Landssamband íslenskra Kvennakóra

Kvennakór Hafnarfjarðar heldur sinn marg rómaða kökubasar næsta föstudag, 30. nóvember. Basarinn verður í Firðinum, verslunarmiðstöðinni í Hafnarfirði og hefst stundvíslega kl. 13.00. Að vanda verður borðið hlaðið hnallþórum að hætti kvennakórs kvenna Hafnarfjarðar. Um að gera að mæta á staðinn til þess að næla sér í flotta tertu til að njóta strax nú eða bara til að skella í frost fyrir jólin. Sjón er sögu ríkari. Við tökum vel á móti ykkur í Firðinum Hafnarfirði.

Freyjukórinn í Borgarfirði undir stjórn Zsuzsönnu Budai, ásamt Páli Óskari og Moniku Abendroth halda jólatónleika í Reykholtskirkju fimmtudaginn 6. desember kl. 20.00. Freyjukórinn syngur einnig á hinum árlegu jólatónleikum Sparisjóðs Mýrasýslu í Reykholtskirkju fimmutdaginn 29. nóvember en þá koma fram kórar héraðsins sem hver um sig flytja þrjú lög.

Freyjukórinn í Borgarfirði undir stjórn Zsuzsönnu Budai, ásamt Páli Óskari og Moniku Abendroth halda jólatónleika í Reykholtskirkju fimmtudaginn 6. desember kl. 20.00. Freyjukórinn syngur einnig á hinum árlegu jólatónleikum Sparisjóðs Mýrasýslu í Reykholtskirkju fimmutdaginn 29. nóvember en þá koma fram kórar héraðsins sem hver um sig flytja þrjú lög.Jólakvöld Freyjukórsins

Jólatónleikar Freyjukórsins "Jólakvöld" verða haldnir í Reykholtskirkju fimmtudaginn 6. desember kl 20.00. Gestir kórsins eru þau Páll Óskar og Monika Aberdroth hörpuleikari.

Flutt verða hátíðleg verk og hugljúf jólalög. Stjórnandi Freyjukórsins er Zsuzsanna Budai.

Miðasala í forsölu til 3. desember í síma 862 8824 og á netfangið berglind(hjá)vesturland.is.

Almenn miðasala og ósóttar pantanir seldar við inngang.

Aðventutónleikar Kvennakórs Garðabæjar verða haldnir mánudaginn 3. desember kl. 20.00 í Digraneskirkju. Kristjana Stefánsdóttir jasssöngkona og Ragnar Örn Emilsson gítarleikari eru gestir kórsins að þessu sinni. Stjórnandi tónleikanna er Ingibjörg Guðjónsdóttir og píanóleikari er Sólveig Anna Jónsdóttir. Forsala aðgöngumiða er hjá Garðablómum á Garðatorgi, hjá kórkonum og í gegnum netfangið kvennakor(hjá)kvennakor.is.Djassdívan Kristjana Stefáns syngur á aðventutónleikum Kvennakórs Garðabæjar
Hinir árlegu aðventutónleikar Kvennakórs Garðabæjar í Digraneskirkju verða haldnir mánudaginn 3. desember kl. 20.00. Gestir Kvennakórs Garðabæjar að þessu sinni eru Kristjana Stefánsdóttir jasssöngkona með meiru ásamt gítarleikaranum Ragnari Erni Emilssyni. Efnisskráin verður sérlega hátíðleg að vanda og fjölbreytt með léttum jólalögum í bland við þau hátíðlegu og ættu allir að finna eitthvað við sitt hæfi. Stjórnandi tónleikanna er Ingibjörg Guðjónsdóttir og píanóleikari er Sólveig Anna Jónsdóttir. Miðaverð er 2000 kr. við innganginn en 1700 kr. í forsölu og fyrir lífeyrisþega. Ungmenni 15 ára og yngri fá frítt á tónleikana. Forsala aðgöngumiða er hjá Garðablómum á Garðatorgi, hjá kórkonum og í gegnum netfangið kvennakor(hjá)kvennakor.is. Sjá nánar á heimasíðu kórsins: http://www.kvennakor.is/

Kvennakór Akureyrar var með æfingadag laugardaginn 17. nóvember í Brekkuskóla á Akureyri. Til stóð að taka daginn snemma og vera mættar við Hríseyjarferjuna á Árskógssandi fyrir kl. 9:30 og dvelja í eyjunni við æfingar til kl. 17:00. Á föstudeginum var hins vegar ákveðið að fara ekki úr bænum þar sem spáin hljóðaði uppá 20-30 metra á sekúndu og norðlenska stórhríð. Þá var brugðið á það ráð að æfa í okkar venjulega æfingahúsnæði í Brekkuskóla og tókst það mjög vel og var mæting mjög góð, t.d. var 100% mæting hjá altröddunum. Í hádegishléinu var snædd súpa og nýbakað brauð frá veitingastaðnum Friðriki V. Eftir matinn hófst svo tískusýning. Fatanefndin kom með tillögu að nýjum kórbúningi fyrir Kvennakór Akureyrar og höfðu þær saumað sýnishorn. Að tillögunum var gerður mjög góður rómur og fengu sýningarstúlkurnar mikið hrós og klapp. Jólakortanefndin hafði einnig staðið í ströngu og var mætt með jólakortin í ár og var hverri konu gert að selja a.m.k. fimm pakka af kortum. Framundan eru svo styrktartónleikar fyrir Mæðrastyrksnefnd Akureyrar þann 2. desember.