Landssamband íslenskra Kvennakóra

Vortónleikar Kvennakórs Garðabæjar, sem haldnir voru í Kirkjuhvoli 6. og 7. maí, voru svo sannarlega með óhefðbundnu sniði. Efnisskrá tónleikanna var að þessu sinni í léttari kantinum en fyrir hlé söng kórinn erlend lög frá hinum ýmsu heimshornum auk kórlaga úr óperum og óperettum. Píanóleikari kvennakórsins Kristinn Örn Kristinsson studdi kórinn með sinni alkunnu snilld. Minni sönghópar kórkvenna sungu nokkur lög auk þess sem ein kórkona spilaði með Kristni Erni fjórhent á píanóið í einu verkanna. Í hléinu stóðu eiginmenn kórkvenna fyrir veitingasölu til styrktar kórstarfinu en margir gestanna þáðu að gæða sér á „kók og prins”. Eftir hlé bættust landsþekktir jassleikarar í hópinn en það voru bræður Ingibjargar Guðjónsdóttur kórstjóra, þeir Ómar gítarleikari og Óskar saxófónleikari auk Tómasar R. Einarssonar kontrabassaleikara og Matthíasar M.D. Hemstock slagverksleikara. Úr þessu varð hinn magnaðasti bræðingur þar sem íslensk sönglög voru sett í nýjan og skemmtilegan búning við mikinn fögnuð áheyrenda en sem fyrr á tónleikum kvennakórsins var salurinn þéttsetinn á báðum tónleikunum. Kvennakór Garðabæjar er langt því frá kominn í sumarfrí því nú er hópurinn á leið í upptökur fyrir væntanlegan geisladisk. Á glæsilegri heimasíðu kórsins, www.kvennakor.is má fræðast meira um þennan kraftmikla kór sem svo sannarlega hefur sett sinn svip á menningarlífið í Garðabæ undanfarin ár.

Kvennakórinn Vox feminae ætlar að bregða sér norður m.a. til þess að hitta söngsystur sínar í Kvennakór Akureyrar og syngja með þeim víðsvegar um bæinn. Kórarnir munu halda tónleika í Akureyrarkirkju, Sundlaug Akureyrar og svo munu þeir ganga um listagilið til þess að syngja fyrir gesti og gangandi og enda svo neðst í kirkjutröppunum. Vox feminae mun halda tónleika í Dalvíkurkirkju og taka þátt í tónlistarhátíð í Húsavíkurkirkju.Vox feminae syngur á tónlistarhátíð í Húsavíkurkirkju 3. júní
Á sjómannadaginn, sunnudaginn 3. júní kl. 17:00, syngur kvennakórin Vox feminae á tónlistarhátíð í Húsavíkurkirkju í tilefni 100 ára afmælis kirkjunnar. Stjórnandi tónleikanna er Margrét J. Pálmadóttir. Aðrir listamenn sem koma fram með kórnum eru Hjörleifur Valson fiðluleikari og Aðalheiður Þorsteinsdóttir píanóleikari. Aðgangur að tónleikunum er öllum ókeypis.
Kvennakórinn Vox feminae ætlar að bregða sér norður m.a. til þess að hitta söngsystur sínar í Kvennakór Akureyrar og syngja með þeim víðsvegar um bæinn. Kórarnir munu halda tónleika í Akureyrarkirkju, Sundlaug Akureyrar og svo munu þeir ganga um listagilið til þess að syngja fyrir gesti og gangandi og enda svo neðst í kirkjutröppunum. Vox feminae mun halda tónleika í Dalvíkurkirkju og taka þátt í tónlistarhátíð í Húsavíkurkirkju.Vox feminae með tónleika í Dalvíkurkirkju 2. júní
Frá Akureyri liggur leið Vox feminae til Dalvíkur, kórinn heldur tónleika í Dalvíkurkirkju kl. 17:00 þennan dag. Á efnisskránni eru trúarleg verk ásamt íslenskum og erlendum þjóð- og söngperlum. Miðaverð er kr. 1000.- miðar verða seldir við innganginn, frítt fyrir ellilífeyrisþega og börn á grunnskólaaldri.
Kvennakórinn Vox feminae ætlar að bregða sér norður m.a. til þess að hitta söngsystur sínar í Kvennakór Akureyrar og syngja með þeim víðsvegar um bæinn. Kórarnir munu halda tónleika í Akureyrarkirkju, Sundlaug Akureyrar og svo munu þeir ganga um listagilið til þess að syngja fyrir gesti og gangandi og enda svo neðst í kirkjutröppunum. Vox feminae mun halda tónleika í Dalvíkurkirkju og taka þátt í tónlistarhátíð í Húsavíkurkirkju.Kvennakór Akureyrar og Vox feminae syngja saman á Akureyri; í Akureyrarkirkju, sundlauginni, Ketilshúsinu og í göngugötunni
Laugardaginn 2. júní ættu tónlistarunnendur á Akureyri og nærsveitum að taka daginn snemma. Þann morgun munu raddir Kvennakórsins Vox feminae undir stjórn Margrétar J. Pálmadóttur og Kvennakórs Akureyrar undir stjórn Arnórs Brynjars Vilbergssonar hljóma víðsvegar um bæinn. Kvennakórinn Vox feminae kemur fljúgandi norður og hittir söngsystur sínar í Akureyrarkirkju kl. 11:15. Kirkjan verður öllum opin sem vilja hlýða á kórana sameina krafta sína og syngja saman nokkur þeirra verka sem eru á efnisskrá kóranna. Gestir í sundlaug Akureyrar mega eiga von á heimsókn því þangað heldur hópurinn úr kirkjunni og mun syngja á sundlaugarbakkanum. Um hádegisbilið munu kórarnir rölta syngjandi niður Listagilið gestum og gangandi til yndisauka og enda ef veður leyfir neðst í kirkjutröppunum þar sem kórkonur munu einnig taka lagið úti undir berum himni.

Konurnar í Kvennakór Kópavogs og Kvennakórnum Ym hreinlega neita að fara í sumarfrí strax, það er svo gaman að syngja. Þessir kórar ætla að slá upp sameiginlegum tónleikum á Akranesi, þar sem Kópavogskonur eru ferðaóðar eftir Búdapest ferð sína og Yms konur rétt nýkomnar úr Dölunum. Það er engin leið að hætta…Kvennakór Kópavogs
Kvennakór Kópavogs á 5 ára afmæli á þessu ári. Kórinn var stofnaður af Natalíu Chow Hewlett sem hefur verið stjórnandi kórsins frá upphafi og eru kórkonur í dag um 34 talsins. Undirleikari með kórnum er Julian Michael Hewlett. Kórinn tók þátt í alþjóðlegri kórakeppni í Búdapest í byrjun apríl og gekk mjög vel.
Konurnar í Kvennakór Kópavogs og Kvennakórnum Ym hreinlega neita að fara í sumarfrí strax, það er svo gaman að syngja. Þessir kórar ætla að slá upp sameiginlegum tónleikum á Akranesi, þar sem Kópavogskonur eru ferðaóðar eftir Búdapest ferð sína og Yms konur rétt nýkomnar úr Dölunum. Það er engin leið að hætta…Kvennakórinn Ymur
Ymur hefur verið starfræktur á Akranesi síðan 1995 og eru núverandi kórkonur 21 talsins. Stjórnandi kórsins er Sigríður Elliðadóttir og undirleikari Friðrik Vignir Stefánsson. Kristín Sigurjónsdóttir mun leika á fiðlu. Á dögunum brá Ymur sér vestur í Dali þar sem sungið var fyrir Dalamenn við góðar undirtektir.
Konurnar í Kvennakór Kópavogs og Kvennakórnum Ym hreinlega neita að fara í sumarfrí strax, það er svo gaman að syngja. Þessir kórar ætla að slá upp sameiginlegum tónleikum á Akranesi, þar sem Kópavogskonur eru ferðaóðar eftir Búdapest ferð sína og Yms konur rétt nýkomnar úr Dölunum. Það er engin leið að hætta…
Kvennakórinn Ymur og Kvennakór Kópavogs slá saman og halda kaffihúsatónleika í sal tónlistarskóla Akraness að Þjóðbraut 13, fimmtudagskvöldið 31. maí næstkomandi. Á efnisskránni verða lög úr ýmsum áttum en áhersla verður lögð á að tónleikagestir eigi notalega kvöldstund. Tónleikarnir hefjast klukkan 20.30 og er aðgangseyrir 1500 kr. Innifalið í aðgangseyri er ilmandi kaffi og heimabakað bakkelsi sem Yms konur munu galdra fram. Frábært tækifæri til að drífa sig upp á Skaga enda í alfararleið, þangað er aðeins u.þ.b. 35 mín keyrsla úr höfuðborginni. Nú er bara að bregða undir sig betri fætinum og eiga notalega kvöldstund með kvennakórskonum. Þar sem konur koma saman – þar er gaman! Taktu kvöldið frá! Kórkonur í Ym og Kvennakór Kópavogs

Kvennakórinn Ljósbrá mun vegna fjölda áskoranna vera með aukatónleika í félagsheimilinu Stað á Eyrarbakka föstudagskvöldið 18. maí kl. 20.00. Tónleikarnir verða mjög fjölbreyttir með bæði íslenskum og erlendum lögum og mun rómantík og ást vera aðalefni tónleikanna. Tónleikarnir eru liður í hátíðinni "Vorskipið kemur" sem stendur yfir á Stokkseyri og Eyrarbakka helgina 18.-20. maí.Vorskipið kemur á Eyrarbakka og Stokkseyri
Það verður mikið um að vera á Eyrarbakka og Stokkseyri helgina 18. - 20. maí þegar Vorskipið kemur! Jassband Suðurlands ásamt kvennakórnum Ljósbrá hefur leikinn á laugardagskvöldinu með fítonskrafti og síðan rekur hver viðburðurinn annan alla helgina. Á laugardeginum verða félagar úr Leikfélagi Selfoss á ferðinni í báðum þorpunum í hlutverkum bændafólks sem komið er í kaupstað. Gestir og gangandi mega búast við að þurfa svara ýmsum spurningum á dönsku, vísa til vegar eða þiggja í nefið, auk þess sem Kvenfélagið mun skarta sínu fegursta í íslenskum búningum frá fyrri tíð. Ljósmyndasýning frá Konungskomunni 1907 opnar í Húsinu á Eyrarbakka, en þar verða einnig tónlistaratriði bæði laugardag og sunnudag. Í Óðinshúsi eru stækkaðar ljósmyndir af fólki frá því um aldamót, þar sem gestir geta stungið höfði í gat og látið taka af sér ekta 19. aldar ljósmynd. Í Hólmarastarhúsinu á Stokkseyri opnar Elvar Guðni myndlistarsýningu sína, auk þess sem fjöldi handverks- og listafólks verður þar að störfum. Flóamarkaður opnar í Ísfold, frystihúsinu á Eyrarbakka, indversk krydd og fleiri exótískar vörur verða í Laujabúð á Eyrarbakka. Rauða húsið á Eyrarbakka verða með jassband á laugardagskvöldinu auk þess sem þeir bjóða upp á hina hrikalegu Drottningarhatta, rjómatertur af því tagi sem hafa ekki sést á Íslandi síðan um aldamótin 1900. ____________ þessi texti er fenginn að láni frá: http://www.arborg.is/
Kvennakórinn Ljósbrá mun vegna fjölda áskoranna vera með aukatónleika í félagsheimilinu Stað á Eyrarbakka föstudagskvöldið 18. maí kl. 20.00. Tónleikarnir verða mjög fjölbreyttir með bæði íslenskum og erlendum lögum og mun rómantík og ást vera aðalefni tónleikanna. Tónleikarnir eru liður í hátíðinni "Vorskipið kemur" sem stendur yfir á Stokkseyri og Eyrarbakka helgina 18.-20. maí.Fréttatilkynning frá Kvennakórnum Ljósbrá
Djassband Suðurlands heldur tónleika ásamt Kvennakórnum Ljósbrá úr Rangárvallasýslu, í Félagsheimilinu Stað á Eyrabakka, föstudaginn 18. maí og hefjast þeir kl. 20.00. Djassband Suðurlands manna þeir Stefán Þorleifsson, píanó, Stefán Ingimar Þórhallsson, slagverk, Trausti Örn Einarsson, gítar og Róbert Dan Bergmundsson, bassa, ásamt söngvörum hljómsveitarinnar. Í Kvennakórnum Ljósbrá eru um 40 konur sem koma bæði úr Rangárvalla- og Árnessýslu. Stjórnandi kórsins er Eyrún Jónasdóttir og hefur hún stjórnað kórnum undanfarin fjögur ár. Efnisskrá tónleikanna er fjölbreytt og má segja að rómantíkin svífi yfir vötnum. Er þar að finna m.a. lög úr þekktum kvikmyndum í bland við sígild dægurlög. Einsöngvarar með kórnum eru Gísli Stefánsson bariton og tveir meðlimir kórsins þær Margrét Harpa Guðsteinsdóttir og Guðríður Júlíusdóttir. Þess má geta að Kvennakórinn Ljósbrá fékk menningarverðlaun Töðugjalda og Sunnlenska Fréttablaðsins síðasta sumar.