Landssamband íslenskra Kvennakóra

Vortónleikar Kvennakórs Hornafjarðar verða haldnir í Hafnarkirkju 20. maí kl. 20.00. Stjórnandi kórsins er Svavar Sigurðsson og undirleikari er Jónína Einarsdóttir. Lagavalið er mjög fjölbreytt, sungið verður m.a. á íslensku, ensku, spænsku, búlgörsku og sænsku. Kvennakór Hornafjarðar hefur haft nóg að gera að undanförnu við að undirbúa Þýskalandsferð. Kórinn dvaldi í söngbúðum á Hala í Suðursveit, þar sem æft var að kappi. Haldnir verða tónleikar í Háteigskirku kl. 20.00 11. júní og flogið út til Þýskalands 12. júní. Kórinn munu dvelja í bænum Soltau í Þýskalandi og keyra út frá honum til allra átta, tónleikar verða haldnir í Hamborg og í fleiri bæjum í grend við Soltau. Nú er vinnan fyrir landsmótið sem haldið verður á Hornafirði síðustu helgi í apríl 2008 komin á fullt skrið svo í nógu er að snúast hjá Kvennakór Hornafjarðar. Send verða bréf um mótið til allra í byrjun næsta starfsárs.

Kvennakór Kópavogs er nýkominn heim frá Búdapest þar sem hann tók þátt í kórakeppninni Musica Mundi. Kórinn bloggaði á meðan á þessari ferð stóð en það er skemmst frá því að segja að kórinn kom heim með silfur diplómu og frábæra reynslu. Hér er öll ferðasagan.Fréttatilkynning frá Kvennakór Kópavogs
Þegar Kvennakór Kópavogs var stofnaður fyrir fimm árum, af Natalíu Chow Hewlett sem stjórnar kórnum enn í dag, var markmið sett um að fara í kórakeppnina Musica Mundi í Budapest vorið 2007. Keppnin var haldin í apríl síðastliðin, Kvennakór Kópavogs tók þátt eins og stefnt hefur verið að leynt og ljóst. Kórinn æfði stíft fyrir keppnina enda ekki annað við hæfi en að vera landi, þjóð og bæjarfélagi til sóma á erlendri grund. Af 35 meðlimum kórsins komust 32 með til Búdapest og er það frábær þátttaka. Keppnin fór fram í nýju tónlistarhöllinni Palace of Arts, ekki væri nú verra að eiga eina slíka í Kópavoginum. Alls kepptu 47 kórar frá 20 löndum í Musica Mundi í þetta sinn og voru margir þeirra stórkostlegir. Kórunum var skipt upp í marga mismunandi flokka, eftir getu og tegund kórs og síðan gaf dómnefnd stig eftir frammistöðu. Stigagjöf frá dómurum var frá 1 stigi upp í 30. Þess má geta að sigurvegarar keppninnar, ungverskur barnakór, fengu 27 stig. Keppnin reyndi vel á taugar, en íslenskar konur eru valkyrjur og það þarf nú meira en alþjóðlega kórakeppni til að koma þeim úr jafnvægi. Því þótti kórkonum sérkennilegt að sjá keppinautana koma hágrátandi af sviði. Kórkonur tóku þetta með trompi og létu stressið ekki ná taki á sér. Það er engu líkt að fá að þenja barkann á slíkum stað sem Palace of Arts er í Búdapest og því um að gera að njóta stundarinnar enda upplifun sem gleymist seint. Í Búdapest söng kórinn á kínversku, ungversku, ensku og auðvitað íslensku og var vel tekið af þeim sem á hlustuðu. Kvennakór Kópavogs fékk 14 stig sem gaf kórnum “Silfur Diplóm”. Þetta þykir mjög góður árangur hjá kór sem aðeins er fimm ára gamall og er að taka þátt í kórakeppni í fyrsta sinn. Kórkonur eru því ákaflega stoltar af afrekinu. Að keppni lokinni hitti kórinn ræðismann Íslands í Ungverjalandi, Ferenc Utassy, sem var virkilega ánægður fyrir okkar hönd og tjáði okkur að við værum fyrsti íslenski kórinn til að taka þátt í þessari keppni í Búdapest. Konur eru til margs megnugar og það sannaðist í þessari ferð. Allur hópurinn var til sóma í alla staði og félagsskapurinn frábær. Við erum flestar vel sigldar, eins og þeir sögðu í denn, en þetta var einstök ferð og hlökkum við mikið til næstu ferðar, hvert sem haldið verður. Kórkonur vilja koma á framfæri innilegu þakklæti til Avon fyrir rausnarlegan stuðning til ferðarinnar. Nánari upplýsingar um Kvennakór Kópavogs er að finna á bloggsíðu kórsins, www.kvennakorkopavogs.bloggar.is Þær sem hafa áhuga á að bætast í þennan frábæra hóp kórkvenna geta sett sig í samband við Dröfn í síma 554 5186 og 862 2022 eða með tölvupóst á netfangið kvennakor(hjá)visir.is

Senn líður að árlegum vortónleikum Jórukórsins á Selfossi. Fyrri tónleikar kórsins eru 3. maí í Hólmaröst á Stokkseyri kl. 20.30 en þar mun ríkja kaffihúsastemning. Seinni tónleikarnir eru þann 6. maí kl 17.00 í Selfosskirkju. Að venju er efnisskráin mjög fjölbreytt, íslenskar söngperlur, kirkjuleg tónlist, vinsæl dægurlög og gospellög sem Óskar Einarsson æfði með kórnum þegar hann kom í heimsókn í æfingabúðir kórsins í mars. Stjórnandi kórsins er Hlín Pétursdóttir sópransöngkona og píanóleikari er Þórlaug Bjarnadóttir. Aðgangseyrir er kr. 1.500 og frítt er fyrir 12 ára og yngri. Jórukórinn stefnir á utanlandsferð í byrjun júní til fundar við Íslenska kvennakórinn í Kaupmannahöfn. Kórarnir munu halda sameiginlega tónleika í Kaupmannahöfn þann 10. júní og síðan heldur Jórukórinn einnig tónleika í Lundi í Svíþjóð 12. júní.

Það er í ýmsu að snúast hjá Kyrjunum þessa dagana. Þær undirbúa nú vortónleika sem tileinkaðir eru ást og rómantík. Kórinn fór í æfingarbúðir á Hótel Örk, skellti sér í Kolaportið til þess að selja dót og safna peningum með söng og sölu og svo hefur kórinn eignast sitt eigin lógó.Vortónleikar í Seltjarnarneskirkju 17. maí
Núna erum við á síðustu metrunum að undirbúa vortónleikana okkar sem verða haldnir 17. maí í Seltjarnarneskirkju kl. 17. Dagskráin verður sérlega skemmtileg, lög sem tengjast ást og rómantík, íslensk og erlend. Þetta er tónlist sem flestir þekkja og við getum lofað frábærum tónleikum.
Það er í ýmsu að snúast hjá Kyrjunum þessa dagana. Þær undirbúa nú vortónleika sem tileinkaðir eru ást og rómantík. Kórinn fór í æfingarbúðir á Hótel Örk, skellti sér í Kolaportið til þess að selja dót og safna peningum með söng og sölu og svo hefur kórinn eignast sitt eigin lógó.Kyrjurnar sungu og seldu ýmsan varning í Kolaportinu
Vegna afmælisins þá var ákveðið að fara í meiri fjáröflun en venjulega. Afmælishátíð skyldi haldin og við stefnum á að hafa tónleikana í vor stærri og veglegri en áður. Í mars vorum við með fjáröflunarhelgi og leigðum bása í Kolaportinu. Við tókum til í geymslunum og losuðum okkur við hluti sem við vorum hættar að nota og komum þeim í verð. Við vorum tvo daga og sungum af og til yfir daginn fyrir gesti og gangandi. Þetta var mjög skemmtileg og árangusrík fjáröflunarleið.
Það er í ýmsu að snúast hjá Kyrjunum þessa dagana. Þær undirbúa nú vortónleika sem tileinkaðir eru ást og rómantík. Kórinn fór í æfingarbúðir á Hótel Örk, skellti sér í Kolaportið til þess að selja dót og safna peningum með söng og sölu og svo hefur kórinn eignast sitt eigin lógó.Æfingabúðir á Hótel Örk
Í febrúar fórum við í æfingabúðir á Hótel Örk. Það var fínt, æfingaaðstaðan var mjög góð, góður aðbúnaður, sundlaugin fín og stutt að fara. Eins og alltaf þegar Kyrjurnar koma saman þá er gaman, mikið hlegið og sungið. Við höfum oft verið duglegar á þessum æfingarhelgum en það gekk sérstaklega vel núna.
Það er í ýmsu að snúast hjá Kyrjunum þessa dagana. Þær undirbúa nú vortónleika sem tileinkaðir eru ást og rómantík. Kórinn fór í æfingarbúðir á Hótel Örk, skellti sér í Kolaportið til þess að selja dót og safna peningum með söng og sölu og svo hefur kórinn eignast sitt eigin lógó.Hér koma nokkrir fréttapunktar frá Kyrjunum
Kyrjurnar eru á tíunda starfsári og á síðasta aðalfundi settum við okkur það markmið að verða sýnilegri. Starfsárið hefur verið fjölbreyttar og annasamara en oft áður og við höfum haft virkilega gaman af því. Fyrir áramótin þá sungum við tvenna tónleika með Kyrjukórnum í Þorlákshöfn, aðra í Reykjavík og hina í Þorlákshöfn. Það var skemmtileg og góð reynsla. Í upphafi hausts ákváðum við að sleppa jólatónleikum en þegar leið nær jólum þá skiptum við um skoðun og héldum jólatónleika fyrir vini og vandamenn. Söngskóli Sigurðar Demenz áður Söngskólinn Hjartans mál var að flytja í nýtt húsnæði á Grandavegi, við héldum fyrstu tónleika sem haldnir voru í þeirra húsakynnum. Til að komast í ennþá meira jólastuð þá röltum við um Laugaveginn og Skólavörðustíginn og sungum jólalög fyrir vegfarendur tvo laugardaga á aðventunni. Haustönnin varð því nokkuð annasöm og við mjög sáttar við okkar framlag.
Það er í ýmsu að snúast hjá Kyrjunum þessa dagana. Þær undirbúa nú vortónleika sem tileinkaðir eru ást og rómantík. Kórinn fór í æfingarbúðir á Hótel Örk, skellti sér í Kolaportið til þess að selja dót og safna peningum með söng og sölu og svo hefur kórinn eignast sitt eigin lógó.Kórinn hefur fengið nýtt lógó
Í tilefni afmælisins létum við útbúa logó fyrir Kyrjurnar, það var Hvíta Húsið sem sá um hönnunina. Við erum mjög ánægðar með niðurstöðuna. Við héldum mikla afmælisveislu 21. apríl í Rafveituheimilinu. Það var hátíðleg stund þegar við drógum fána að húni með merki Kyrjanna fyrir utan Rafveituheimilið og tókum á móti veislugestum. Mætingin var mjög góð og að sjálfsögðu buðum við mökum okkar í veisluna. Kvöldið var alveg frábært mikið sungið og dansað.