Landssamband íslenskra Kvennakóra

Kvennakórinn Norðurljós heldur tvenna tónleika á næstunni. Þeir fyrri verða í samkomuhúsinu Baldri á Drangsnesi miðvikudaginn 1. júní kl. 21:00. Seinni tónleikarnir verða í Hólmavíkurkirkju fimmtudaginn 2. júní kl. 21:30.Frétt frá Kvennakórnum Norðurljós
Kvennakórinn Norðurljós heldur tvenna tónleika á næstunni. Þeir fyrri verða í samkomuhúsinu Baldri á Drangsnesi miðvikudaginn 1. júní kl. 21:00. Seinni tónleikarnir verða í Hólmavíkurkirkju fimmtudaginn 2. júní kl. 21:30. Efnisskráin er létt og fjölbreytt, en kórinn syngur m.a. nokkur lög eftir Gunnar Þórðarson en hann leikur með kórnum á tónleikunum ásamt Stefaníu Sigurgeirsdóttir og Gunnlaugi Bjarnasyni. Kórinn hefur undanfarin sumur komið fram á menningarkvöldum á veitingahúsinu Café Riis en heimafólk á Hólmavík hefur annast dagskrá þar á hverju fimmtudagskvöldi yfir sumarið. Nú hafa nýjir eigendur tekið við staðnum og við væntum áframhaldandi góðs samstarfs við þá og hvetjum alla sem ferð eiga um Strandir til þess að líta þar inn. Kórinn mun einnig syngja á Hamingjudögum sem haldnir verða fyrstu helgina í júlí. Kvennakórinn Norðurljós hvetur alla til að koma á Strandir í sumar, hér er blómlegt menningarlíf og undurfalleg náttúra. Bestu kveðjur, Kvennakórinn Norðurljós á Hólmavík

Kvennakór Garðabæjar verður með tvenna vortónleika í júní. Þeir fyrri eru sunnudaginn 5. júní kl. 17:00 í Seltjarnarneskirkju og þeir síðari fimmtudaginn 9. júní kl. 20:00 í Hásölum, Hafnarfirði. Miðasala verður við innganginn.Frétt frá Kvennakór Garðabæjar
Kvennakór Garðabæjar verður með tvenna vortónleika í júní. Þeir fyrri eru sunnudaginn 5. júní kl. 17:00 í Seltjarnarneskirkju og þeir síðari fimmtudaginn 9. júní kl. 20:00 í Hásölum, Hafnarfirði (safnaðarheimili Hafnarfjarðarkirkju). Á efnisskránni eru meðal annars verk eftir Fauré, Dvorak og Holst, auk íslenskra sönglaga og þjóðlaga frá ýmsum heimshornum. Meðleikarar kórsins eru þær Helga Laufey Finnbogadóttir, píanóleikari og Marion Herrera, hörpuleikari. Kórstjóri er Ingibjörg Guðjónsdóttir. Miðaverð er kr. 1.800 en kr. 1.500 fyrir lífeyrisþega. Miðasala verður við innganginn en forsala miða er í Bókabúðinni Grímu, Garðatorgi og hjá kórkonum. Kvennakór Garðabæjar

Kvennakór Garðabæjar býður Garðbæinga og aðra gesti velkomna á opna kóræfingu laugardaginn 21. maí næstkomandi kl. 13:00-15:00. Æfingin verður haldin á Garðatorgi Garðabæ þar sem gestir og gangandi geta fengið glögga mynd af því hvernig reglubundnar æfingar kórsins ganga fyrir sig.Frétt frá Kvennakór Garðabæjar
Opin kóræfing á Garðatorgi laugardaginn 21. maí, kl. 13:00-15:00 Kvennakór Garðabæjar býður Garðbæinga og aðra gesti velkomna á opna kóræfingu laugardaginn 21. maí næstkomandi kl. 13:00-15:00. Æfingin verður haldin á Garðatorgi þar sem gestir og gangandi geta fengið glögga mynd af því hvernig reglubundnar æfingar kórsins ganga fyrir sig. Jassbræðurnir Óskar og Ómar Guðjónssynir mæta kl. 14:00 og spila léttan eurovision-jazz. Kórinn verður með sérlega fjölbreytt lagaval og má búast við skemmtilegum uppákomum í tilefni dagsins. Skemmtileg kaffihúsastemmning verður á torginu þar sem eiginmenn kórkvenna verða með vöfflusölu, auk þess sem sérstakir eurovision-snakkpakkar verða í boði, ásamt öðrum varningi kórsins. Opin kóræfing er nýbreytni í starfsemi kórsins og liður í að kynna kórstarfið, auk þess kjörið tækifæri til að auðga menningu og mannlífið á Garðatorgi. Kórkonur hlakka mikið til laugardagsins og vonast til að sem flestir sjái sér fært að njóta stundarinnar með þeim og sérstaklega þeir sem hafa ekki notið söngs kórsins áður. Með bestu kveðju, Kvennakór Garðabæjar Anný Lára upplýsingafulltrúi Kvennakórs Garðabæjar, sími: 822 7128

Kvennakór Reykjavíkur heldur tónleika í Grafarvogskirkju sunnudaginn 8. maí. kl. 17:00. Miðaverð við innganginn er 2200 kr. Hægt er að fá miða í forsölu á 1700 kr. hjá kórkonum og í síma 896 6468. Grunnskólabörn borga 1000 kr. Ef einhver hefur áhuga á að kaupa miða, þá er hægt að hafa samband við Sigurveigu Hjaltested, netfang: veiga@lss.isFrétt frá Kvennakór Reykjavíkur
Vortónleikar Kvennakórs Reykjavíkur Kvennakór Reykjavíkur heldur tónleika í Grafarvogskirkju sunnudaginn 8. maí. kl. 17:00 Tónleikarnir hefjast með tveimur lögum eftir Tryggva Baldvinsson og síðan koma þjóðlög í útsetningu Hildigunnar Rúnarsdóttur. Höfuðborgin okkar, Reykjavík, fær sinn stað í dagskránni og syngur kórinn fjögur lög sem fjalla um borgina, þar af tvö í nýrri útsetningu Aðalheiðar Þorsteinsdóttur. Seinni hluti tónleikanna er að mestu helgaður erlendum tónsmíðum. Þar á meðal eru þjóðlög frá Finnlandi og Svíþjóð, einnig syngur kórinn Song of the Bell eftir sænska tónskáldið Daniel Helldén, við ljóð Longfellow og Tango in 5 eftir Söndru Milliken. Tónleikarnir enda síðan á fjórum lögum eftir Jón Ásgeirsson við ljóð Halldórs Laxness. Sigrún Þorgeirsdóttir, stjórnandi Vignir Þór Stefánsson, píanó Sigurður Flosason, saxófónn Miðaverð við innganginn er 2200 kr. Hægt er að fá miða í forsölu á 1700 kr. hjá kórkonum og í síma 896 6468. Grunnskólabörn borga 1000 kr. Ef einhver hefur áhuga á að kaupa miða, þá er hægt að hafa samband við mig. Sigurveig Hjaltested veiga@lss.is Með bestu kveðjum, Kvennakór Reykjavíkur