Landssamband íslenskra Kvennakóra

Um leið og við þökkum ykkur öllum fyrir síðast á framhaldsaðalfundi Gígjunnar, viljum við benda þeim sem enn eiga eftir að festa sér gistingu fyrir landsmótið 25.-27. apríl að hér er ennþá nóg gistirými. Við viljum einnig benda þeim kórum á sem þegar hafa pantað að staðfesta pantanir sínar. Hérna á vefsetri Gígjunnar koma einnig von bráðar upplýsingar um upphæð mótsgjalds og greiðslu á staðfestingargjaldi. Þessar upplýsingar verða líka sendar út á póstlista Gígjunnar. Sem sagt allt í fullu fjöri hér á Hornafirði við undirbúning og við hlökkum til þess að eiga góða helgi með ykkur í vor á sjöunda landsmóti Gígjunnar landssambands íslenskra kvennakóra.Netföng landsmótsnefndar
Við viljum svo benda ykkur á netföngin okkar í landsmótsnefndinni ef það er eitthvað sem við getum aðstoðað ykkur með eða gefið ykkur frekari upplýsingar um landsmótið. Með kveðju héðan frá Hornafirðinum, Ingibjörg Ævarr Steindóttir, ingibjorg(hjá)hoffell.com Lucia Óskarsdóttir, lucia(hjá)hornafjordur.is Erna Gísladóttir, ernag(hjá)hornafjordur.is

Það er margt á döfinni hjá Kvennakór Akureyrar þetta starfsárið. Nú þegar eru ákveðnir tvennir tónleikar; árlegir jólatónleikar til styrktar Mæðrastyrksnefnd Akureyrar og vortónleikar. Ákveðið hefur verið að stofna til samstarfs við Didda fiðlu og taka upp geisladisk í apríl. Æfingar Kvennakórs Akureyrar hófust 9. september og eru nú um 80 konur í kórnum. Tveir heilir æfingardagar hafa verið skipulagðir og stefnir kórinn á glæsilega tónleikaferð til Eistlands næsta sumar.Dagskrá Kvennakórs Akureyrar starfsárið 2007-2008
Vetrarstarfið hófst með myndarlegum haustmarkaði sem haldinn var 1. september. Þar var til sölu fatnaður, skrautmunir, búsáhöld, húsgögn, brauð, sultur og margt fleira. Einnig var sett upp eins konar kaffihús með vöfflum og kaffi og tókst þetta með ágætum. Æfingar hófust 9. september og eru á sunnudögum kl. 17-19. Aukaæfingar eru haldnar eftir þörfum og eru strax komnar á stað raddæfingar hjá kórstjóranum, Arnóri Vilbergssyni og raddþjálfun Heimi Ingimarssyni. Tveir heilir æfingadagar verða haldnir; 18. nóvember og 17. febrúar. Árlegir jólatónleikar til styrktar Mæðrastyrksnefnd Akureyrar verða haldnir 2. desember og vortónleikar verða svo að öllum líkindum 25. maí. Ákveðið hefur nú verið að gefa út geisladisk og fara upptökur fram 25. – 27. apríl í tónlistarhúsinu Laugaborg undir stjórn Didda fiðlu. Rúsínan í pylsuendanum þetta starfsárið verður svo söngför til Eistlands. Kórinn leggur af stað 18. júní en nánar um þessa spennandi tónleikaferð Kvennakóra Akureyrar síðar. Kórinn hefur á stefnuskrá að fara til útlanda á þriggja ára fresti og eru nú þrjú ár frá ferðinni til Slóveníu. Svo óheppilega vill til að þessar ferðir eru sama ár og landsmót kvennakóra og er því áformað að breyta þessu fyrir næsta landsmót, svo að hægt sé að taka þátt í því. Fréttir, tilkynningar og aðrar upplýsingar varðandi starfsemina má finna á vef Kvennakóra Akureyarar http://www.kvak.is.
Það er margt á döfinni hjá Kvennakór Akureyrar þetta starfsárið. Nú þegar eru ákveðnir tvennir tónleikar; árlegir jólatónleikar til styrktar Mæðrastyrksnefnd Akureyrar og vortónleikar. Ákveðið hefur verið að stofna til samstarfs við Didda fiðlu og taka upp geisladisk í apríl. Æfingar Kvennakórs Akureyrar hófust 9. september og eru nú um 80 konur í kórnum. Tveir heilir æfingardagar hafa verið skipulagðir og stefnir kórinn á glæsilega tónleikaferð til Eistlands næsta sumar.Fréttir frá síðasta sumri
Sumarið 2007 var viðburðaríkt hjá Kvennakór Akureyrar. Laugardaginn 2. júní kom Vox Feminae í heimsókn. Við sungum með þeim í Akureyrarkirkju og við Sundlaug Akureyrar og röltum svo syngjandi niður Listagil og niður í bæ. Þetta tókst prýðilega og höfðu kórfélagar beggja kóra gaman af. Ógleymanleg er þáttaka kórsins í Kórastefnu í Mývatnssveit 7. - 10. júní. Á lokatónleikunum þar að þessu sinni fluttu kvennakórar heimstónlist, en blandaður kór og stúlknakór fluttu Mass of the Children eftir John Rutter ásamt Sinfoníuhljómsveit Norðurlands. Lynnel Joy Jenkins frá Bandaríkjunum stjórnaði heimstónlistinni hjá kvennakórunum. Óhætt er að segja að afar lærdómsríkt og ánægjulegt hafi verið að taka þátt í þessarri dagskrá. Þann 17. júní söng svo kórinn við hátíðahöld bæjarins í miðbæ Akureyrar.

Kvennakór Suðurnesja er ný komin heim frá keppnisferð til Italíu. Kórinn tók þátt í alþjóðlegu kórakeppninni In Canto Sul Garda sem haldin var á vegum Musica Mundi. Kvennakór Suðurnesja tók á móti verðlaunum í gullflokki en keppnina sóttu 37 kórar af ýmsum gerðum. Kórkonur eru himinlifandi með árangurinn í keppninni. Þetta var í fyrsta skipti sem Kvennakór Suðurnesja heldur til Ítalíu til að taka þátt í alþjóðlegu kóramóti og ljóst að miðað við árangurinn nú að þátttaka í slíkum keppnum gæti orðið fastur liður í starfsemi kórsins. Til hamingju Kvennakór Suðurnesja.Alþjóðlega kórakeppnin In Canto Sul Garda á Ítalíu
Kvennakór Suðurnesja hélt utan til Ítalíu þann 13. október til að taka þátt í alþjóðlegu kórakeppninni In Canto Sul Garda sem haldin var á vegum Musica Mundi. Keppnin fór fram í bænum Riva Del Garda dagana 14. – 18. október. 37 kórar öttu kappi í nokkrum flokkum en þarna voru mættir til leiks karlakórar, blandaðir kórar, barnakórar, kvennakórar, jasskórar og gospelkórar. Keppnin hófst með mikilli skrúðgöngu í bænum Riva Del Garda sem er nyrst við Gardavatnið. Kórarnir mættu þar hver með fána síns lands en gengið var niður að aðaltorgi bæjarins þar sem borgarstjóri Riva Del Garda ávarpaði keppendur og setti mótið formlega. Nokkrar kórkonur klæddust íslenska þjóðbúningnum í skrúðgöngunni og vöktu mikla athygli bæjarbúa. Um kvöldið var svo opnunarhátíð í einni af kirkjunum sem keppnin fór fram í.
Kvennakór Suðurnesja er ný komin heim frá keppnisferð til Italíu. Kórinn tók þátt í alþjóðlegu kórakeppninni In Canto Sul Garda sem haldin var á vegum Musica Mundi. Kvennakór Suðurnesja tók á móti verðlaunum í gullflokki en keppnina sóttu 37 kórar af ýmsum gerðum. Kórkonur eru himinlifandi með árangurinn í keppninni. Þetta var í fyrsta skipti sem Kvennakór Suðurnesja heldur til Ítalíu til að taka þátt í alþjóðlegu kóramóti og ljóst að miðað við árangurinn nú að þátttaka í slíkum keppnum gæti orðið fastur liður í starfsemi kórsins. Til hamingju Kvennakór Suðurnesja.Keppnisdagurinn
Mánudagurinn 15. október var keppnisdagurinn okkar. Hann hófst með söngæfingu kl. 09:30 um morguninn og í framhaldi af því fengum við að fara í kirkjuna þar sem við áttum að keppa síðar um daginn til að athuga hvernig væri að syngja þar. Það gekk allt vel og kórkonur orðnar mátulega stressaðar fyrir stóru stundina. Kvennakór Suðurnesja keppti í flokki þjóðlaga en keppni í þeim flokki hófst klukkan 17.00 og við vorum númer tvö í röðinni. Kórinn flutti fimm lög í útsetningum efnir Jón Ásgeirsson, Jón Leifs og Jórunni Viðar undir dyggri stjórn Dagnýjar Jónsdóttur og undirleikari var Geirþrúður F. Bogadóttir. Dómarar keppninnar voru fjórir talsins. Um kvöldið voru haldnir tónleikar þar sem nokkrir kórar sem tóku þátt í keppninni syngu lög frá sínu heimalandi og söng kvennakórinn þar nokkur vel þekkt lög eins og sofðu unga ástin mín og dýravísur.
Kvennakór Suðurnesja er ný komin heim frá keppnisferð til Italíu. Kórinn tók þátt í alþjóðlegu kórakeppninni In Canto Sul Garda sem haldin var á vegum Musica Mundi. Kvennakór Suðurnesja tók á móti verðlaunum í gullflokki en keppnina sóttu 37 kórar af ýmsum gerðum. Kórkonur eru himinlifandi með árangurinn í keppninni. Þetta var í fyrsta skipti sem Kvennakór Suðurnesja heldur til Ítalíu til að taka þátt í alþjóðlegu kóramóti og ljóst að miðað við árangurinn nú að þátttaka í slíkum keppnum gæti orðið fastur liður í starfsemi kórsins. Til hamingju Kvennakór Suðurnesja.Kvennakór Suðurnesja í gullflokki
Á þriðjudeginum var tíminn meðal annars nýttur til að hlusta á aðra kóra í keppninni auk þess að skoða hið stórfenglega umhverfi við Gardavatn. Miðvikudagur var lokadagur keppninnar en um kvöldið var lokahátíðin. Mikil stemming var í salnum þegar allir 37 kórarnir og aðstandendur voru saman komnir til að hlýða á frábær söngatriði og taka á móti verðlaunum og viðurkenningum. Kvennakór Suðurnesja tók á móti verðlaunum í gullflokki (gold II) en veitt voru verðlaun í gull, silfur og bronsflokkum. Kórkonur ásamt mökum eyddu nokkrum dögum eftir kepnnina til að skoða sig um á Ítalíu. Sumir lögðu leið sína til Feneyja og aðrir fóru í fjallaferð í Grand Dolomites í rúmlega 2.000 metra hæð yfir sjávarmáli. Kórkonur eru himinlifandi með árangurinn í keppninni. Þetta var í fyrsta skipti sem Kvennakór Suðurnesja heldur til Ítalíu til að taka þátt í alþjóðlegu kóramóti og ljóst að miðað við árangurinn nú að þátttaka í slíkum keppnum gæti orðið fastur liður í starfsemi kórsins.

Héraðsvaka Rangæinga er árlegur viðburður í Rangárvallasýslu og stendur að þessu sinni yfir frá miðvikudeginum 24.október til sunnudagsins 28. október. Alla dagana eru tónleikar og aðrir menningarviðburðir hvarvetna í sýslunni. Á laugardeginum 27. október er skemmtidagskrá í félagsheimilinu Hvolnum á Hvolsvelli. Skemmtunin hefst kl. 14.00 og stendur fram eftir kvöldi. Kvennakórinn Ljósbrá mun halda tónleika sína kl. 14:15. Stjórnandi kórsins er Eyrún Jónasdóttir og er aðgangur að tónleikunum ókeypis.