Landssamband íslenskra Kvennakóra

Gospelsystur Reykjavíkur verða með vortónleika í Langholtskirkju fimmtudaginn 12. maí. Stjórnandi Gospelsystra er sem fyrr Margrét J. Pálmadóttir en hún er löngu orðin landsþekkt fyrir líflega framkomu og öflugt tónlistarstarf hér heima sem erlendis. Miðar seldir við innganginn en einnig er hægt að kaupa miða í gegnum síma: 861 2668.Frétt frá Gospelsystrum Reykjavíkur
Gospelsystur Reykjavíkur verða með tvenna vortónleika í Langholtskirkju fimmtudaginn 12. maí 2005. Tónleikarnir bera yfirskriftina Purple rain. Stjórnandi Gospelsystra er sem fyrr Magga Pálma en hún er löngu orðin landsþekkt fyrir líflega framkomu og öflugt tónlistarstarf hér heima sem erlendis. Gestasöngvari Gospelsystra að þessu sinni er Bandaríkjamaðurinn Seth Sharp. Undirleikur er í höndum Agnars M. Magnússonar píanóleikara ásamt hljómsveit. Tónleikarnir hefjast kl. 20:00 og kl. 22:00. Miðaverð kr. 2.000.- Miðar eru seldir hjá kórfélögum og við innganginn. Með bestu kveðju, Gospelsystur Reykjavíkur Netfang: gospel@mi.is Sími: 861 2668

Jórukórinn á Selfossi heldur vortónleika í Hvíta húsinu á Selfossi 5. maí, uppstigningardag og föstudaginn 6. maí. Stjórnandi kórsins er Hlín Pétursdóttir, söngkona og mun hún einnig syngja einsöng með kórnum. Þórlaug Bjarnadóttir leikur undir á píanó. Lagavalið er fjölbreytt, norræn lög og íslensk í bland við létt dægurlög.Jórukórinn á Selfossi með tónleika
Jórukórinn verður í miklu stuði eftir kóramótið og heldur vortónleika sína í Hvíta húsinu á Selfossi 5. maí, uppstigningardag og föstudaginn 6. maí. Tónleikarnir hefjast bæði kvöldin kl. 20.30 og boðið verður upp á kaffi og konfekt meðan kórinn syngur, sannkölluð kaffihúsastemning. Stjórnandi kórsins er Hlín Pétursdóttir, söngkona og mun hún einnig syngja einsöng með kórnum. Þórlaug Bjarnadóttir leikur undir á píanó. Lagavalið er fjölbreytt, norræn lög og íslensk í bland við létt dægurlög. Sérstakir gestir kórsins er dixieland-hljómsveitin Sýslumennirnir. Sveitin er skipuð hljóðfæraleikurum frá Selfossi og Þorlákshöfn og leika þeir dixieland af bestu gerð. Fáar dixieland-hljómsveitir eru starfandi á Íslandi og það er Jórukórnum er því mikill fengur að fá Sýslumennina til samstarfs við sig. Jórukórinn á Selfossi Elín Kristbjörg Guðbrands, elinkg@fsu.is

Gígjunni barst þetta skemmtilega fréttabréf frá Sandlóunum.Fréttabréf frá sönghópnum Sandlóum
Nú erum við hættar okkar vetrarstarfi - þegar söngfuglarnir koma sunnanað hlustum við bara hljóðar og bíðum næsta hausts þegar hljóðnar um heiðar og dali. Við höfum æft eitt kvöld í viku hverri og um jólaleiti tókum við eina æfingu á sjúkrahúsinu á Hvammstanga og aðra í Nestúni þar sem eru íbúðir fyrir aldraða. Við fylgdumst svo með karlakórnum Lóuþrælum - sem við erum í nánu sambandi við - í söngferðir til að kynna vetrarstarfið. Þann 16. mars var ekið vestur í Dali og sungið í Dalabúð þar sem við fengum góðar viðtökur. Og þann 10.apríl var svo ekið norður á Hólmavík þar sem við sungum í kirkjunni á staðnum og líka þar fengum við góðar viðtökur. Það verður að geta þess að þar er kvennakór og kvöddu þær okkur með stórveislu áður en haldið var heim. Lóuþrælarnir urðu tvítugir í vetur - við erum aðeins yngri! - í því tilefni buðu þeir okkur til veislu að Staðarflöt, en sameiginlega afmælis-og vortónleika héldum við svo laugardaginn 16. apríl í félagsheimilinu á Hvammstanga með tertum og tilheyrandi að vanda, þar var vel mætt og þurftu báðir kórarnir að syngja aukalög. Og nú er bara að bíða næsta hausts. Bestu kveðjur til kvennakóranna. Sandlóurnar Hvammstanga

Þessa dagana er Freyjukórinn að undirbúa tónleika sem verða haldnir fimmtudaginn 28. apríl kl. 21:00 í Saubæjarkirkju á Hvalfjarðarströnd.Frétt frá Freyjukórnum í Borgarfirði
Freyjukórinn verður með tónleika í Saurbæjarkirkju Hvalfjarðarströnd fimmtudaginn 28. apríl 2005 klukkan 21:00 Á söngskránni er fjölbreytt kvikmyndatónlist. Kórstjóri er Zsuzsanna Budai. Aðgangseyrir. Allir hjartanlega velkomnir.