Landssamband íslenskra Kvennakóra

Kvennakórinn EMBLA verður með tónleika í Norrænahúsinu í Reykjavík laugardaginn 27. október kl. 15.00 þar sem flutt verða verk fyrir kvennakór, einsöngvara og píanó eftir norska tónsnillinginn Edvard Grieg í tilefni 100 ára dánarafmælis hans á þessu ári. Flutt verða öll verk sem tónskáldið samdi fyrir kvennakór, auk þess kaflar úr Pétri Gaut og úr ófullgerðu óperunni Ólafi Tryggvasyni. Þetta er einstaklega aðgengileg og falleg tónlist sem allir geta notið. Auðrún Aðalsteinsdóttir og Þuríður Baldursdóttir, ásamt félögum úr kórnum syngja einsöng. Píanóleikari er Aladár Rácz. Kvennakórinn Embla var stofnaður 1. september 2002 og er skipaður konum af Eyjafjarðarsvæðinu. Markmið kórsins er að flytja klassíska og nýja tónlist fyrir kvennaraddir og hefur kórinn flutt verk eftir snillinga eins og Grieg, Liszt, Bach, Brahms, Britten, Haydn, Telemann og Pergolesi. Stofnandi og stjórnandi kórsins er Roar Kvam.

Gospelsystur Reykjavíkur halda upp á tíu ára afmæli sitt um þessar mundir og syngja afmælistónleika þriðjudaginn 30. október í Fríkirkjunni í Reykjavík kl. 20:30 undir stjórn Margrétar J. Pálmadóttur. Kórinn var stofnaður haustið 1997 af Margréti sem hefur stjórnað kórnum frá upphafi. Í kórnum eru um 70 konur á öllum aldri. Miðasala er við innganginn og er miðaverð kr. 1.500.Gospelsystur Reykjavíkur
Kvennakórinn Gospelsystur Reykjavíkur var stofnaður haustið 1997 af Margréti sem hefur stjórnað kórnum frá upphafi í kórnum eru um 70 konur á öllum aldri. Gospelsystur Reykjavíkur leggja áherslu á íslenska kvennakóratónlist, negrasálma, gospeltónlist, þjóðlög og kirkjutónlist. Á þeim árum sem liðin eru frá stofnun kórsins hefur hann komið fram við mörg tækifæri og sungið víða bæði innanlands og utan. Kórinn hefur haldið marga sjálfstæða tónleika og fjölmargir þjóðkunnir listamenn hafa komið fram með honum. Gospelsystur hafa farið í margar tónleikaferðir innanlands og utan m.a. til Þýskalands, Ítalíu og Ameríku. Í ágúst 2001 fóru Gospelsystur Reykjavíkur í pílagrímsferð til Ameríku nánar til tekið til New Orleans og New York. Í new Orleans sóttu þær námskeið í gospelsöng og hugmyndafræðinni í kringum þá tegund tónlistar. Gospelsystur hafa nokkrum sinnum sótt æfingabúðir til Ítalíu en upp úr stendur pílagrímsför þeirra til Rómar sumarið 2003 þar sem þær sungu við hámessu í Péturskirkjunni.
Gospelsystur Reykjavíkur halda upp á tíu ára afmæli sitt um þessar mundir og syngja afmælistónleika þriðjudaginn 30. október í Fríkirkjunni í Reykjavík kl. 20:30 undir stjórn Margrétar J. Pálmadóttur. Kórinn var stofnaður haustið 1997 af Margréti sem hefur stjórnað kórnum frá upphafi. Í kórnum eru um 70 konur á öllum aldri. Miðasala er við innganginn og er miðaverð kr. 1.500.Afmælistónleikar Gospelsystra "Hold me now" 30. október í Fríkirkjunni í Reykjavík
Gospelsystur Reykjavíkur halda upp á tíu ára afmæli sitt um þessar mundir og halda afmælistónleika þriðjudaginn 30. október næstkomandi í Fríkirkjunni í Reykjavík kl. 20:30 undir stjórn Margrétar J. Pálmadóttur. Hljóðfæraleikarar verða Agnar Már Magnússon (pianó), Marie Valgarðssson (þverflauta), Stefán S. Stefánsson (saxafónn og slagverk) og Gunnar Hrafnsson (bassi). Einsöngvarar verða Seth Sharp og Guðbjörg Elísa Hafsteinsdóttir. Miðaverð er kr. 1.500.- Hægt er að kaupa miða í Domus Vox Laugavegi 116, Reykjavík, sími: 511 3737. Einnig er hægt að kaupa miða hjá kórfélögum og við innganginn.

Framhaldsaðalfundur Gígjunnar var haldinn síðasta laugardag, 20. október, í Söngskólanum Domus Vox. Fundinn sóttu um 40 félagsmenn úr tólf af aðildarkórum Gígjunnar. Einnig voru á fundinum fulltrúar frá gestakórum, en kórum utan sambandsins var sérstaklega boðið að sitja fundinn. Á fundinum fóru fram hefðbundin aðalfundarstörf svo sem eins og skýrsla formanns, rekstrar- og efnahagsreikningur var lagður fram, gerðar voru breytingar á lögum Gígjunnar og tillaga stjórnar um styrki vegna ferða á stjórnarfundi var samþykkt. Fulltrúi frá Kvennakór Hafnafjarðar sagði frá síðasta landsmóti, fulltrúar frá Kvennakór Hornafjarðar ræddu um skipulag næsta landsmóts og stjórnarmaður Gígjunnar gaf upplýsingar um norrænt kvennakóramót sem haldið verður í Noregi á næsta ári. Stjórn Gígjunnar þakkar öllum fundarmönnum fyrir samveruna og góðan fund. Næsti aðalfundur Gígjunnar verður haldinn haustið 2008.

Kyrjurnar hafa í nógu að snúast þessa dagana. Þær voru að samþykkja ný lög fyrir kórinn og gera breytingar á stjórnarskipan. Þær taka þátt í skemmtidagskrá tengdri Vesturbæjarlaug 24. október. Síðasta vor gáfu þær út disk frá 10 ára afmælistónleikum sínum sem er til sölu hjá kórnum. Undirbúningur fyrir jólatónleikana þeirra er hafinn en þær munu syngja í Fella- og hólakirkju 8. desember. Kyrjurnar ætla að taka þátt í kvennakóramótinu á Höfn og byrja árið í æfingabúðum til þess að undirbúa ferðina til Hafnar.

Kyrjurnar hafa í nógu að snúast þessa dagana. Þær voru að samþykkja ný lög fyrir kórinn og gera breytingar á stjórnarskipan. Þær taka þátt í skemmtidagskrá tengdri Vesturbæjarlaug 24. október. Síðasta vor gáfu þær út disk frá 10 ára afmælistónleikum sínum sem er til sölu hjá kórnum. Undirbúningur fyrir jólatónleikana þeirra er hafinn en þær munu syngja í Fella- og hólakirkju 8. desember. Kyrjurnar ætla að taka þátt í kvennakóramótinu á Höfn og byrja árið í æfingabúðum til þess að undirbúa ferðina til Hafnar.Fréttatilkynning frá Kyrjunum
Kyrjurnar voru með aðalfund í vor og framhaldsaðalfund núna í haust. Það urðu nokkrar breytingar hjá okkur á stjórninni. Formaður er áfram Inga Jakobína Arnardóttir, nýr gjaldkeri er Dagbjört Sigurbergsdóttir og Valgerður Grímsdóttir er áfram ritari. Raddformenn eru 1. sópran Auður Bjarnadóttir, 2. sópran Auður Helga Kristinsdóttir, 1. alt Ingibjörg Halla Hjartardóttir og 2. alt Bertha Biering. Kyrjurnar samþykktu ný lög og meðal þeirra breytinga sem við gerðum er að við ætlum að hafa almennan félagsfund að vori. Þar ætlum við að fara yfir starfsárið og leggja línur fyrir næsta ár. Aðalfundinn ætlum við að færa til haustsins og hafa í byrjun hvers starfsárs. Haustið fór af stað með krafti. Strax í byrjun september vorum við beðnar að syngja á árlegum fræðslufundi Félags aðstandenda Alzheimersjúklinga (FAAS). Fundurinn var haldinn á Grand Hótel þann 22. september. Þar mætti vaskur hópur Kyrjanna og flutti um 30 dagskrá. Kyrjurnar eru byrjaðar að æfa jólalögin fyrir jólatónleikana sem verða haldnir þann 8 . desember kl. 17.00 í Fella- og Hólakirkju. Næsta miðvikudag, þann 24. október, á kvennafrídaginn munu Kyrjurnar syngja í sundlaug Vesturbæjar. Þar verður dagskrá á vegum Íþrótta og tómstundasviðs Reykjavíkurborgar (ÍTR) sem vill hvetja allar konur til að stunda meira sund. Þarna verður m.a. kynnt vatnsleikfimi. Af þessu tilefni verður Vesturbæjarlaugin bara opin fyrir konur þetta kvöld og er boðið upp á skemmtidagskrá kl. 19.00 – 22.00 af því tilefni. Farið verðu í æfingabúðir í febrúar. Við ætlum að mæta galvaskar á kóramótið á Höfn í apríl og svo verðum við með árlega vortónleika. Síðast en ekki síst tókum við upp vortónleikana okkar sem haldnir voru 17. maí 2007 og gáfum út veglegan geisladisk. Hann er til sölu hjá Kyrjunum og kostar kr. 1.200 kr. Hægt er að panta diskinn með því að senda póst á netfangið: valgrim(hjá)simnet.is
Kyrjurnar hafa í nógu að snúast þessa dagana. Þær voru að samþykkja ný lög fyrir kórinn og gera breytingar á stjórnarskipan. Þær taka þátt í skemmtidagskrá tengdri Vesturbæjarlaug 24. október. Síðasta vor gáfu þær út disk frá 10 ára afmælistónleikum sínum sem er til sölu hjá kórnum. Undirbúningur fyrir jólatónleikana þeirra er hafinn en þær munu syngja í Fella- og hólakirkju 8. desember. Kyrjurnar ætla að taka þátt í kvennakóramótinu á Höfn og byrja árið í æfingabúðum til þess að undirbúa ferðina til Hafnar.