Landssamband íslenskra Kvennakóra

Kvennakórinn Vox Feminae heldur tónleika í Landnámssetri 23. febrúar kl. 20:45. Tónleikarnir bera yfirskriftina ÁSTARSAGNAELDUR og tengist efniskráin öll landinu, náttúru þess og sögum. Stjórnandi kórsins er Margrét J. Pálmadóttir. Tónleikarnir verða haldnir í Skálanum en þar er afburða hljómburður. Hægt er að panta miða á tónleikana í síma 437 1600 og er miðaverð kr. 1200.-Fréttatilkynning frá Vox feminae um tónleika í Landnámssetrinu í Borgarfirði
Vox feminae mun syngja undir klettinum forna sem Skálinn í Landnámssetri hvílir á. Kletturinn reyndist við aldursgreiningu vera elsta berg á vesturlandi eða 14.6 milljón ára gamall og er hljómburður í nánd hans með afbrigðum góður. Á efniskrá tónleikanna eru eingöngu íslensk lög, þjóðlög sagnakvæði og ástarljóð. Vox feminae syngur meðal annars Íslendingaljóð, Hrafninn flýgur, Friðrik kóngur, Sofðu unga ástin mín, Móðir mín í kví kví og önnur ástarsagnaljóð. Kvennakórinn VOX FEMINAE var stofnaður í Reykjavík haustið 1993 af Margréti J. Pálmadóttur. Á þeim árum sem liðin eru frá stofnun kórsins hefur hann komið fram við óteljandi tækifæri innanlands og utan, m. a. í Péturskirkjunni í Róm. Fjölmargir listamenn hafa starfað eða komið fram með kórnum og hefur kórinn einnig sungið með Sinfóníuhljómsveit Íslands. Árið 2000 vann Vox feminae til silfurverðlauna í VIII. alþjóðlegu kórakeppninni í kirkjulegri tónlist sem haldin er í Vatikaninu í nafni tónskáldsins Palestrina. Stjórnandinn Margrét J. Pálmadóttir er söngfólki í Borgarbyggð að góðu kunn því Kvennakórinn Gospelsystur Reykjavíkur hefur sungið undir hennar stjórn með Freyjukórnum í Borgarfirði og Vox feminae hefur haldið tónleika með Söngbræðrum í Reykholti. Að loknum tónleikunum liggur leið Vox feminae í æfingabúðir í Munaðarnesi. Gaman væri að sjá sem flestar söngkonur úr Freyjukórnum í Borgarnesi og Söngbræður meðal áheyrenda. Verið hjartanlega velkomin á tónleika Vox feminae í Landnámssetrinu.

Kvennakór Garðabæjar fór í sínar árlegu æfingabúðir helgina 10.–11. febrúar. Líkt og undanfarin tvö ár var farið í Skálholt í Biskupstungum. Veðrið var dásamlegt, logn og glampandi sólskin, svo kórkonur fengu að njóta fegurðar þessa sögufræga staðar til fullnustu.Kvennakór Garðabæjar heldur kökubasar á Garðatorgi 10. mars
Sem fyrr er allt á fullu hjá Kvennakór Garðabæjar og ýmis verkefni framundan. Við hvetjum áhugasama til að fylgjast með starfinu á glæsilegri heimasíðu kórsins, www.kvennakor.is og minnum á næsta kökubasar sem verður haldinn á Garðatorgi 10. mars 2007.
Kvennakór Garðabæjar fór í sínar árlegu æfingabúðir helgina 10.–11. febrúar. Líkt og undanfarin tvö ár var farið í Skálholt í Biskupstungum. Veðrið var dásamlegt, logn og glampandi sólskin, svo kórkonur fengu að njóta fegurðar þessa sögufræga staðar til fullnustu.Fréttatilkynning frá Kvennakór Garðabæjar
Fyrir þá sem ekki þekkja til, þá snúast æfingabúðir sem þessar aðallega um tvennt. Annars vegar að auka færni kórsins í söngverkum annarinnar og hins vegar að efla félagsandann enn frekar. Það er óhætt að segja að þessi markmið hafi náðst í ferðinni. Ingibjörg Guðjónsdóttir kórstjóri stjórnaði söngæfingum af sinni alkunnu fagmennsku en þess á milli var frjáls stund þar sem kórkonur fóru í gönguferðir í góða veðrinu. Bústýruhópur Kvennakórs Garðabæjar hafði af mikilli röggsemi útbúið áætlun þar sem kórkonum var skipt í hópa sem hver hafði sitt hlutverk að útbúa og bera á borð hressingu í matar- og kaffitímum. Þeir sem þekkja til kökubasara kórsins vita að kórinn skipa engir aukvisar þegar kemur að matargerð enda var boðið upp á hverja „fermingarveisluna“ á eftir annarri alla helgina. Á laugardagskvöldinu var haldin kvöldvaka sem að þessu sinnu hafði bleikt þema. Langborð voru dúkuð upp með kertum og servíettum í bleikum lit að sjálfsögðu. Kórkonur birtust svo í salnum ein af annarri í bleikum dressum, með bleikt skart, bleikan augnfarða og varalit og sumar gengu svo langt að mæta með bleikar hárkollur! Mikið var spjallað og hlegið og raddböndin þanin í fjöldasöng. Fjöldi kórkvenna hafði undirbúið skemmtiatriði og er óhætt að segja að þeim hafi verið vel tekið, enda mikið lagt í atriðin og hæfileikakonur á ferðinni.
Kvennakór Garðabæjar fór í sínar árlegu æfingabúðir helgina 10.–11. febrúar. Líkt og undanfarin tvö ár var farið í Skálholt í Biskupstungum. Veðrið var dásamlegt, logn og glampandi sólskin, svo kórkonur fengu að njóta fegurðar þessa sögufræga staðar til fullnustu.Hilmar Örn Agnarsson organisti vann með kórnum
Eftir morgunmat og góða söngæfingu á sunnudeginum var haldið í Skálholtskirkju þar sem organisti kirkjunnar, Hilmar Örn Agnarsson, tók á móti hópnum. Kórinn fékk að æfa í kirkjunni og spilaði Hilmar Örn undir á orgelið í sumum laganna. Einnig veitti hann kórnum faglegar ráðleggingar, enda maður á ferð með mikla reynslu á þessu sviði. Kvennakór Garðabæjar færir Hilmar Erni sínar bestu þakkir fyrir þessa frábæru stund sem svo sannarlega setti punktinn yfir i-ið í einstaklega vel heppnaðri ferð kórsins austur fyrir fjall.

Vox feminae hóf vorönnina með samstarfi við Báru Grímsdóttur söngkonu og tónskáld. Bára hefur nýverið samið kórverk sérstaklega fyrir Margréti J. Pálmadóttur og Kvennakórinn Vox feminae. Verkið heitir The Angel og er við samnefnt ljóð eftir William Blake. Það eru forréttindi fyrir kór að fá að vinna tónverk með tónskáldinu sjálfu. Bára hefur verið með á æfingum til þess að kenna kórnum verkið en það hefur verið einstök upplifun fyrir Vox feminae að læra túlkun þess og áherslur í gegnum útskýringar tónskáldsins sjálfs. Vox feminae hefur áður flutt verk eftir Báru Grímsdóttur bæði hérlendis og erlendis. The Angel verður frumflutt á tónleikum hjá Vox feminae á vordögum.

Vox feminae hóf vorönnina með samstarfi við Báru Grímsdóttur söngkonu og tónskáld. Bára hefur nýverið samið kórverk sérstaklega fyrir Margréti J. Pálmadóttur og Kvennakórinn Vox feminae. Verkið heitir The Angel og er við samnefnt ljóð eftir William Blake. Það eru forréttindi fyrir kór að fá að vinna tónverk með tónskáldinu sjálfu. Bára hefur verið með á æfingum til þess að kenna kórnum verkið en það hefur verið einstök upplifun fyrir Vox feminae að læra túlkun þess og áherslur í gegnum útskýringar tónskáldsins sjálfs. Vox feminae hefur áður flutt verk eftir Báru Grímsdóttur bæði hérlendis og erlendis. The Angel verður frumflutt á tónleikum hjá Vox feminae á vordögum.

Gígjan stendur fyrir fræðslufundi um geisladiskaupptökur laugardaginn 10. mars. Fyrirlesarar á fundinum verða þau Margrét Bóasdóttir og Sigurður Rúnar Jónsson (Diddi fiðla). Fundarstaðurinn er Söngskólinn Domus Vox sem staðsettur er á 2. hæð á Laugarvegi 116 (ská á móti Hlemmi) og hefst fundurinn stundvíslega kl. 13:00.Geisladiskaupptökur
Plötuupptökur eru bæði nauðsynlegur og nú orðið, algengur hluti kórstarfs og það þarf að hugsa fyrir mörgu fyrir nú utan að æfa allt heila prógrammið. Tíminn er dýrmætur; bæði tími kórfélaga, stjórnanda og svo stúdíótímarnir. Þau eru mörg atriði, bæði stór og smá; smávægileg og mikilvæg, sem geta lagt sitt til að liðsandinn sé góður og hljómurinn glampandi. Hvernig er hægt að undirbúa kórinn og vinnuna svo allt gangi sem best? Margrét og Diddi mun nefna nokkur atriði af eigin reynslu og við í stjórn Gígjunar vonumst einnig til þess að umræður og fyrirspurnir viðstaddra muni skila ómetanlegum upplýsingum til þeirra sem eru að stíga sín fyrstu skref í þessum málum og einnig til þeirra sem eru að fara ráðast í töku númer 2! Aðildarkórar eru hvattir til þess að senda stjórnir, raddformenn, formenn og stjórnendur sína á fræðslufundinn en hverjum kór er heimilt að senda eins marga fulltrúa og honum lystir. Aðgangurinn að fundinum er ókeypis. Fundarstaðurinn er Söngskólinn Domus Vox sem staðsettur er á 2. hæð á Laugarvegi 116 (ská á móti Hlemmi) og hefst fundurinn stundvíslega kl. 13:00.