julian var kórkonum af góðu kunnur þar sem hann hefur verið undirleikari kórsins um árabil. 

Á haustönn tók Kvennakór Kópavogs þátt í tveim metnaðarfullum verkefnum. Í nóvember stóð kórinn fyrir tónleikum til styrktar Mæðrastyrksnefnd Kópavogs, undir heitinu Hönd í hönd. Þar kom fram fjöldi tónlistarfólks úr Kópavogi sem gaf vinnu sína til styrktar þessu góða málefni og heppnaðist verkefnið með ágætum. Í desember tók kvennakórinn svo þátt í aðventutónleikum, sem haldnir voru á vegum Karlakórs Kópavogs. Kórarnir fltuttu m.a. saman verkið Sjá himins opnast hlið eftir Julian M. Hewlett en það tekur um 25 mínútur í flutningi og er flóknasta tónverk sem kórarnir hafa tekið að sér að flytja til þessa.  Því var um að ræða stórt skref framávið fyrir kórana báða og kórfélagar gátu farið stoltir í jólafrí að loknum frábærum aðventutónleikum fyrir fullu húsi í Kópavogskirkju.

Í janúar hófust æfingar að nýju og fór þá í hönd langt æfingatímabil en hápunktur þess voru æfingabúðir sem haldnar voru á hótel Hlíð í Ölfusi,  í helgina 6.-7. mars. Þema æfingabúðanna var Hálar sem ál og því klæddu kórfélagar sig í heimatilbúna ál-búninga á laugardagskvöldinu og slettu ærlega úr klaufunum um leið - eins og sjá má glögglega á meðfylgjandi mynd. Í marsmánuði hélt kórinn einnig skemmtikvöld með sama þema í Smáranum í Kópavogi og bauð til sín þremur kórum, Kvennakórnum Ym frá Akranesi, Kvennakór Suðurnesja og Karlakór Kópavogs. Úr varð hin besta skemmtun þar sem söngurinn var í hávegum hafður.   

Nú líður að því að tímabært verði að flytja á tónleikum, afrakstur æfinga kórsins síðan í janúar. Kvennakór Kópavogs mun því halda vortónleika í Aðventkirkjunni við Ingólfsstræti sunnudaginn 25. apríl kl. 16:00. Ýmis létt og skemmtileg lög verða á efnisskránni, þ.a.m. nokkur eftir Sigfús Halldórsson. Aðgangseyri verður stillt í hóf en miðaverð er einungis 1000 kr. fyrir áheyrendur eldri en 12 ára. 

Sjáumst þá!  
Kvennakór Kópavogs

Miðvikudaginn 21. apríl nk. heldur Freyjukórinn í Borgarfirði vortónleika sína ásamt karlakórnum Söngbræður.

Tónleikarnir verða haldnir í Reykholtskirkju og hefjast kl. 20:30.

Stjórnandi Freyjukórsins er Zsuzsanna Budai og um undirleik sjá Sigurður Jakobsson á bassa
og Viðar Guðmundsson á píanó
 
Stjórnandi Söngbræðrar er Viðar Guðmundsson og undirleikari á píanó Stefán Jónsson.

Tónleikarnir byrja kl 20.30 og aðgangseyrir er 2000. kr - ath. inn enginn posi

Fögnum sumri með söng....

Léttsveit Reykjavíkur fer senn í söngferðalag til Skagafjarðar og Eyjafjarðar.

Kórinn verður með tónleika í Hóladómskirkju föstudaginn 30. apríl kl. 20.00.
Laugardaginn 1. maí verður kórinn með tónleika í Menningarhúsinu Bergi á Dalvík og hefjast þeir kl. 16.00. Laugardaginn 8. mai kl. 17.00 mun Léttsveitin ásamt Álftagerðisbræðrum syngja baráttu- og bjartsýnisljóð í Háskólabíói.

Hljóðfæraleikarar sem spila með kórnum eru: Aðalheiður Þorsteinsdóttir, píanóleikari, Tómas R. Einarsson, bassaleikari og Kjartan Guðnason, trommuleikari.

Stjórnandi eins og ávallt er Jóhanna V. Þórhallsdóttir.

30. apríl
Hóladómkirkja
kl. 20.00

1. maí
Menningarhúsið Berg á Dalvík
kl. 16.00

8. maí
Háskólabíó
kl. 17.00
Léttsveitin syngur með Álftagerðisbræðrum