Landssamband íslenskra Kvennakóra

Kvennakórinn Heklurnar lýkur starfsvetri sínum í vor með "opinni æfingu" þann 8. maí kl. 20.00 í Lágafellskirkju. Þær koma víða við í sönglögum eftir meðal annars Jón Ásgeirsson, Atla Heimi Sveinsson, Sigfús Halldórsson, Valgeir Guðjónsson, Ólínu Gunnlaugsdóttur og fleiri tónskáld. Stjórnandi kórsins er Björk Jónsdóttir og meðleik annast Kolbrún Sæmundsdóttir. Aðgangseyrir er kl. 500 og eru miðar seldir við innganginn. Allir boðnir hjartanlega velkomnir… kaffi og konfekt í boði kórsins.

Íslenski kvennakórinn í Kaupmannahöfn heldur um þessar mundir upp á 10 ára starfsafmæli sitt. Þær eru á leiðinni til Íslands til þess að taka upp geisladisk. Í tilefni af þeirri vinnu munu þær halda tvenna tónleika á Íslandi: Sunnudaginn 25. maí kl. 20:30 í Reykholtskirkju og mánudaginn 26. maí kl. 20:00 í Seltjarnarneskirkju. Dagskráin spannar gömul íslensk sálmalög með fögrum hljómum, nútímaleg verk með flóknum takti, ættjarðarlög með hjartnæmum texta og ýmislegt þar inn á milli. Verk eftir Báru Grímsdóttur, Þorkel Sigurbjörnsson, Niels la Cour, Michael Bojesen og fleiri. Sigríður Eyþórsdóttir kórstjóri segir frá verkunum og hugmyndinni bakvið gerð geisladisksins. Miðar á tónleikana verða seldir við innganginn og er aðgangseyrir í Reykholti er kr. 1000,- og á Seltjarnarnesi kr. 2000,- Lesið meira um starfssemi Íslenska kvennakórsin í Kaupamannahöfn í þessari frétt.

Fréttatilkynning frá Íslenska kvennakórnum í Kaupmannahöfn
Íslenski kvennakórinn í Kaupmannahöfn heldur um þessar mundir upp á 10 ára starfsafmæli sitt. Kórinn var stofnaður á sínum tíma af framsæknum íslenskum söngkonum í Kaupmannahöfn, sem vantaði metnaðarfullan kór að syngja í. Fyrsti stjórnandi kórsins var söngkonan Ingibjörg Guðjónsdóttir og lagði hún grunn að miklu og ötulu starfi kórsins sem hefur haldist æ síðan. Síðastliðin átta ár hefur Sigríður Eyþórsdóttir cand.mag. í tónlistarfræðum, stjórnað kórnum. Í kórnum eru 18 íslenskar konur búsettar í Kaupmannahöfn, nokkrar námsmeyjar eru á meðal okkar en flestar búa hér fast og starfa. Þrátt fyrir öra flutninga Íslendinga fram og til baka milli Kaupmannahafnar og Íslands hefur þátttaka í kórnum verið ótrúlega stöðug frá upphafi og eru enn um 10 konur í kórnum sem sungið hafa með frá byrjun. Þetta vitnar um mikla samstöðu og ekki minnst metnaðarfullar og markvissar vinnuaðferðir. Aðalverkefni kórsins er að sjálfsögðu að kynna Dönum íslenska tónlistog hefur kórinn í því samhengi komið fram við ótal tækifæri. Þar að auki syngur kórinn mikið fyrir Íslendinga í Kaupmannahöfn og höfum við m.a. oft komið fram í sendiráði Íslendinga í Kaupmannahöfn og erum við stoltar af að hafa fengið að vera fulltrúar þjóðar okkar við þau tækifæri. Eitt höfum við þó aldrei gert og það er að gefa útgeisladisk. Okkur hefur lengi langað til þess, en verið að bíða eftir rétta tækifærinu. Nú er tíminn kominn, kórinn hefur aldrei verið betri, við eigum mikið magn af frábærri tónlist í handraðanum og okkur hefur tekist að semja við einn alfærasta hljóðmann Íslands um samvinnu. Dagana 22. til 26. maí ætlum við að taka upp geisladisk í Reykholti með Sigurði Rúnari Jónssyni (Didda fiðlu) sem ætti að vera öllum landsmönnum kunnur. Á disknum verða íslensk og dönsk verk sem endurspegla það sem okkur finnst skemmtilegast að gera; flytja ný verk eftir ung tónskáld aðallega, en einnig þjóðlög og útsetningar sem eru með til að skapa heildarmynd og sýna sem flestar hliðar á kórsöng almennt og getu kórsins okkar sérstaklega. Í sambandi við upptökuvinnuna höldum við tvenna tónleika á Íslandi: Sunnudaginn 25. maí kl. 20.30 í Reykholtskirkju og mánudaginn 26. maí kl. 20.00 í Seltjarnarneskirkju. Á dagskránni verða verk af geisladisknum komandi. Dagskráin spannar gömul íslensk sálmalög með fögrum hljómum, nútímaleg verk með flóknum takti, ættjarðarlög með hjartnæmum texta og ýmislegt þar inn á milli. Verk eftir Báru Grímsdóttur, Þorkel Sigurbjörnsson, Niels la Cour, Michael Bojesen og fleiri. Sigríður Eyþórsdóttir kórstjóri segir frá verkunum og hugmyndinni bakvið gerð geisladisksins. Miðar á tónleikana verða seldir við innganginn og er aðgangseyrir í Reykholti er kr. 1000,- og á Seltjarnarnesi kr. 2000,-

Kvennakór Reykjavíkur býður ykkur velkomna á vortónleika kórsins sem haldnir verða í Grensáskirkju miðvikudaginn 14. maí kl. 20 og laugardaginn 17. maí kl. 17. Að þessu sinni verður djass-sveifla á kórnum og höfum við fengið til liðs við okkur Guðlaugu Dröfn Ólafsdóttur söngkonu til að syngja með okkur. Einnig mun hún syngja nokkur lög ein. Stjórnandi kórsins er Sigrún Þorgeirsdóttir og píanóleikari Vignir Þór Stefánsson. Með honum leika Gunnar Hrafnsson á bassa og Erik Qvick á slagverk. Lagavalið er fjölbreytt; íslensk, sænsk og bandarísk lög og eru mörg þeirra þekkt djass- og dægurlög frá miðri síðustu öld. Tónleikamiða er hægt að panta hjá kórkonum, í netfangið kvkor(hjá)mmedia.is og í síma 896 6468 eftir kl. 16.

Viðburðaríku starfsári er senn að ljúka hjá kórnum. Eftir vortónleika síðast liðið vor fór kórinn á kóramót til Ítalíu. Á leið til Ítalíu kom kórinn við í París og hlaut þann heiður að fá að halda tónleika í Notre Dame kirkjunni. Reyndist það einstök upplifun fyrir kórinn. Í lok ferðar hélt kórinn svo tónleika í St. Ignatíusar kirkjunni í Róm. Frábærir tónleikar og fjöldi áheyrenda um 400 manns. Tvennir aðventutónleikar voru svo haldnir í byrjun desember 2007 og voru þeir vel sóttir. Í janúar átti kórinn 15 ára afmæli. Í byrjun árs 1993 var lítil og sakleysisleg auglýsing birt í blöðum þar sem auglýst var eftir konum í kvennakór og var aðsóknin slík að tíðindum þótti sæta. Kórinn er nú nýkominn heim frá norrænu kvennakóramóti í Þrándheimi í Noregi, en hið fyrsta héldum við í Reykjavík árið 2000. Var mjög myndarlega að öllu staðið og var stöðugt tónleikahald alla þrjá mótsdagana, þar sem konum bauðst að syngja með sínum kórum og hlusta á aðra kóra.

Ekki var kórinn fyrr kominn heim, en lagt var af stað á íslenskt kvennakóramót á Hornafirði, hið sjöunda í röðinni, en það var haldið 25. – 27. apríl sl. Sjá http://www.hornafjordur.is/kvennakor Var mótið sérlega ánægjulegt og reyndust Hornfirðingar vera sérlega góðir gestgjafar. Í tilefni þessara kóramóta prjónuðu margar konur á sig vesti úr lopa eða annarri ull og vakti það víða hrifningu og gleði. Má meðal annars sjá hversu konur taka sig vel út í þessum vestum á myndasíðu kvennakórsins. http://public.fotki.com/Kvkor/ Þannig hefur margt verið að gera hjá kórnum ásamt með undirbúningi vortónleikanna.

Tónleikamiða er hægt að panta hjá kórkonum, í netfangið kvkor(hjá)mmedia.is og í síma 896 6468 eftir kl. 16. Með bestu sumarkveðjum, Kvennakór Reykjavíkur

Kvennakór Akureyrar mun halda sína árlegu vortónleika í Akureyrarkirkju sunnudaginn 4. maí kl. 16.30. Efnisskráin er afar fjölbreytt og syngur kórinn m.a. íslensk þjóðlög, gospellög og lög frá Japan, Ítalíu og Slóveníu. Stjórnandi kórsins er Arnór B. Vilbergsson og undirleikari er Jaan Alavere. Miðaverð er kr. 1500 en frítt fyrir börn yngri en 12 ára. Miðar verða seldir hjá kórfélögum og við innganginn. Athugið að ekki er hægt að greiða með greiðslukortum.

Kvennakór Akureyrar mun halda sína árlegu vortónleika í Akureyrarkirkju sunnudaginn 4. maí kl. 16.30. Efnisskráin er afar fjölbreytt og syngur kórinn m.a. íslensk þjóðlög, gospellög og lög frá Japan, Ítalíu og Slóveníu. Stjórnandi kórsins er Arnór B. Vilbergsson og undirleikari er Jaan Alavere. Miðaverð er kr. 1500 en frítt fyrir börn yngri en 12 ára. Miðar verða seldir hjá kórfélögum og við innganginn. Athugið að ekki er hægt að greiða með greiðslukortum.