Landssamband íslenskra Kvennakóra

Jórukórinn á Selfossi hélt í sína fyrstu utanlandsferð í lok júní. Stefnan var tekin á Salzburg, en kórinn hafði öðlast þátttökurétt í 6. alþjóðlegu Cantus MM tónlistarhátíðinni, sem haldin var 1. - 4. júlí. Þáttakendur voru víðsvegar úr heiminum, frá Nýja Sjálandi, Bandaríkjunum, Armeníu og Austurríki, bæði hljómsveitir og kórar.

Jórukórinn á 6. International Cantus MM tónlistarhátíðinni
Jórukórinn á Selfossi hélt í sína fyrstu utanlandsferð í lok júní 2004. Stefnan var tekin á Salzburg, en kórinn hafði öðlast þátttökurétt í 6. alþjóðlegu Cantus MM tónlistarhátíðinni, sem haldin var 1. - 4. júlí 2004. Þáttakendur voru víðsvegar úr heiminum, frá Nýja Sjálandi, Bandaríkjunum, Armeníu og Austurríki, bæði hljómsveitir og kórar. Flogið var til Munchen gist þar eina nótt og borgin skoðuð. Þaðan var haldið til Salzburg til dvalar næstu fjóra daga. Cantus MM hátíðin var sett í dómkirkjunni 1. júlí og komu nokkrir þátttakenda þar fram, þar á meðal Jórukórinn. Eftir skoðunarferð næsta dag var sungið í Mirabell garðinum í Salzburg og um kvöldið var þáttakendum boðið á skemmtun að hætti Austurríkismanna. Hátíðartónleikarnir voru síðan laugardaginn 3. júlí. Söng Jórukórsins var vel fagnað og sérstaka athygli vakti lag Kristjáns Kristjánssonar "When I think of Angels" í útsetningu stjórnandans Helenu R. Káradóttir. Undirleikarar með kórnum voru Þórlaug Bjarnadóttir á píanó og Jóhann Stefánsson á trompet. Þátttöku í tónlistarhátíðinni lauk síðan á sunnudagsmorgninum, með söng kórsins við messu í Pfarrkirche Freilassig, skammt frá Salzburg og var það einkar hátíðleg stund.
Í Salzburg kom Pavel Smit tónlistarmaður til móts við kórinn og tók við fararstjórn og lá leiðin nú til Tékklands, þar sem Cesky Budejovice var sótt heim og daginn eftir var haldið til Cesky Kromlov, þetta er mjög fallegur og sérstakur bær sem er á heimsminjaskrá Sameinuðu þjóðanna. Eftir skoðunarferð þar söng kórinn á aðaltorginu.
Þetta fyrsta söngferðalag Jórukórsins var einstaklega vel heppnað í alla staði, ferðin var skipulögð af Úrval Útsýn og ferðanefnd kórsins, sem hefur unnið þrekvirki við undirbúninginn undanfarin 2 ár. Mörg fyrirtæki og stofnanir styrktu kórinn til fararinnar og kann kórinn þeim bestu þakkir fyrir stuðninginn.
Með bestu kveðju, Jórukórinn Selfossi Netfang: oskarmarels@simnet.is

Jólatónleikar Kvennakórs Garðabæjar verða með stærra sniði í ár í tilefni af 5 ára afmæli kórsins fyrr í vetur. Sinfóníuhljómsveit áhugamanna bauð Kvennakór Garðabæjar og Ingibjörgu Guðjónsdóttur, sópransöngkonu að vera gestir þeirra á árlegum desembertónleikum hljómsveitarinnar. Tónleikarnir verða haldnir síðustu helgina í aðventu. Þeir fyrri, laugardaginn 17. desember kl. 17:00 í Seltjarnarneskirkju en þeir seinni sunnudaginn 18. desember kl. 17:00 í Víðistaðakirkju, Hafnarfirði.Jólatónleikar Kvennakórs Garðabæjar
Jólatónleikar Kvennakórs Garðabæjar verða með stærra sniði í ár í tilefni af 5 ára afmæli kórsins fyrr í vetur. Sinfóníuhljómsveit áhugamanna bauð Kvennakór Garðabæjar og Ingibjörgu Guðjónsdóttur, sópransöngkonu að vera gestir þeirra á árlegum desembertónleikum hljómsveitarinnar. Á efnisskrá tónleikanna verða flutt hátíðleg kór- og hljómsveitarverk auk þekktra jólalaga. Einsöngvari er Ingibjörg Guðjónsdóttir en hljómsveitarstjóri er Oliver Kentish. Tónleikarnir verða haldnir síðustu helgina í aðventu. Þeir fyrri, laugardaginn 17. desember kl. 17:00 í Seltjarnarneskirkju en þeir seinni sunnudaginn 18. desember kl. 17:00 í Víðistaðakirkju, Hafnarfirði. Þetta er einstakt tækifæri sem Garðbæingar og aðrir velunnarar góðrar tónlistar mega ekki láta fram hjá sér fara. Miðaverð er 1.800 kr en 1.500 kr. í forsölu og 1.300 kr. fyrir lífeyrisþega. Forsala aðgöngumiða verður í Bókabúðinni Grímu, Garðatorgi frá 5. desember og hjá kórkonum. Með bestu kveðju, Kvennakór Garðabæjar vefsetur: http://www.kvennakor.is/

Þann 14. og 15. desember munu Gospelsystur Reykjavíkur, Stúlknakór Reykjavíkur og Vox feminae halda aðventutónleika í Hallgrímskirkju undir stjórn Margrétar J. Pálmadóttur. Á efnisskrá eru m.a. verk eftir Bach, Schubert, Willcocks, Perti, Köhler, Vivaldi, Palestrina, Rutter, og Fauré. Miðar eru til sölu í Sönghúsinu Domus Vox, Skúlagötu 30, sími 511 3737 milli kl. 16 og 18 alla virka daga.200 söngkonur Domus Vox
Þann 14. og 15. desember n.k. munu Gospelsystur Reykjavíkur, Stúlknakór Reykjavíkur og Vox feminae halda aðventutónleika í Hallgrímskirkju undir stjórn Margrétar J. Pálmadóttur. Margrét hefur unnið mikið hvatningarstarf í þágu sönglistar á Íslandi og stofnað og stjórnað fjölda kóra. Árið 2000 stofnaði hún sönghúsið Domus Vox í Reykjavík, þar sem hún sameinar undir einu þaki söngskóla og kórastarfsemi. Stórtónleikar á aðventu eru orðin hefð í starfi Margrétar og hér sameinast um 200 söngkonur á öllum aldri ásamt hljóðfæraleikurum. Hljóðfæraleikararnir eru Ástríður Haraldsdóttur sem leikur á orgel, Eiríkur Örn Pálsson leikur á trompet, Hjörleifur Valsson leikur á fiðlu og Kristján Þ. Stephensen á óbó. Á efnisskrá eru m.a. verk eftir Bach, Schubert, Willcocks, Perti, Köhler, Vivaldi, Palestrina, Rutter, og Fauré. Miðar eru til sölu í Sönghúsinu Domus Vox, Skúlagötu 30, sími 511 3737 milli kl. 16:00 og 18:00 alla virka daga og hjá kórfélögum. Miðaverð í forsölu er kr 2.000,- en kr 2.500,- við innganginn. Með bestu jólakveðju, Gospelsystur Reykjavíkur, gospel@mi.is Vox feminae, sigurada@hi.is

Kvennakór Hornafjarðar heldur sína árlegu jólatónleika í Nýheimum miðvikudagskvöldið 7. desember. Fjölbreytt efnisskrá. Stjórnandi tónleikanna er Sigjón Bjarnason og undirleikari er nýr að þessu sinni Svavar Sigurðsson.Fréttatilkynning frá Kvennakór Hornafjarðar
Undanfarin ár hefur kórinn boðið upp á hnallþórur og annað í þeim dúr og er það mál manna að annað eins sjáist varla í sveitum landsins. Það hefur verið venja að bjóða tónlistafólki að koma fram með okkur á þessu kvöldi og að þessu sinni munu nokkur ungmenni koma fram með kórnum. Einnig mun kórinn koma fram á árlegum tónleikum allra kóra staðarins 18. desember í Hafnarkirkju og að þeim loknum finnst Hafnarbúum jólin komin. Gleðileg jól, Kvennakór Hornafjarðar, farnthorsdottir@actavis.is