Landssamband íslenskra Kvennakóra

Freyjukórinn í Borgarfirði stendur fyrir kaffihúsakvöldi í Logalandi Reykholtsdal föstudagskvöldið 18. mars kl. 20. Stjórnandi Freyjukórsins er Zsuzsanna Budai og flutt verður tónlist úr amerískum kvikmyndum.Frétt frá Freyjukórnum í Borgarfirði
Freyjukórinn í Borgarfirði býður upp á kaffihúsakvöld. Flutt verður amerísk kvikmyndatónlist á 15 ára afmælistónleikum Freyjukórsins í Logalandi Reykholtsdal föstudaginn 18. mars. Dralon hópurinn óviðjafnanlegi mun einnig koma fram með kórnum. Kynnir kvöldsins er Þorvaldur Jónsson, Brekkukoti. Kórstjóri er Zsuzsanna Budai. Einsöngvarar eru Ásdís Haraldsdóttir, Ásta Kristín Guðmundsdóttir, Guðrún Björk Friðriksdóttir, Inga Vildís Bjarnadóttir, Margrét Jóhannsdóttir, og Þórunn Pétursdóttir. Undirleikarar með kórnum eru Steinunnn Árnadóttir, Haukur Gíslason, Eva Ritter og Lára Kristín Gísladóttir. Miðar seldir við innganginn. Miðaverð kr. 1500 fyrir fullorðna. Húsið opnar kl 20:00. Allar nánari upplýsingar um tónleikana gefur formaðurinn; Hrefna Sigmarsdóttir í Húsafelli í síma: 435 1558. Freyjukórinn lofar góði tónlist og skemmtilegri stemningu. Sjáumst hress! Freyjukórinn í Borgarfirði netfang: husafell@husafell.is

Stjórn Gígjunnar hefur sent frá sér fréttatilkynningu á helstu fjölmiðla landsins. Með fréttatilkynningunni voru senda nokkrar myndir fá málþinginu. Þeir kórar sem hafa áhuga á að fá sendan netfangalista fjölmiðla geta haft samband.Fréttatilkynning send á helstu fjölmiðla landsins
Fyrsta málþing Gígjunnar Gígjan landssamband íslenskra kvennakóra hélt sitt fyrsta málþing 4. mars síðast liðinn í sönghúsinu Domus Vox í Reykjavík. Gígjan var stofnuð 5. apríl 2003 og var aðalmarkmið með stofnun sambandsins að efla starfsemi og samstarf íslenskra kvennakóra og safna og miðla upplýsingum um starfsemi og sögu þeirra. Eins er lögð áhersla á að auka samskipti við erlenda kvennakóra. Sambandið skipa 19 kvennakórar með á annað þúsund konum. Kórarnir starfsa víðsvegar á landinu fyrir utan Kvennakór Kaupmannahafnar sem starfar í Danmörku. Aðildarkórar Gígjunnar sendu fulltrúa á málþingið en eitt megin markmið með málþinginu var einmitt að kalla saman félaga Gígjunnar til þess að stjórnendur og stjórnir þeirra gætu hist og miðlað hugmyndum og upplýsingum sín á milli. Á málþinginu voru haldnir fyrirlestrar um starf kvennakóra. Margrét Bóasdóttir söngkona og kórstjórnandi flutti erindi um kvennakóra fyrr og nú. Margrét J. Pálmadóttir fjallaði um það að vera í kór alla ævi. Steinunn Jónsdóttir félagi í Stúlknakór Reykjavíkur las bréf sem hún skrifaði til borgarstjóra þegar hún var 11 ára gömul. Í bréfinu var hún m.a. að óska eftir stuðningi frá borgaryfirvöldum við kórastarfið. Helga Arnardóttir las texta eftir kórstjórann um gildi þess að syngja í kór og hvers megnugur samhljómur radda getur verið. Einnig stjórnaði Margrét J. Pálmadóttir Stúlknakórnum en söngur hans var hluti af setningu þingsins. Soffía Jakobsdóttir leikari flutti erindi um föður sinn Jakob Tryggvason. Erindið nefndi hún Kellíngarnar hans Jakobs, en Jakob Tryggvason, kórstjóri og organisti stofnaði og stjórnaði kvennakórnum Gígjunni á Akureyri. Sigrún Þorgeirsdóttir kórstjóri fjallaði um norrænt samstarf kvennakóra og sagði m.a. frá norrænu kvennakóramóti sem haldið verður í Västerås í Svíþjóð í september 2005. Ásdís Helga Bjarnadóttir kórkona gerði grein fyrir ýmsum möguleikum í alþjóðlegu söngstarfi og þá sérstaklega ólympíuleikum kóra sem haldnir eru annað hvert ár. Þá var opnað nýtt vefsetur sambandsins, http://www.gigjan.is/. Framundan hjá kvennakórum Gígjunnar er landsmót kvennakóra sem haldið verður í Hafnarfirði dagana 29. apríl til 1. maí. Nánari upplýsingar um starfsemi Gígjunnar veitir Sigurbjörg Aðalsteinsdóttir stjórnarformaður Gígjunnar í síma: 896 4026.

Gígjan hélt sitt fyrsta málþing föstudaginn 4. mars 2005. Málþingið var haldið í sönghúsinu Domus Vox sem í dag hýsir tvo kvennakóra og þrjá stúlknakóra. Sigurbjörg Aðalsteinsdóttir formaður Gígjunnar átti hugmyndina að málþinginu og hún ásamt stjórn Gígjunnar sá um allan undirbúning. Nokkrir góðir gestafyrirlesarar komu og fluttu erindi og kunnum við þeim bestu þakkir fyrir.
Gígjan hélt sitt fyrsta málþing föstudaginn 4. mars 2005. Málþingið var haldið í sönghúsinu Domus Vox sem í dag hýsir tvo kvennakóra og þrjá stúlknakóra. Sigurbjörg Aðalsteinsdóttir formaður Gígjunnar átti hugmyndina að málþinginu og hún ásamt stjórn Gígjunnar sá um allan undirbúning. Nokkrir góðir gestafyrirlesarar komu og fluttu erindi og kunnum við þeim bestu þakkir fyrir. Aðildarkórar Gígjunnar sendu sína fulltrúa á málþingið en eitt megin markmið með málþinginu var einmitt að kalla saman kóra Gígjunnar til þess að stjórnendur og stjórnir þeirra gætu hist og skipst á skoðunum. Margrét Bóasdóttir söngkona opnaði nýtt vefsetur Gígjunnar í fjarveru menntamálaráðherra sem forfallaðist á síðustu stundu. Menntamálaráðherra sendi góðar kveðjur til íslenskra kvennakóra í landinu og óskaði þeim til hamingju með samtökin og nýja vefsetrið. Stúlknakór Reykjavíkur söng undir stjórn Margrétar J. Pálmadóttur. Fyrirlesarar fluttu skemmtileg erindi við fögnuð gesta og málþinginu lauk á óformlegum umræðum þar sem kórkonur gátu skipst á skoðunum og upplýsingum. Skemmtilegar umræður sköpuðust og viljum við í stjórn Gígjunnar þakka ykkur öllum kærlega fyrir frábæra samverustund.

Freyjukórinn í Borgarfirði hefur eignast einkennismerki. Gígjan óskar þeim hjartanlega til hamingju með fallegt merki.Frétt frá Freyjukórnum í Borgarfirði
Freyjukórinn í Borgarfirði stóð fyrir samkeppni meðal kórfélaga um einkennismerki fyrir kórinn á haustmánuðum. Alls bárust um níu tillögur og var ein valin til frekari útfærslu. Höfundur tillögunnar er Ásdís Helga Bjarnadóttir, og var hún útfærð nánar með Guðrúnu Björk Friðriksdóttur. Guðrún og Ásdís eru báðar félagar í Freyjukórnum í Borgarfirði. Stjórnandi Freyjukórsins er Zsuzsanna Budai. Formaður kórsins er Hrefna G. Sigmarsdóttir, netfang: husafell@husafell.is