Landssamband íslenskra Kvennakóra

Nú er komið að hinum árvissu vortónleikum Jórukórsins á Selfossi og í þetta sinn leitar kórinn út fyrir sveitafélagið Árborg með fyrri tónleikana, en þeir verða í Ingólfskála á Efstalandi Ölfusi fimmtudaginn 17. apríl kl 20.30. Seinni tónleikar kórsins verða í Selfosskirkju sunnudaginn 20. apríl kl 17.00. Stjórnandi kórsins er Hlín Pétursdóttir og píanóleikari Þórlaug Bjarnadóttir. Miðaverðið er kr. 2000 og frítt fyrir börn 12 ára og yngri. Miðar eru seldir við innganginn.

Fréttatilkynning frá Jórukórnum á Selfossi
Á tónleikunum í Ingólfsskála verður hin rómaða kaffihúsastemning þar sem tónleikagestum verður boðið upp á kaffi og konfekt á meðan þeir njóta söngsins. Seinni tónleikar kórsins verða síðan með hefðbundnu sniði í Selfosskirkju sunnudaginn 20. apríl kl 17.00. Efnisskráin er mjög fjölbreytt að vanda, bresk sveitarómantík verður ríkjandi framan af en síðan koma lög í léttari kantinum. Tveir gestasöngvarar koma fram með kórnum í ár. Hinn kunni sunnlenski tónlistarmaður Ólafur Þórarinsson eða Labbi mun flytja eigið lag, auk þess að syngja með kórnum. Einnig mun Halldór Unnar Ómarsson tenór syngja nokkur lög, hann er Selfyssingur en stundar söngnám í Tónlistarskólanum í Reykjavík. Stjórnandi kórsins er Hlín Pétursdóttir og píanóleikari Þórlaug Bjarnadóttir en einnig munu hlóðfæraleikarar sem stunda nám í Tónlistarskóla Árnesinga koma fram með kórnum. Við hlökkum til að sjá ykkur á skemmtilegum tónleikum. Bestu kveðjur frá Jórunum.

Þann 17. apríl kl. 20.00 heldur Kvennakór Kópavogs vortónleika sína í Salnum í Kópavogi. Tónleikarnir nefnast "Vorvísa" en efnisskráin er fjölbreytt að vanda, lög úr ýmsum áttum um vorið og ástina, í öllum sínum myndum. Einsöngur með kórnum er að þessu sinni í höndum kórfélaga. Stjórnandi Kvennakórs Kópavogs er Natalia Chow Hewlett og undirleikari er Julian Michael Hewlett. Miðaverð á tónleikana er 1700 kr., 1200 kr. fyrir eldri borgara og frítt fyrir börn 12 ára og yngri. Hægt er að nálgast miða hjá kórkonum og á póstfangi kórsins kvennakorkopavogs(hjá)gmail.com, en miðasala fer einnig fram í Salnum. Lesið nánar um starfssemi Kvennakórs Kópavogs í þessari frétt.

Kórinn hélt nýársgleði í janúar með Karlakór Kópavogs
Kórinn hefur haft nóg að gera það sem af er ársins, æft hefur verið af kappi enda er ýmislegt spennandi framundan. Árið hófst með því að kórinn hélt nýárstónleika með Karlakór Kópavogs þann 6. janúar sem voru vel sóttir. Á efnisskránni voru jólalög í bland við lög úr ýmsum áttum, íslensk og erlend, sum þekkt og önnur minna þekkt en einnig voru flutt tvö frumsamin lög eftr Julian Michael Hewlett.
Þann 17. apríl kl. 20.00 heldur Kvennakór Kópavogs vortónleika sína í Salnum í Kópavogi. Tónleikarnir nefnast "Vorvísa" en efnisskráin er fjölbreytt að vanda, lög úr ýmsum áttum um vorið og ástina, í öllum sínum myndum. Einsöngur með kórnum er að þessu sinni í höndum kórfélaga. Stjórnandi Kvennakórs Kópavogs er Natalia Chow Hewlett og undirleikari er Julian Michael Hewlett. Miðaverð á tónleikana er 1700 kr., 1200 kr. fyrir eldri borgara og frítt fyrir börn 12 ára og yngri. Hægt er að nálgast miða hjá kórkonum og á póstfangi kórsins kvennakorkopavogs(hjá)gmail.com, en miðasala fer einnig fram í Salnum. Lesið nánar um starfssemi Kvennakórs Kópavogs í þessari frétt.

Glæsilegur kökubasar var haldinn í Blómaval
Ef það er eitthvað sem kórfélagar kunna vel fyrir utan það að syngja þá er það að baka og fengu viðskiptamenn Blómavals að kynnast því hinn 15. mars, en þá hélt kórinn glæsilegan kökubasar í húsakynnum Blómavals í Skútuvogi. Það er mál manna að sjaldan hafi kökubasar kórsins verið glæsilegri og runnu terturnar ljúflega út enda engar smá hnallþórur sem hér er um að ræða.
Þann 17. apríl kl. 20.00 heldur Kvennakór Kópavogs vortónleika sína í Salnum í Kópavogi. Tónleikarnir nefnast "Vorvísa" en efnisskráin er fjölbreytt að vanda, lög úr ýmsum áttum um vorið og ástina, í öllum sínum myndum. Einsöngur með kórnum er að þessu sinni í höndum kórfélaga. Stjórnandi Kvennakórs Kópavogs er Natalia Chow Hewlett og undirleikari er Julian Michael Hewlett. Miðaverð á tónleikana er 1700 kr., 1200 kr. fyrir eldri borgara og frítt fyrir börn 12 ára og yngri. Hægt er að nálgast miða hjá kórkonum og á póstfangi kórsins kvennakorkopavogs(hjá)gmail.com, en miðasala fer einnig fram í Salnum. Lesið nánar um starfssemi Kvennakórs Kópavogs í þessari frétt.

Á leiðinni á kvennakóramótið á Hornafirði
Helgina 25. til 27. apríl fer kórinn á sjöunda kóramót Gígjunnar, landssambands íslenskra kvennakóra, á Höfn í Hornafirði. Á mótinu er kórfélögum boðið að taka þátt í fjórum mismunandi vinnuhópum sem hver og ein kona getur sótt, allt eftir áhugasviði sínu. Á laugardeginum verða tónleikar þar sem allir kórarnir flytja hver um sig nokkur lög en á sunnudeginum verða tónleikar þar sem afrakstur vinnuhópanna verður fluttur. Einnig munu allir kórarnir syngja saman nokkur lög, þar á meðal kóramótslagið "Þegar sólin skín" en lagið er eftir Kópavogsbúann Þóru Marteinsdóttur tónskáld. Á fjórðahundrað konur í 13 kórum sækja landsmótið að þessu sinni og gera má því ráð fyrir að fjörið verði mikið á Hornafirði þessa helgi. Eftir ferðina á kóramótið er kórinn kominn í langt sumarfrí fram á haust en æfingar hefjast aftur í september. Stjórnandi Kvennakórs Kópavogs er Natalia Chow Hewlett og undirleikari er Julian Michael Hewlett.
Þann 17. apríl kl. 20.00 heldur Kvennakór Kópavogs vortónleika sína í Salnum í Kópavogi. Tónleikarnir nefnast "Vorvísa" en efnisskráin er fjölbreytt að vanda, lög úr ýmsum áttum um vorið og ástina, í öllum sínum myndum. Einsöngur með kórnum er að þessu sinni í höndum kórfélaga. Stjórnandi Kvennakórs Kópavogs er Natalia Chow Hewlett og undirleikari er Julian Michael Hewlett. Miðaverð á tónleikana er 1700 kr., 1200 kr. fyrir eldri borgara og frítt fyrir börn 12 ára og yngri. Hægt er að nálgast miða hjá kórkonum og á póstfangi kórsins kvennakorkopavogs(hjá)gmail.com, en miðasala fer einnig fram í Salnum. Lesið nánar um starfssemi Kvennakórs Kópavogs í þessari frétt.

Samsöngur með Freyjukórnum í Borgarfirði
Þann 11. apríl bregður kórinn sér upp í Borgarfjörð á kvöldvöku hjá Freyjukórnum í Borgarfirði. Þema kvöldsins er "Ástin". Kórarnir syngja hvor um sig 3 til 4 lög en einnig syngja þeir saman nokkur lög.

Það var einmitt 5. apríl árið 2003 sem haldinn var stofnfundur Gígjunnar á Grand Hótel í Reykjavík. Fundurinn hófst á þessum orðum Margrétar Bóasdóttur: “Kæru kórfélagar og söngstjórar, fyrir hönd undirbúningsnefndar býð ég ykkur öll hjartanlega velkomin hingað í dag og set hér með þennan stofnfund Landssambands íslenskra kvennakóra.” Svo fór hún yfir aðdraganda að stofnun sambandsins sem lesa má í fundargerðinni frá fundinum. Fyrsti formaður stjórnar var Guðrún Karitas Karlsdóttir frá Kvennakór Suðurnesja. Á stofnfundinum 5. apríl 2003 gengu 17 kórar í sambandið: Freyjukórinn í Borgarfirði, Gospelsystur Reykjavíkur, Jórukórinn á Selfossi, Kvennakór Akureyrar, Kvennakór Bolungavíkur, Kvennakór Garðabæjar, Kvennakór Hafnarfjarðar, Kvennakór Hornafjarðar, Kvennakór Kópavogs, Kvennakór Reykjavíkur, Kvennakór Suðurnesja, Kvennakórinn Ljósbrá, Kvennakórinn Norðurljós, Kvennakórinn Seljurnar, Kvennakórinn Ymur, Kyrjukórinn á Þorlákshöfn og Vox femine í Reykjavík. Í dag eru kórar sambandsins samtals 27 og fer fjölgandi. Hjartanlega til hamingju með afmælið. Gígjan hún lengi lifi, húrra, húrra, húrra.Aðildarkórar Gígjunnar 2008
Aðildarkórar Gígjunnar eru 27 talsins: Freyjukórinn í Borgarfirði Glæðurnar Gospelsystur Reykjavíkur Heklurnar Jórukórinn, Selfossi Kvennakór Akureyrar Kvennakór Bolungarvíkur Kvennakór Garðabæjar Kvennakór Hafnarfjarðar Kvennakór Hornafjarðar Kvennakór Kópavogs Kvennakór Reykjavíkur Kvennakór Suðurnesja Kvennakór Öldutúns Kvennakórinn Embla Kvennakórinn Léttsveit Reykjavíkur Kvennakórinn Ljósbrá Kvennakórinn Norðurljós á Hólmavík Kvennakórinn Seljur Kvennakórinn Vestfirsku Valkyrjurnar Kvennakórinn Ymur Kyrjukórinn í Þorlákshöfn Kyrjurnar Lillukórinn í Húnaþingi vestra Sandlóurnar Uppsveitasystur Vox Feminae

Á síðasta stjórnarfundi Gígjunnar voru afgreiddar sex umsóknir frá kvennakórum sem sóttust eftir aðild að sambandinu. Allar þessar umsóknir voru samþykktar einróma. Nýjustu kórarnir í Gígjunni eru: Uppsveitarsystur Flúðum, Kvennakór Öldutúns, Lillukórinn á Hvammstanga, Kvennakórinn Léttsveit Reykjavíkur, Glæðurnar og Kvennakórinn Embla í Eyjafirði. Kórarnir eru allir boðnir hjartanlega velkomnir inn í Gígjuna, landssamband íslenskra kvennakóra, öflugt og sívaxandi samband syngjandi kvenna á Íslandi. Í dag eru kórar sambandsins 27 samtals. Gígjan hefur upplýsingar um 4 kvennakóra í viðbót sem vonandi ganga til liðs við sambandið næsta haust. Upplýsingar um alla aðildarkóra Gígjunnar er að finna hér á vefsetrinu undir linknum Aðildarkórar.

5 kórar fyrir utan sambandið (sem vitað er um)
Þeir kórar sem standa fyrir utan landssambandið í dag eru: Regnbogakonur, Kvennakórinn á Siglufirði, Kvennakór Háskóla Íslands og Íslenski Kvennakórinn í Kaupmannahöfn. Haft verður aftur samband við þessa kóra næsta haust og þeim boðið að gerast aðildarkórar Gígjunnar. Ef einhver hefur upplýsingar um aðra íslenska kvennakóra þá eru þær upplýsingar vel þegnar og hægt að senda þær til stjórnar Gígjunnar á netfang sambandsins; gigjan2003(hjá)gmail.com