Landssamband íslenskra Kvennakóra

3. september hefjast mánaðarnámskeið í söng og nótnalestri fyrir byrjendur. Á námskeiðinu verða kennd grunnatriði í raddbeitingu; öndun, líkamsbeiting, raddæfingar og almenn sönglög. Einnig verða kynnt grunnatriði í tónfræði, tónheyrn, nótnalestri og takti. Námskeiðið verður á mánudögum og fimmtudögum kl. 18 og kostar kr. 40.000. Skráning fer fram hjá Ingveldi Ýr á netfanginu ingveldur(hjá)gmail.com

Það er í nógu að snúast fyrir Kvennakór Suðurnesja á þessu starfsári. Þær munu taka þátt í Ljósanótt á Suðurnesjum, skella sér til Ítalíu til að taka þátt í kórakeppni, halda upp á 40 ára afmælið sitt og svo liggur leið þeirra til Hornafjarðar á landsmótið. Kvennakór Suðurnesja býður söngsystur alls staðar að af landinu velkomnar á Ljósanótt nú um helgina, það verður frábær dagskrá í boði. Við hvetjum gesti til að kíkja á kórkonur, bæði til að hlusta á söng og einnig að gera góð kaup á flóamarkaði og gæða sér í leiðinni á ljúffengum vöfflum og kakói.

Fréttatilkynning frá Kvennakór Suðurnesja
Helgina 30. ágúst til 2. september verður haldin Ljósanótt í Reykjanesbæ. Kvennakór Suðurnesja tekur þátt í hátíðinni í ár sem endranær. Kórinn mun syngja í Listasafninu í Duushúsum og í portinu við Svarta pakkhúsið á laugardag. Einnig verður kórinn með flóamarkað og seldar verða vöfflur og heitt kakó í tjaldi við Hafnargötuna frá kl. 13-18 á laugardag. Það verður mikið um að vera hjá Kvennakór Suðurnesja í vetur. Kórkonur eru á leið til Ítalíu í október þar sem þær munu taka þátt í alþjóðlegri kórakeppni á Riva Del Garda og er þátttakan í Ljósanótt liður í fjáröflun fyrir keppnina. Í febrúar 2008 fagnar kórinn síðan 40 ára afmæli, en kórinn er elsti starfandi kvennakór á landinu. Í tilefni afmælisins er ætlunin að halda veglega tónleika og verður sú dagskrá kynnt nánar þegar nær dregur. Í apríl mun kórinn síðan halda á Landsmót kvennakóra á Höfn í Hornafirði.

Kvennakór Suðurnesja býður söngsystur alls staðar að af landinu velkomnar á Ljósanótt, það verður frábær dagskrá í boði. Við hvetjum gesti til að kíkja á kórkonur, bæði til að hlusta á söng og einnig að gera góð kaup á flóamarkaði og gæða sér í leiðinni á ljúffengum vöfflum og kakói.

Dagskrá hátíðarinnar er að finna á vefsetrinu: http://ljosanott.is/

Stjórn Kvennakórs Garðabæjar er nú í óðaönn að skipuleggja áttunda starfsár kórsins sem hefst formlega 27. ágúst. Kórinn er á leið til Köben til þess að heiðra Kvennakór Kaupmannahafnar á 10 ára starfsafmæli þeirra. Kvennakór Garðabæjar býður konur velkomnar til sín ef þær hafa áhuga á að sameinast skemmtilegum kór. Kvennakór Garðabæjar heldur úti sínu eigin vefsetri en þar má nálgast fréttir af starfinu hverju sinni.Fréttabréf frá Kvennakór Garðabæjar
Stjórn Kvennakórs Garðabæjar er nú í óðaönn að skipuleggja áttunda starfsár sitt sem hefst formlega 27. ágúst með fyrstu æfingu vetrarins. Sem fyrr verður æft í Kirkjuhvoli á mánudagskvöldum frá 19.30-22.30 og annan hvern miðvikudag frá 17.30-19.00. Kvennakór Garðabæjar stefndi á ferð til Barcelona á komandi hausti og var ætlunin að taka þátt í alþjóðlegri kórahátíð þar í borg. Ekki reyndist unnt að fá flug sem hentuðu dagskrá kórahátíðinnar og ætla því kórkonur og makar þess í stað að bregða sér til Kaupmannahafnar í lok október og taka þátt í afmælisfagnaði Kvennakórs Kaupmannahafnar en sá kór var stofnaður fyrir 10 árum af Ingibjörgu Guðjónsdóttur kórstjóra Kvennakórs Garðabæjar. Kvennakór Kaupmannahafnar er kór íslenskra kvenna, búsettra í Kaupmannahöfn og hefur að jafnaði talið um 24 konur þau 10 ár sem hann hefur verið starfræktur. Æft er í Jónshúsi. Dagskrá ferðarinnar er enn í mótun en fyrirhuguð er m.a. heimsókn í sendiráð Íslands á Norðurbryggju, sameiginlegir tónleikar kóranna og þátttaka í kóranámskeiði í Kaupmannahöfn. Ferðinni lýkur svo með hátíðarkvöldverði kóranna í tilefni starfsafmælisins. Kvennakór Garðabæjar getur alltaf bætt við sig söngelskum og áhugasömum konum. Kórkonur eru nú 38 talsins en búseta í Garðabæ er alls ekki skilyrði fyrir inngöngu í kórinn. Áhugasamar hafi samband við Ingibjörgu kórstjóra í síma 864 2722. Endilega kíkið á heimasíðu Kvennakórs Garðabæjar, www.kvennakor.is og lesið nánar um þennan blómlega kór. Á síðunni má einnig finna krækju á heimasíðu Kvennakórs Kaupmannahafnar.

Gígjunni hefur borist bréf frá ferðaskrifstofunni MUSIK-LAND í Ungverjalandi. Ferðaskrifstofan er rekin af hjónunum Károly og Irénke Rozsavölgyi sem bæði eru tónlistarmenn. Aðalmarkmið ferðaskrifstofunnar eru að kynna fegurð Ungverjalands í gegnum tónlist, söng og dans með því að stofna til samstarfs við tónlistarmenn hvaðanæfa úr heiminum. Aðildarkórum Gígjunnar er boðið að taka þátt í viðburðum á þeirra vegum, áhugasömum um kórferðir til Ungverjalands er bent á vefsetrið; http://www.musik-land.hu Bréfið sem sent var fylgir þessari frétt.Bréf frá MUSIK-LAND í Ungverjalandi
Dear Sir or Madam, Dear Choir Members, Dear Singer Friends in Iceland, In the name of MUSIK-LAND Travel Agency we would like to invite Your Choir to Hungary in 2008. Get know, and discover hospitable Hungary trough singing together! We offer the follows for You: Appearance opportunities: - Concert with a hungarian choir together - Concert in a church in Budapest, Esztergom, or an other city - Musical contribution in a divine - International Choir Festival in Dorog 2008. - International Church Choir Festival in Tokod/Tát 2008. - Concert by oneself Tours and Sightseeings: - Budapest, Esztergom, Visegrád, Szentendre and other cities, Balaton lake Humour and lot of fun: - Cellar-party with music and wine tasteing - "Puszta" Programme (horse show, riding, carriage) - Middle ages medieval tournament, and "king's feast" - Summer sledge bob - etc. Guiding in English If You would like to read more information (for example complete reference list), and see some interesting and funny photos please feel free to visit our website: http://www.musik-land.hu The programme proposals on the website can be changed after your wishes and suggestions. Let us surprise You! If You wish we can send any informations about programs, accomodations, and prices. Best regards, Musik-Land Travel Agency Rózsavölgyi Károly, Manager Address: Musik-Land Travel Agency Madách Imre u. 20. H-2534 Tát Hungary Fax: 00 36 33 444 679 E-mail: office(hjá)musik-land.hu Website: http://www.musik-land.hu