Landssamband íslenskra Kvennakóra

Kvennakór Kópavogs mun afhenda Líknardeild LSH í Kópavogi og Mæðrastyrksnefnd Kópavogs rúmar tvær milljónir í styrki til eflingar starfsemi þeirra í sérstakri athöfn sem fram fer í Gerðarsafni næstkomandi miðvikudag, 10. desember, klukkan 16:00.

Styrkirnir eru ágóði af árlegum styrktartónleikunum kórsins, Hönd í Hönd, sem haldnir voru í Austurbæ þann 9. nóvember síðastliðinn. Á tónleikunum kom fram einvalalið tónlistarmanna og sérstakir gestir voru þau Páll Óskar Hjálmtýssson, Alma Rut Kristjánsdóttir og Drengjakór Íslenska Lýðveldisins.​ Ágóðinn af tónleikunum varð 2.227.927 kr. og var ákveðið að skipta honum jafnt á milli Líknardeildar LSH í Kópavogi og Mæðrastyrksnefndar Kópavogs.

Kvennakór Kópavogs þakkar flytjendum, áhorfendum og öllum þeim sem komu að þessum tónleikadegi, kærlega fyrir!

Kvennakór Hornafjarðar heldur sína árvissu jólatónleika í Nýheimum miðvikudagskvöldið 10. desember kl. 20:00. Kórinn mun syngja bæði jólalög og ýmis hugljúf og falleg lög sem eiga vel við á aðventunni. Að loknum söng geta gestir gætt sér á margrómuðu tertuhlaðborði kvennakórskvenna. 

Stjórnandi kórsins er Heiðar Sigurðsson og annast hann jafnframt undirleik ásamt hljómsveit, en í henni eru þeir Bragi Karlsson, Birkir Þór Hauksson og Þorkell Grétarsson.

Miðaverð er kr. 2.500,- (tertuhlaðborð innifalið - ekki tekin kort), en 12 ára og yngri fá frítt í fylgd með fullorðnum.

Aðventutónleikar Kvennakórs Garðabæjar í Digraneskirkju 

Miðvikudaginn 10. desember kl. 20 verða aðventutónleikar Kvennakórs Garðabæjar haldnir í Digraneskirkju. Eins og mörg undanfarin ár mun kórinn halda aðventutónleika sína í þessari fallegu kirkju í nágrannabæjarfélaginu.

Á Hawai verða jólin hvorki rauð né hvít
Dagskráin verður að vanda fjölbreytt með sígildum jólaperlum og hátíðlegum jólalögum og munu tónleikagestir bæði fá að heyra gamalkunnug jólalög sem og lög sem kórinn hefur ekki flutt áður.

Stjórnandi kórsins og listrænn stjórnandi tónleikanna er Ingibjörg Guðjónsdóttir, sópransöngkona. Píanisti kórsins er Sólveig Anna Jónsdóttir, píanóleikari. Leikkonan Katla Margrét Þorgeirsdóttir verður sérstakur gestur kórsins á þessum tónleikum.

Tónleikamiðar
Miðar verða seldir í forsölu hjá kórkonum kvennakorgb@gmail.com og einnig við innganginn.
Miðaverð er 2.000 kr í forsölu og 2.500 kr við innganginn.

Kaffi og jólasmákökur í boði kórkvenna
Aðventutónleikarnir verða um það bil klukkustundar langir án hlés og að þeim loknum verður gestum boðið upp á kaffi og smákökur í hliðarsal kirkjunnar. Við vonumst eftir að sem flestir komi og njóti þessarar stundar með okkur.

Kvennakór Garðabæjar er á facebook
Hægt er að fylgjast með starfsemi kórsins á facebook síðu Kvennakórs Garðabæjar: https://www.facebook.com/kvennakorgb

Kvennakórinn Ymur og Grundartangakórinn halda jólatónleika í safnaðarheimilinu Vinaminni við Skólabraut á Akranesi miðvikudaginn 10. desember kl. 20:00.

Einsöngvari er Smári Vífilsson. Stjórnendur eru Sigríður Elliðadóttir og Atli Guðlaugsson. Birgir Þórisson og Flosi Einarsson leika á píanó.

Aðgangseyrir er 2.000 kr. Enginn posi verður á staðnum.