Landssamband íslenskra Kvennakóra

Í dag föstudaginn 2. desember kemur út dagatal Kvennakórs Hornafjarðar. Mikil leynd hefur ríkt yfir útkomu dagatalsins en vitað er að myndir af kórkonum "léttklæddum" prýðir dagatalið.Fréttatilkynning frá Kvennakór Hornafjarðar
Útgáfuhátíð verður í dag þar sem kórkonur munu aka um bæinn með hávaða og sprelli, glensi og gríni í tilefni dagsins. Kórkonur munu svo standa við Krónuna og Miðbæinn í dag og selja og gefa jólaglögg. Kvennakórskonur verða með dagatalið til sölu í Krónunni og Miðbæ á föstudaginn kl. 17:00 - 18:30. Dagatalið prýða myndir af Kvennakórskonum sjálfum. Myndirnar eru mjög óvenjulegar og sumar konurnar næsta fáklæddar. Dagatalið er jafnframt einskonar viðburðadagatal fyrir Hornafjörð því helstu viðburðir eru merktir inná, svo sem eins og þorrablót, Humarhátíð og tónleikar kóranna.

Jórukórinn á Selfossi og Karlakór Selfoss halda sameiginlega jólatónleika í Lista- og menningarmiðstöðinni Hólmaröst á Stokkseyri, sunnudaginn 4. desember. Stjórnendur tónleikanna eru þau: Hlín Pétursdóttir, Helga Sighvatsdóttir og Loftur Erlingsson. Tónleikarnir hefjast kl. 17:00 og eru miðar seldir við innganginn.Fréttatilkynning frá Jórukórnum
Karlakór Selfoss og Jórukórinn efna nú í fyrsta skipti til sameiginlegra jólatónleika. Kórarnir hafa átt gott samstarf á undanförnum árum og hafa þeir áður sameinað krafta sína í söng. Tvisvar sinnum hafa þeir haldð vel happnaða tónleika í Ými í Reykjavík og einnig hafa þeir sungið sameiginlega á aðventutónleikum. Karlakór Selfoss fagnar 40 ára afmæli í ár, í tilefni þessara tímamóta gaf kórinn úr sinn þriðja geisladisk og fór í vel heppnaða tónleikaferð til Vesturheims á liðnu sumri. Stjórnandi kórsins er Loftur Erlingsson og undirleik á píanó annast Julian Edward Isaacs. Helga Kolbeinsdóttir, sópransöngkona, syngur einsöng með Karlakór Selfoss. Jórukórinn er yngri að árum en hann er nú á sínu 10. starfsári. Jórurnar fóru til Austurrríkis á síðasta ári og tóku þátt í tónlistarhátíð í Salzburg. Geisladiskur með söng kórsins vera gefin út fyrir jólin 2003. Hlín Pétursdóttir sópransöngkona, sem ættuð er af þessum slóðum tók við stjórn kórsins fyrir ári síðan. Þórlaug Bjarnadóttir hefur annast undirleik á píanó fyrir Jórurnar um áraraðir. Blokkflautukvintett Tónskóla Árnesinga, leikur í upphafi tónleikanna. Hann skipa þau: Margrét Brynja Guðmundsdóttir, Ásrún Sæland, Heiðrún Birna Rúnarsdóttir, Þórhildur Helga Guðjónsdóttir og Ingibjörg Birgisdóttir. Stjórnandi kvintettsins er Helga Sighvatsdóttir. Miðar verða seldir við innganginn. Miðaverð kr. 1.500.- fyrir eldri en 12 ára, allir velkomnir. Með bestu jólakveðju, Jórukórinn á Selfossi, oskarmarels@simnet.is

Kvennakór Reykjavíkur og Karlakórinn Þrestir halda spennandi tónleika á næstunni. Kórarnir verða með þrenna jólatónleika: Sunnudaginn 4. desember kl. 17:00 í Grafarvogskirkju, þriðjudaginn 6. desember kl. 20:00 í Grafarvogskirkju og laugardaginn 10. desember kl. 16:00 í Víðistaðakirkju í Hafnarfirði.Upplýsingar um miðasölu fyrir tónleikana
Miðaverð er kr. 1800,- í forsölu hjá kórfélögum en kr. 2000,- við innganginn. Einnig er hægt að panta miða með því að að senda tölvupóst í netfangið kvkor@mmedia.is eða hringja í síma kórsins: 896 6468. Ekki missa af þessu einstaka tækifæri! Kvennakór Reykjavíkur Netfang: kvkor@mmedia.is Sími: 896 6468
Kvennakór Reykjavíkur og Karlakórinn Þrestir halda spennandi tónleika á næstunni. Kórarnir verða með þrenna jólatónleika: Sunnudaginn 4. desember kl. 17:00 í Grafarvogskirkju, þriðjudaginn 6. desember kl. 20:00 í Grafarvogskirkju og laugardaginn 10. desember kl. 16:00 í Víðistaðakirkju í Hafnarfirði.Fréttatilkynning frá Kvennakór Reykjavíkur
Kvennakór Reykjavíkur og Karlakórinn Þrestir halda spennandi tónleika á næstunni. Dagskráin verður þríþætt. Kvennakórinn syngur nokkur hugljúf jólalög, sem og karlakórinn, en að lokum sameinast kórarnir og syngja þýska messu eftir Schubert og kunn jólalög úr ýmsum áttum. Þarna er því boðið uppá flóruna í kórsöng: Kvennakór, karlakór og blandaðan kór þar sem allir koma okkur í jólaskap á aðventunni. Kórarnir verða með þrenna jólatónleika: Sunnudaginn 4. desember kl. 17:00 í Grafarvogskirkju, þriðjudaginn 6. desember kl. 20:00 í Grafarvogskirkju og laugardaginn 10. desember kl. 16:00 í Víðistaðakirkju í Hafnarfirði.

Framundan eru árlegir jólatónleikar Kyrjanna sem verða að þessu sinni haldnir í Kópavogskirkju laugardaginn 3. desember kl. 17:00. Tónleikarnir bera yfirskriftina Jól, jól, skínandi skær og á efnisskránni eru kirkjusöngvar og jólalög úr ýmsum áttum. Með Kyrjunum syngur einsöngvarinn Alda Ingibergsdóttir en stjórnandi tónleikanna er Sigurbjörg Hv. Magnúsdóttir. Halldóra Aradóttir leikur á píanó. Miðaverð á tónleikana er kr. 1500. Frítt er fyrir börn yngri en 12 ára.