Landssamband íslenskra Kvennakóra

Senjorítukórinn ætlar að hafa “opna æfingu” mánudaginn 14. nóvember. Tilgangurinn er að vekja athygli kvenna á starfssemi kórsins og kórsöng kvenna eldri en 60 ára. Kórkonur njóta þess að eiga saman ánægjustund, einu sinni í viku, milli kl. 16.00 og 18.00 á mánudögum. Æfingastaðurinn er félagsmiðstöðin á Vitatorgi, Lindargötu 59.

Kórstjórinn, gleðigjafi og leiðbeinandi, er Ágota Joó sem einnig stjórnar Kvennakór Reykjavíkur. Nú er kórinn aðallega að æfa jólalög sem hann ætlar að flytja í Breiðholtskirkju á aðventukvöldi 8. desember, ásamt Kvennakór Reykjavíkur.

Laugardaginn 22. október kl. 14:00 - 16:00 verður aðalfundur Gígjunnar haldinn í Söngskólanum Domus Vox, Laugavegi 116, 105 Reykjavík. 

Stefnumótun Gígjunnar er í höndum aðildarfélaga, aðalfundar og þeirra aðila sem kosnir eru til stjórnunar- og nefndarstarfa, því er mjög mikilvægt að allir kórar sendi fulltrúa sína. 

Dagskrá aðalfundar: 

1. Skýrsla stjórnar.  2. Reikningar.  3. Umræða um skýrslu og reikninga.  4. Tillögur og lagabreytingar.  5. Ákvörðun árgjalds.  6. Kosning formanns.  7. Kosning stjórnar og varamanna.  8. Kosning tveggja skoðunarmanna reikninga.  9. Önnur mál.    Lagabreytingar og aðrar tillögur frá aðildarkórum skulu berast stjórn eigi síðar en tveimur vikum fyrir aðalfund.  Aðildarkórar Gígjunnar eru hvattir til þess að senda formann og stjórnir sínar á fundinn. Við viljum vekja athygli á að  hver kór getur sent eins marga fulltrúa og hann vill á fundinn.  Tveir fulltrúar hvers aðildarkórs hafa atkvæðisrétt á  aðalfundi skv. lögum Gígjunnar.   Stefnumótun Gígjunnar er í höndum aðildarfélaga, aðalfundar og þeirra aðila sem kosnir eru til stjórnunar- og  nefndarstarfa, því er mjög mikilvægt að allir kórar sendi fulltrúa sína. Aðildarkórar eru einnig hvattir til að koma með  tillögur að lagabreytingum. Breytingartillögur þurfa að berast fyrir fundinn þannig að hægt sé að kynna þær fyrir  öðrum kórum með tölvupósti. Vinsamlegast sendið allar tillögur eða hugmyndir að lagabreytingum á netfangið gigjan2003@gmail.com fyrir laugardaginn 8. október.Laugardaginn 22. október kl. 14:00 - 16:00 verður aðalfundur Gígjunnar haldinn í Söngskólanum Domus Vox, Laugavegi 116, 105 Reykjavík. 

Dagskrá aðalfundar: 
1. Skýrsla stjórnar
2. Reikningar
3. Umræða um skýrslu og reikninga
4. Tillögur og lagabreytingar
5. Ákvörðun árgjalds
6. Kosning formanns
7. Kosning stjórnar og varamanna
8. Kosning tveggja skoðunarmanna reikninga
9. Önnur mál

Lagabreytingar og aðrar tillögur frá aðildarkórum skulu berast stjórn eigi síðar en tveimur vikum fyrir aðalfund. 

Aðildarkórar Gígjunnar eru hvattir til þess að senda formann og stjórnir sínar á fundinn. Við viljum vekja athygli á að hver kór getur sent eins marga fulltrúa og hann vill á fundinn.  Tveir fulltrúar hvers aðildarkórs hafa atkvæðisrétt á aðalfundi skv. lögum Gígjunnar.  

Aðildarkórar eru einnig hvattir til að koma með tillögur að lagabreytingum. Breytingartillögur þurfa að berast fyrir fundinn þannig að hægt sé að kynna þær fyrir öðrum kórum með tölvupósti. Vinsamlegast sendið allar tillögur eða hugmyndir að lagabreytingum á netfang sambandsins fyrir 8. október.
 
  

Nú er komið að hinum árlega flóamarkaði Jórukórsins. Föstudaginn 14. og laugardaginn 15. október verður glatt á hjalla í Tryggvaskála á Selfossi þar sem Jórurnar bjóða til sölu marga eigulega muni. Þar verður á boðstólnum smátt og stórt, mjúkt og hart, skart og skraut, skæði og klæði, bækur og blöð, plötur og diskar, nýtt og notað, einnig gómsæti og ljúfmeti, allt á hóflegu verði. Kaffi og nýbakaðar vöfflur með rjóma verða til sölu á staðnum. Á föstudeginum verður opið frá kl. 13.oo til 18.oo og á laugardeginum frá kl. 10.oo til 16.oo. Flóamarkaðurinn er aðalfjáröflun Jórukórsins og vonast þær til að sem flestir noti þetta tækifæri til að gera góð kaup á skemmtilegum markaði, sem er orðinn fastur liður í bæjarlífinu.

Fyrsta sunnudag í aðventu, þann 27. nóvember, mun Léttsveitin halda tónleika í Hörpunni. Tónleikarnir verða í Eldborg og einsöngvarar með kórnum verða Hildigunnur Einarsdóttir, Valgerður Guðnadóttir og Ívar Helgason. Hljómsveit Aðalheiðar Þorsteinsdóttur spilar með kórnum og stjórnandi að vanda er Jóhanna V. Þórhallsdóttir.

Æfingar hjá Léttsveitinni hófust þann 13. september en þá höfðu ríflega 20 nýjar konur gengið til liðs við kórinn. Það verða því 130 konur sem munu stíga á svið Eldborgar á tónleikunum í nóvember.