Landssamband íslenskra Kvennakóra

Landsmótsnefnd Kvennakórs Hafnarfjarðar hefur sent frá sér lagalista fyrir landsmótið sem haldið verður í Hafnarfirði 29. apríl til 1. maí 2005. Um er að ræða fimm vinnuhópa sem valið er á milli og svo eru fjögur sameiginleg lög sem allir kórar syngja saman.
Vinnuhópar* 1. Jónasarlög Lög Atla Heimis Sveinssonar við ljóð Jónasar Hallgrímssonar fyrir 2ja og 3ja radda kvennakór og píanó. a. Úr Hulduljóðum b. Ásta c. Vorvísa d. Dalvísa (látið mæta afgangi ef þrjú lög þykja nóg) 2. Íslenskir söngdansar Syrpa af íslenskum þjóðlögum og fornum danskvæðum og rímum, útsett og samið af Jóni Ásgeirssyni fyrir 3ja radda kvennakór og hljómsveit/píanó. a. Hoffinskvæði b. Harmabót c. Kristínarkvæði d. Úr Tímarímum 3. Lög eftir Björgvin Þ. Valdimarsson Fyrir 3ja og 4ra radda kvennakór og píanó. a. Mamma (Jón Sigfinnsson) b. Maríubæn (Halla Eyjólfsdóttir) c. Máttur söngsins (Þuríður Kristjánsdóttir) 4. Verk með trúarlegum textum a. Tantum Ergo (úr Pange Lingua, St. Thomas Aquinas) eftir Gabriel Fauré, Op. 65, No. 2 fyrir 3ja radda kvennakór og orgel b. Nigra Sum (biblíutexti, úr Ljóðaljóðum) eftir Pablo Casals fyrir 3ja radda kvennakór og píanó/orgel c. Sköpun og fæðing, skírn og prýði (úr Lilju Eysteins Ásgrímssonar) eftir Huga Guðmundsson (1999) fyrir 4ra radda kvennakór 5. Gesänge Fjögur lög eftir Johannes Brahms, Op. 17 fyrir 3ja radda kvennakór, tvö horn og hörpu. a. Es tönt ein voller Harfenklang (Ruberti) b. Lied von Shakespeare c. Der Gärtner (Joseph von Eichendorff) d. Gesang aus Fingal (Ossian) Sameiginlegt 1. Hvar eru fuglar Rússneskt lag við ljóð Steingríms Thorsteinssonar fyrir kvennakór og píanó. 2. Sjá dagar koma Lag Sigurðar Þórðarsonar við ljóð Davíðs Stefánssonar raddsett af Marteini H. Friðrikssyni. 3. Úr útsæ rísa Íslands fjöll Lag Páls Ísólfssonar við ljóð Davíðs Stefánssonar raddsett af Hildigunni Rúnarsdóttur. ** 4. Mótslag (verður afhent í byrjun mars) Verk Tryggva M. Baldvinssonar fyrir 3ja radda kvennakór. * Erfiðleikastig Vinnuhópum er raðað nokkurn veginn eftir erfiðleikastigum verkefna. ** Nótur Allar nótur fyrir utan lagið Úr útsæ rísa (Söngvasveigur 2, Skálholtsútgáfan) koma frá mótsnefnd. Nánari upplýsingar um verkefnaval veitir; Hrafnhildur Blomsterberg hild@ismennt.is Símar: 565 5354 og 699 3740

Hér er skráningareyðublað fyrir kvennakóramótið í Svíþjóð.Nordic Womens Choir Festival 2005

Hér er skráningareyðublað fyrir kvennakóramótið í Svíþjóð.Nordic Womens Choir Festival 2005

Málþing fyrir stjórnendur og stjórnir aðildarkóra Gígjunnar verður haldið í Söngskólanum Domus Vox föstudaginn 4. mars 2005 kl. 16:00-19:00.
Gígjan, landssamband kvennakóra, stendur fyrir málþingi um starf kvennakóra föstudaginn 4. mars næstkomandi frá kl. 16:00 - 19:00. Málþingið er ætlað kórstjórum og stjórnum aðildarkóra. Flutt verða stutt erindi og ný heimasíða formlega opnuð. Dagskrá verður send út í fréttabréfi um miðjan febrúar og birt hér á heimasíðu.

Kórferðir á Íslendingaslóðir í Vesturheimi hafa löngum verið vinsælar hjá íslenskum kórum enda hafa þeir notið mikillar gestrisni heimamanna.
Ferða- og fræðslunefnd Þjóðræknisfélags Íslendinga (ÞFÍ) hefur séð um að skipuleggja hópferðir í samráði við félög Íslendinga í Vesturheimi en þau eru nú á þriðja tug um gervallt Vestur-Kanada og í mörgum ríkjum Bandaríkjanna. Algengir áfangastaðir íslenskra kóra hafa verið Mountain og Gimli en félagið kappkostar að fjölga áfangastöðum. Íslenskir kórar geta nú farið á Íslendingaslóðir t.d. í San Francisco, Seattle, Vancouver, Edmonton, Calgary, Winnipeg og Minneapolis svo dæmi séu tekin. Eins og gefur að skilja er nauðsynlegt að skipuleggja þessar ferðir með góðum fyrirvara. Þeir kórar sem áhuga hafa á slíkri ferð er bent á að hafa samband við Jónas Þór, tölvupóstföng: jtor@mmedia.is og Jonas.Thor@eu.dodea.edu. Frekari upplýsingar um ÞFÍ má finna á vefsetrinu: http://www.inl.is/