Jólatónleikar Kyrjanna verða haldnir laugardaginn 28. nóv. n.k. kl. 17 í Kirkju óháða safnaðarins við Háteigsveg.
Kveikt er ljós við ljós..... er yfirskrift jólatónleika Kyrjanna að þessu sinni.
Dagskráin er afar falleg og hátíðleg og er það von okkar og trú að hún muni veita
birtu inn í hugi og hjörtu þeirra sem á hlýða.
Stjórnandi Kyrjanna er Sigurbjörg Hv. Magnúsdóttir og píanóleikari er Halldóra Aradóttir.
Miðasala við innganginn. Miðaverð kr. 1200,-
Fimmtudaginn 26. nóvember kl. 20.00 - 22.30 heldur kvennakórinn Vox feminae skemmti- og fjáröflunarkvöld í Söngskólanum Domus Vox Laugavegi 116, Reykjavík.
Aðgangseyrir er 1000 krónur en innifalið er söngur, kaffi og súkkulaðikaka með rjóma.
Einnig verður frábært markaðstorg á staðnum þar sem í boði verða margir fallegir hlutir í jólapakkann, svo sem föt út leðri og þæfðri ull, gler og leirlist, skartgripir, myndlist, töskur, sjöl, Avedakrem, jólapappír, jólakort og margt fleira fallegt.
Komdu með vinkonur þínar og eigðu góða kvöldstund með okkur.
Tíundu aðventutónleikar Domus Vox
Hátíð er ný er yfirskrift glæsilegra aðventutónleika kóra Margrétar J.
Pálmadóttur í Hallgrímskirkju miðvikudaginn 9. desember kl. 20 og
föstudaginn 11. desember kl. 20.
Á tónleikunum koma fram 180 söngkonur á öllum aldri úr Stúlknakór
Reykjavíkur og kvennakórunum Cantabile og Vox feminae og flytja margar af okkar fallegustu aðventu- og jólaperlum.
Stjórnandi tónleikanna er Margrét J. Pálmadóttir og einsöngvari með kórunum er Hanna Björk Guðjónsdóttir sópran. Eydís Franzdóttir leikur á óbó, Sigurður Halldórsson á selló og Antonia Hevesi á orgel.
Miðaverð er kr. 3.500 í forsölu og kr 4.500 við innganginn. Forsala
aðgöngumiða er hjá kórfélögum og í Domus Vox, Laugavegi 116, mánudaga til
fimmtudaga kl. 14-18 sími 511 3737 og alla daga í síma 893 8060.
Aðventutónleikar Kvennakórs Reykjavíkur verða í Guðríðarkirkju, Kirkjustétt 8, Grafarholti, miðvikudaginn 2. desember kl. 20 og laugardaginn 5. desember kl. 16.
Efnisskráin verður fjölbreytt að vanda og í anda aðventu, hátíðlegra fyrir hlé og slegið á léttari strengi eftir hlé. Við munum m.a. frumflytja verkið Hodie eftir Harald V. Sveinbjörnsson. Þetta verk er sérstaklega samið fyrir kórinn og
tileinkað stjórnandanum, Sigrúnu Þorgeirsdóttur. Píanóleikari er Vignir Þór Stefánsson og með okkur mun syngja hinn ástsæli söngvari Stefán Hilmarsson.
Með þessum tónleikum lýkur 12 ára farsælu starfi Sigrúnar Þorgeirsdóttur með kórnum. Við þökkum henni kærlega samfylgdina og óskum henni alls hins besta í framtíðinni.
Almennt miðaverð er kr. 2.500,- en í forsölu kostar miðinn kr. 2.000,-.
Styrktarfélagar njóta svo sérstakra kjara hjá okkur.
Vinsamlegast hafðu samband sem allra fyrst við kórkonur eða kórinn á netfangið kvkor(hjá)mmedia.is eða í síma 896-6468 eftir kl. 16, til að panta miða.
Við hlökkum til að sjá ykkur!
Kær kveðja,
Kvennakór Reykjavíkur
P.S. Fyrir þá sem eiga erfitt með að rata í Guðríðarkirkju, bendum við á kort á heimasíðu Símans
